Ayollar konsultatsiyasi
Ayollar konsultatsiyasi — ayollar kasalliklarining oldini olish va davolash muassasasi. Unda ayollarga, ayniqsa, homiladorlikda, „chilla“ davrida va turli ginekologik kasalliklarda malakali yordam koʻrsatiladi, hamda tegishli maslahatlar beriladi. Ayollar konsultatsiyasining asosiy vazifasi homiladorlarni muntazam kuzatib borish, homiladorlikda uchraydigan turli toksikoz kasalliklarining oldini olish va davolash, chala va oʻlik tugʻilishining oldini olish. Homiladorlarni tugʻishga psixoprofilaktik yoʻl bilan tayyorlash kabilardir. Ayollar konsultatsiyasi ayollar oʻrtasida sanitariya maorifi ishlarini ham olib boradi. Ayollar konsultatsiyasida akusher-ginekolog, terapevt, stomatolog, nevrolog, yurist va boshqa mutaxassislar xizmat qiladi.
Adabiyotlar
- OʻzME. Birinchi jild. Toshkent, 2000-yil
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |