Kontent qismiga oʻtish

Ayollar Global fondi

ZiyoSfera, erkin ensiklopediya
Ayollar Global fondi
Turi 501(c)(3)
Asoschi(lar)i Anne Firth Murray, Frances Kissling, Laura Lederer
Xoʻjayinlar Latanya Mapp Frett sobiq prezident va bosh ijrochi direktor (2023-yilgacha); va Sharon Bhagwan Rolls va Blythe Masters hamraislari, direktorlar kengashi; Maria Núñez kotib va rivojlanish bo‘limi raisi, direktorlar kengashi[1]
Aylanma daromad $32,624,028 (FYE 06/2020)[2]
Vebsayti www.globalfundforwomen.org

Ayollar Global fondi — bu notijorat jamgʻarma boʻlib, ayollarning insoniy huquqlari tashabbuslarini moliyalashtiradi. U 1987-yilda yangi zelandiyalik Anne First Murray tomonidan asos solingan, hamda hammuassislari sifatida, Frances Kissling va Laura Lederer dunyo boʻylab ayollar tashabbuslarini moliyalashtirish maqsadida tashkil etilgan. Uning bosh ofisi San-Fransisko shahrida joylashgan. 1988-yildan beri jamgʻarma 170 dan ortiq mamlakatlarda progressiv ayollar huquqlarini qoʻllab-quvvatlovchi 4 000 dan ortiq tashkilotlarga 100 million AQSh dollaridan ortiq mablagʻni grantlar koʻrinishida taqdim etgan. Ms. Magazine Ayollar Global fondini „dunyodagi yetakchi global feminist jamgʻarmalardan biri“ deb atagan[3].

Tarixi

Ayollar Global fondi tashkilotning ilk grantlarini 1988-yilda sakkiz nafar oluvchiga jami 31 000 AQSh dollari miqdorida ajratgan.

1996-yil sentabr oyida Murray nafaqaga chiqdi va uning oʻrnini Kavita N. Ramdas egalladi. Ramdas Global fonddagi 14 yillik faoliyatini 2010-yil sentabrda yakunladi va 2011-yil avgust oyida uning oʻrniga Musimbi Kanyoro tayinlandi.

2005-yil sentabr oyida Ayollar Global fondi faqatgina ayollar huquqlariga bagʻishlangan, dunyodagi eng yirik doimiy mablagʻ — Legacy Fund’ni tashkil etdi[4]. U har yili ayollar boshchiligidagi tashkilotlarga 8,5 million AQSh dollaridan ortiq mablagʻ ajratadi[5].

Planned Parenthood Global tashkilotida ijrochi direktor boʻlib ishlagan Latanya Mapp Frett 2019-yil iyun oyida Ayollar Global fondi prezidenti va bosh ijrochi direktori etib tayinlandi va bu lavozimni 2023-yil oxirigacha egallab turdi[6][7][8].

Tavsifi

Ayollar Global fondi — bu ayollar va qizlarning insoniy huquqlarini ilgari surishga qaratilgan guruhlarni qoʻllab-quvvatlaydigan xalqaro grant beruvchi jamgʻarma. Ular butun dunyo boʻylab ayollar guruhlarini qoʻllab-quvvatlash uchun grantlar berish orqali ayollarning huquqlarini himoya qiladi va ular uchun kurashadi[9].

Ayollar Global fondini qoʻllab-quvvatlaydigan mablagʻlar turli manbalardan yigʻiladi va ayollar hamda qizlarning iqtisodiy xavfsizligi, sogʻligi, xavfsizligi, taʼlimi va yetakchiligini targʻib qiluvchi, ayollar boshchiligidagi tashkilotlarga ajratiladi.

Ayollar Global fondi istalgan tilda va istalgan formatda yozilgan grant takliflarini qabul qiladi[10].

Muammolar va tashabbuslar

  • Taʼlimga kirish imkoniyati[11].
  • Fuqarolik va siyosiy ishtirok[11].
  • Iqtisodiy va ekologik adolat[11].
  • Sogʻliq va jinsiy huquqlar[12].
  • Tinchlik va gender zoʻravonligi[11].
  • Ijtimoiy oʻzgarishlar filantropiyasi[13].
  • Militarizmni tugatayotgan ayollar[14].

