Ayaulim Amrenova
Ayaulim Serikovna Amrenova (30-noyabr 2001-yilda tugʻilgan, Zaysan tumani, Sharqiy Qozogʻiston viloyati, Qozogʻiston) — mogul boʻyicha ixtisoslashgan qozoq fristaylchisi, 2018 va 2022-yillardagi Qishki Olimpiada oʻyinlari qatnashchisi.
Biografiyasi
Uch yoshida konki uchishni oʻrgangan va oʻshandan beri uzluksiz sport bilan shugʻullanib kelgan. Iqtidorli bolalar maktab-internatini tamomlagan.[1]
2017-yilgi Yevropa kubogi bosqichida oltin, kumush va bronza medallarini qoʻlga kiritgan[1]. 2018-yilda Pxyonchxandagi Qishki Olimpiya oʻyinlarida mogul boʻyicha ishtirok etgan. Birinchi saralash bosqichida 26-oʻrinni, ikkinchi saralashda esa 17-oʻrinni egallab, musobaqaning final bosqichiga yoʻllanma ololmagan[2].
Pekin-2022 Qishki Olimpiya oʻyinlarida mogul boʻyicha birinchi saralashda 16-oʻrinni, ikkinchi saralashda esa 12-oʻrinni egallab, finalga chiqa olmagan[3].
2025-yil yanvar oyida Turindagi Qishki Universiada—2025 musobaqasida parallel mogul boʻyicha kumush medalni qoʻlga kiritdi va finalda hamyurti Anastasiya Gorodkoga imkoniyatni boy berdi[4].
2026-yilgi Italiyadagi Qishki Olimpiya oʻyinlarida mogul boʻyicha birinchi saralashda 20-oʻrinni, ikkinchi saralashda esa 10-oʻrinni egallab, finalga yoʻl oldi. Finalning birinchi bosqichida 18-oʻrinni egallab, ishtirokini yakunladi. Parallel mogulda esa 1/16 finalda kanadalik sportchi Jessica Lintonga 14-21 hisobida imkoniyatni boy berdi.
Manbalar
- ↑ 1,0 1,1 „Отец участницы Олимпиады Аяулым Амреновой: Она посвятила себя спорту“. Казинформ (2022-yil 30-yanvar). 2022-yil 7-fevralda asl nusxadan arxivlangan. Qaraldi: 2022-yil 18-fevral.
- ↑ „Фристайлистка Амренова не смогла пройти в финал Олимпиады“. Казинформ (2018-yil 11-fevral). 2022-yil 17-fevralda asl nusxadan arxivlangan. Qaraldi: 2022-yil 18-fevral.
- ↑ „Казахстанские могулисты вернулись из олимпийского Пекина“. inbusiness.kz (2022-yil 10-fevral). 2022-yil 17-fevralda asl nusxadan arxivlangan. Qaraldi: 2022-yil 18-fevral.
- ↑ „Анастасия Городко принесла Казахстану второе «золото» Универсиады“. inform.kz (2025-yil 15-yanvar). 2025-yil 16-yanvarda asl nusxadan arxivlangan. Qaraldi: 2025-yil 15-yanvar.