Atvara
Atvara | |
|---|---|
.jpg) | |
| Tavalludi |
Liene Atvara Stūrmane 1993-yil 2-aprel |
| Kasbi |
|
| Leybllar | Atvara Records |
| Fuqaroligi | Latviya |
Liene Atvara Stūrmane (1993-yil 2-aprelda tug‘ilgan), sahna nomi bilan Atvara, latviyalik qo‘shiqchi va qoʻshiq muallifidir. U Latviya nomidan „Eurovision qoʻshiq tanlovi 2026“da „Ēnā“ qo‘shig‘i bilan qatnashgan va ikkinchi yarim finalda 13-o‘rinni egallagan.
Hayoti va taʼlimi
Asli Liyepaya shahridan bo‘lgan Atvara bolaligidan qo‘shiq kuylashga katta qiziqish bildirgan. Shu sababli onasi uni musiqa maktabiga o‘qishga bergan[1]. Keyinchalik u tug‘ilgan shahridagi Emīls Melngailis nomidagi o‘rta maktabda tahsil olib, dirijyorlik yo‘nalishida taʼlim olgan. So‘ngra u Rigadagi Jāzeps Mediņš nomidagi o‘rta musiqa maktabida o‘qishni davom ettirib, jaz va pop vokali mutaxassisligi bo‘yicha tamomlagan[2].
Faoliyati
Musiqiy ta’limni tamomlagach, Atvara 2012–2013-yillarda Dziedošās ģimenes va Koru kari kabi iste’dodlar shoularida ishtirok etib, televizion tomoshabinlarga tanila boshladi[3][4].
2017-yilda Atvara „The X Factor“ ko‘rsatuvining Latviya talqini bo‘lgan „X Faktors“ning ilk mavsumida qatnashdi. Tinglov bosqichida u Adelening „One and Only“ hamda Whitney Houstonning „I Have Nothing“ qo‘shiqlarini ijro etdi. Hakamlar tomonidan ijobiy baholangan bo‘lsa-da, u tanlovning keyingi bosqichlariga yo‘llanma ololmadi[5][6].
Bir muddat ingliz tili o‘qituvchisi sifatida faoliyat yuritgach[5], 2019-yildan boshlab marketing sohasida ham ishlay boshladi. U yillar davomida raqamli kontent yo‘nalishidagi turli kompaniyalar, jumladan, Latviyaning Star FM radiostansiyasi bilan hamkorlik qildi[7].
Atvaraning yakkaxon ijodkor sifatidagi rasmiy debyuti 2024-yil iyun oyida chop etilgan „Pie manis tveries“ qoʻshigʻi bilan boshlandi. Qo‘shiq „Latvijas straumētāko singlu“ reytingida 9-o‘rinni egalladi[8], TikTok platformasida 2 milliondan ortiq ko‘rishlar to‘pladi va foydalanuvchilar videolarida ming martadan ortiq qo‘llanildi[9]. Keyinchalik ushbu qo‘shiq Latviyaning „Nelūgtie viesi“ teleserialida ham ishlatilgan[9].
2025-yil fevral oyida Atvara Intars Busulis bilan hamkorlikda „Vai drīkst kāpt dziļāk“ qo‘shig‘ini ijro etdi[9]. Oradan bir oy o‘tib, u boshlovchi sifatida ham debyut qilib, Mārtiņš Spuris bilan birgalikda GAMMA musiqa mukofotlarining ilk marosimini olib bordi[10].
2025-yil yozida Atvara Latviyaning turli hududlarida 20 dan ortiq yakkaxon konsertlarni o‘z ichiga olgan ilk gastrol safariga chiqdi. Konsertlarning barchasi sotib bo‘lindi[10]. Shu yilning 8-avgustida u „Dzīve mūs mētā“ qoʻshigʻini chiqardi. Qo‘shiq radiostansiyalarda keng efirga uzatildi hamda yillik „Muzikālā banka“ mukofotining 15 nafar finalchisi qatoridan joy olib, yakuniy reytingda 10-o‘rinni egalladi[11]. Ushbu qo‘shiq uning ilk studiyaviy albomi — „Vol.1 Vai dzirdi, kā brūces dzīst“ tarkibiga ham kiritilgan[10].
2025-yil 20-noyabrda Atvara Eurovision qoʻshiq tanlovi uchun Latviya milliy saralashi bo‘lgan Supernova tanlovining 11-mavsumi ishtirokchilari qatorida „Ēnā“ qo‘shig‘i bilan e’lon qilindi[12]. Yarim final bosqichidan muvaffaqiyatli o‘tganidan so‘ng[13], u milliy tanlov g‘olibiga aylandi va Avstriyaning Vena shahrida bo‘lib o‘tgan „Eurovision qoʻshiq tanlovi 2026“da Latviya nomidan ishtirok etish huquqini qo‘lga kiritdi[14][15].
Atvara 2026-yil 14-may kuni Latviya nomidan „Eurovision qoʻshiq tanlovi 2026“da „Ēnā“ qo‘shig‘i bilan ishtirok etdi. U final bosqichiga yo‘llanma ololmadi va ikkinchi yarim finalda 13-o‘rinni egalladi.
