Axel Hirsoux
Axel Hirsoux | |
|---|---|
.jpg) Axel Hirsoux (2014) | |
| Umumiy maʼlumot | |
| Tavalludi |
Axel Hirsoux 1982-yil 26-sentyabr La Hestre, Manage, Belgiya |
| Janrlar | Pop |
| Kasbi | Qoʻshiqchi |
| Faoliyat yillari | 2013–hozirgacha |
Axel Hirsoux (1982-yil 26-sentyabrda tugʻilgan) — belgiyalik xonanda. U Daniyaning Kopengagen shahrida oʻtkazilgan „Eurovision-2014“ tanlovida „Mother“ qoʻshigʻi bilan Belgiya sharafini himoya qilgan[1]. „Eurosong“ milliy saralash tanlovining final bosqichida u tomoshabinlar ovozlarining 50 foizdan ortigʻini qoʻlga kiritgan hamda xalqaro hakamlar hayʼatidan maksimal 12 ballni toʻrt marotaba olgan[2].
Karyerasi
The Voice Belgique
2013-yilda Hirsoux Valloniya mintaqasida oʻtkazilgan isteʼdodlar tanlovlarida, jumladan, „The Voice Belgique“ teleloyihasida ishtirok etgan. U mazkur musobaqaning ikkinchi bosqichida tanlovni tark etgan[3].
Eurovision-2014
2014-yilda Hirsoux Belgiya teleradiokompaniyasi VRT tomonidan tashkil etilgan hamda „Eurovision-2014“ tanlovi uchun milliy saralash vazifasini oʻtagan „Eurosong 2014“ musobaqasida ishtirok etishi eʼlon qilingan. U dastlabki saralash dasturida „Mother“ qoʻshigʻini ijro etgan va yarim final bosqichiga yoʻl olgan. 2014-yil 9-mart kuni oʻtkazilgan uchinchi yarim finalda ham muvaffaqiyatli qatnashib, finalga chiqqan. Musobaqa finali 2014-yil 16-mart kuni Antverpendagi Sportpaleis arenasida boʻlib oʻtgan. Yakunda Hirsoux gʻolib deb topilgan va Daniyaning Kopengagen shahrida oʻtkazilgan „Eurovision-2014“ tanlovida „Mother“ qoʻshigʻi bilan Belgiya sharafini himoya qilish huquqini qoʻlga kiritgan. 2014-yil 20-yanvarda Kopengagen shahar hokimiyatida oʻtkazilgan yarim final taqsimoti qurʼasiga koʻra, Belgiya 6-may kuni boʻlib oʻtgan birinchi yarim finalning ikkinchi qismida sahnaga chiqishi belgilangan. Biroq „Mother“ qoʻshigʻi final yoʻllanmasini qoʻlga kirita olmagan. Hirsoux birinchi yarim finalda 28 ball toʻplab, 14-oʻrinni egallagan.
Tanlovdan soʻng, 2014-yil 7-iyulda u „Bellissimo“ nomli singlini taqdim etgan[4] In November 2014 Hirsoux & Camille Beniest released the single „Because You Need Me“.[5]. Oʻsha yilning noyabr oyida Camille Beniest bilan hamkorlikda „Because You Need Me“ singlini nashr etgan. 2015-yil 1-iyunda esa „Haut l’humain“ nomli navbatdagi singlini eʼlon qilgan[6].
Shaxsiy hayoti
Kopengagen shahrida oʻtkazilgan „Eurovision-2014“ tanlovi vaqtida Hirsoux OUTtv telekanaliga bergan intervyusida erkak kishi bilan turmush qurganini maʼlum qilgan[7].
Diskografiyasi
Singllari
| Nomi | Yil | Chartdagi eng yuqori natijasi | Albom | |
|---|---|---|---|---|
| BEL (Vl) [8] |
BEL (Wa) [9] | |||
| „Mother“ | 2014 | 7 | 32 | Albomdan joy olmagan |
| „Bellissimo“ | 49[A] | — | ||
| „Because You Need Me“ (Camille Beniest bilan) |
83[A] | — | ||
| „Haut l’humain“ | 2015 | — | — | |
| „Après l’hiver“ | 2015 | — | — | |
| „Au plus près de mes rêves“ | 2016 | — | — | |
Manbalar
- ↑ Granger, Anthony „Belgium: Axel Hirsoux Has Won!“. Eurovoix.com (2014-yil 16-mart). Qaraldi: 2014-yil 16-mart.
- ↑ „Belgium: Axel Hirsoux wins Eurosong with 'Mother'“ (2014-yil 16-mart). Qaraldi: 2014-yil 23-mart.
- ↑ „Eurosong 2014: Axel Hirsoux (Dutch)“.
- ↑ iTunes — Music — Bellissimo — Single by Axel Hirsoux
- ↑ iTunes — Music — Because You Need Me — Single by Axel Hirsoux & Camille
- ↑ iTunes — Music — Haut l’humain — Single by Axel Hirsoux
- ↑ „Axel Hirsoux getrouwd met een man“ (Dutch) (2014-yil 7-may). 2014-yil 12-mayda asl nusxadan arxivlangan.
- ↑ Hung, Steffen „Discografie Axel Hirsoux“. Belgium (Flanders) Charts Portal. Hung Medien (Steffen Hung). 2014-yil 14-iyunda asl nusxadan arxivlangan.
- ↑ Hung, Steffen „Discographie Axel Hirsoux“. Belgium (Wallonia) Charts Portal. Hung Medien (Steffen Hung). 2014-yil 14-iyunda asl nusxadan arxivlangan.