Nashrlar

Ayollar Global fondi oʻzining moliyaviy ahvoli, grant hamkorlari haqidagi maʼlumotlar va donorlarini eʼtirof etuvchi maʼlumotlarni yorituvchi yillik hisobotni chop etadi. Bu hisobot, shuningdek, butun dunyodagi ayollar va qizlarning ahvoli haqidagi mulohazalar, statistik maʼlumotlar va prognozlarni oʻz ichiga oladi[15].

Ayollar Global fondi, shuningdek, ayollar va qizlarga taʼsir qilayotgan aniq masalalarga qaratilgan „Taʼsir hisobotlari“ni[15] ham chop etadi.

Yana qarang

Manbalar

  1. ↑ Our Team, Global Fund for Women, accessed July 9, 2021
  2. ↑ "Financial Information," Global Fund for Women, accessed July 9, 2021.
  3. ↑ „The Need To Resource Feminist Movements Has Never Been Greater. Where's the Money for Feminist Organizing? - Ms. Magazine“. msmagazine.com (2020-yil dekabr). Qaraldi: 2021-yil 9-iyul.
  4. ↑ „Global Fund for Women Announces Largest Endowment Ever for Women Around the World - Global Fund for Women“. 2011-yil 27-sentyabrda asl nusxadan arxivlangan. Qaraldi: 2011-yil 12-iyul.Global Fund for Women Web site
  5. ↑ „Financial Highlights - Global Fund for Women“. 2011-yil 12-avgustda asl nusxadan arxivlangan. Qaraldi: 2011-yil 12-iyul. Global Fund for Women Web site
  6. ↑ „Latanya Mapp Frett Appointed New President and CEO of Global Fund for Women“ (en-US). Global Fund for Women (2019-yil 29-yanvar). 2021-yil 23-sentyabrda asl nusxadan arxivlangan. Qaraldi: 2021-yil 9-iyul.
  7. ↑ Jerving, Sara. „Planned Parenthood Global must be 'critical voice of dissent' to Trump, new director says“. Devex (2019-yil 9-oktyabr). Qaraldi: 2021-yil 9-iyul.
  8. ↑ „Rockefeller Philanthropy Advisors Names Latanya Mapp as Incoming President & CEO“ (2023-yil 12-oktyabr).
  9. ↑ „How We Grant - Global Fund for Women“. 2011-yil 12-avgustda asl nusxadan arxivlangan. Qaraldi: 2011-yil 12-iyul.Global Fund for Women Web site
  10. ↑ [1] (Wayback Machine saytida May 29, 2023, sanasida arxivlangan)Global Fund for Women Web site
  11. ↑ 11,0 11,1 11,2 11,3 „Increasing Access to Education - Global Fund for Women“. 2011-yil 12-avgustda asl nusxadan arxivlangan. Qaraldi: 2011-yil 12-iyul.Global Fund for Women Web site
  12. ↑ „Advancing Health and Sexual and Reproductive Rights - Global Fund for Women“. 2011-yil 6-avgustda asl nusxadan arxivlangan. Qaraldi: 2011-yil 12-iyul.Global Fund for Women Web site
  13. ↑ „Fostering Social Change Philanthropy - Global Fund for Women“. 2011-yil 12-avgustda asl nusxadan arxivlangan. Qaraldi: 2011-yil 12-iyul.Global Fund for Women Web site
  14. ↑ „Women Dismantling Militarism - Global Fund for Women“. 2011-yil 12-avgustda asl nusxadan arxivlangan. Qaraldi: 2011-yil 12-iyul.Global Fund for Women Web site
  15. ↑ 15,0 15,1 „Reports - Global Fund for Women“. 2011-yil 11-iyunda asl nusxadan arxivlangan. Qaraldi: 2011-yil 12-iyul.Global Fund for Women Web site

Havolalar

"https://ziyosfera.uz/index.php?title=Ayollar_Global_fondi&oldid=305516" dan olindi