Ayiq oʻyin

Ayiq oʻyin (ayiqbozlik) – xalq tomoshalarining bir turi. Ayiq oʻyin Oʻzbekistonda qadimdan mashhur. XIX asrda Buxoroda Ikrom bobo degan atokush ayiqboz oʻtgan. U bir qora ayiq bilan ikki maymun oʻynatgan. Ayiq oʻz egasining aytganini itoatkorlik bilan bajarib, tomoshabinlarga yengilgina oʻkirar, ta’zim qilar, ayiqboz bilan kurashar, maymunlar bilan quvlashardi. Bundan tashqari, u tannoz ayolning oynaga qarab pardoz qilishi, dangasaning yumalab yotishi, ayolning bola emizishi, kampirning harakatlari kabi kulgili oʻyinlarni bajargan. Shoʻrolar davrida ham anchagacha Ayiq oʻyin davom etib keldi. Mas, asakalik Melivoy Mirsaidovning ayiq oʻynatishi juda maroqli boʻlgan. 50-yillardan Ayiq oʻyin sirk tomoshasining tarkibiy qismiga aylandi. Keyingi yillarda oʻshlik Sherali polvon Oʻtbosarov (1904–1985), xorazmlik Rustam Matjonov (1963), namanganlik Ne’matjon Mamatovlar (1939) ijodi diqqatga sazovor.

Adabiyotlar

OʻzME. Birinchi jild. Toshkent, 2000-yil

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Ushbu maqola chaladir. Siz uni boyitib, ZiyoSferaga yordam berishingiz mumkin.
Bu andozani aniqrogʻiga almashtirish kerak.

Bu maqolada boshqa til boʻlimlariga ishorat yoʻq.
Siz ularni topib va ushbu maqolaga qoʻshib, loyihaga yordam berishingiz mumkin.