Diskografiyasi
Studiyali albomlar
| Nomi | Tafsilotlar |
|---|---|
| Vol.1 Vai dzirdi, kā brūces dzīst |
|
Qoʻshiqlar
Asosiy ijrochi sifatida
| Nomi | Yil | Chartdagi eng yuqori o‘rinlar | Albom | |||
|---|---|---|---|---|---|---|
| LAT Air. [16] |
LAT Dom. Air. [17] |
LAT Stream. [18] |
LAT Dom. Stream. [19] | |||
| „Pie manis tveries“ | 2024 | — | — | — | 9 | Vol.1 Vai dzirdi, kā brūces dzīst |
| „ Ja kāds jautātu“ | — | — | — | — | ||
| „Pieskāros“ | — | — | — | — | ||
| „Vai drīkst kāpt dziļāk“ (Intars Busulis bilan) |
2025 | — | — | — | — | |
| „Dzīve mūs mētā“ | — | — | — | 13 | ||
| „Ēnā“ | 13 | 1 | 1 | 1 | TBA | |
| "—" bu mamlakatda chiqarilmagan yoki chartda chiqmagan qoʻshiqlarni bildiradi. | ||||||
Manbalar
- ↑ „Mūzika - Liene Atvara - Biogrāfija“ (lv). www.draugiem.lv. 2026-yil 19-fevralda asl nusxadan arxivlangan. Qaraldi: 2026-yil 14-fevral.
- ↑ „Mūziķe Atvara izdod jaunu singlu“ (lv). www.liepajniekiem.lv (2024-yil 1-oktyabr). Qaraldi: 2026-yil 14-fevral.
- ↑ „Atvaru ģimenei neizdodas iekļūt šova “Dziedošās ģimenes” finālā“ (lv). [www.liepajniekiem.lv (24) september 2012). Qaraldi: 2026-yil 15-fevral.
- ↑ „«Koru karu» dalībniece piedāvā solo singlu. Noklausies!“ (lv) (2013-yil 21-may). Qaraldi: 2026-yil 15-fevral.
- ↑ 5,0 5,1 „“X Faktora” potenciālā zvaigzne: angļu valodas skolotāja, kura mīlas sāpēs zaudējusi 30 kilogramus“ (lv). tv3.lv (2017-yil 9-may). 2026-yil 18-mayda asl nusxadan arxivlangan. Qaraldi: 2026-yil 15-fevral.
- ↑ Kārlis Ķilkuts. „EKSKLUZĪVI! Kas notika ar “pazudušajiem” “X Faktora” dalībniekiem!?“ (lv). tv3.lv (2017-yil 5-oktyabr). 2026-yil 19-fevralda asl nusxadan arxivlangan. Qaraldi: 2026-yil 15-fevral.
- ↑ „Liene Atvara“. LinkedIn. Qaraldi: 2026-yil 15-fevral.
- ↑ „Latvijas mūzikas topu papildina vairāki pašmāju jaunumi“ (lv) (2024-yil 26-iyun). Qaraldi: 2026-yil 15-fevral.
- ↑ 9,0 9,1 9,2 „Jaunā zvaigzne Atvara un Intars Busulis apvienojas sirdi plosošā duetā“ (lv). spoki.lv (2025-yil 25-fevral). Qaraldi: 2026-yil 15-fevral.
- ↑ 10,0 10,1 10,2 Sandris Vanzovičs. „Albuma apskats: Atvara – “Vol.1. Vai dzirdi, kā brūces dzīst”“ (lv). nra.lv (2025-yil 30-dekabr). Qaraldi: 2026-yil 15-fevral.
- ↑ „MUZIKĀLĀ BANKA 2025 visi rezultāti“ (lv). Latvijas Radio. Qaraldi: 2026-yil 15-fevral.
- ↑ Davide Conte. „Latvia: Supernova 2026 Participants Revealed“. Eurovoix (2025-yil 20-noyabr). Qaraldi: 2025-yil 20-noyabr.
- ↑ Davide Conte. „Latvia: Supernova 2026 Semi-Final Two Results“. Eurovoix (2026-yil 7-fevral). Qaraldi: 2026-yil 7-fevral.
- ↑ Neil Farren. „Latvia: Atvara to Eurovision 2026“ (2026-yil 14-fevral). Qaraldi: 2026-yil 14-fevral.
- ↑ „'Supernova' winner Atvara is heading to Vienna for Latvia“. eurovision.com. Eurovision Song Contest.
- ↑ Peak chart positions for singles in Latvian Airplay:
- "Ēnā": „Kā Latvijas mūzikas topā ierindojas "Supernovas" dziesmas?“ [How do Supernova songs perform in the Latvian music charts?] (lv). TV Net (2026-yil 24-fevral). Qaraldi: 2026-yil 24-fevral.
- ↑ Peak chart positions for singles in Latvian Domestic Airplay:
- "Ēnā": „Latvijas mūzikas topā līderpozīcijas saglabā ilgstošie favorīti“ [Long-standing favorites maintain leading positions in Latvian music charts] (lv). TV Net (2026-yil 10-mart). Qaraldi: 2026-yil 10-mart.
- ↑ Peak chart positions for singles in Latvian Streaming:
- "Ēnā": „Kā Latvijas mūzikas topā ierindojas "Supernovas" dziesmas?“ [How do Supernova songs perform in the Latvian music charts?] (lv). TV Net (2026-yil 24-fevral). Qaraldi: 2026-yil 24-fevral.
- ↑ Peak chart positions for singles in Latvian Domestic Streaming:
- "Pie manis tveries": „Latvijas mūzikas topu papildina vairāki pašmāju jaunumi“ [Several local releases make their way into the Latvian music charts] (lv). TV Net (2024-yil 26-iyun). Qaraldi: 2026-yil 24-fevral.
- "Dzīve mūs mētā": „Latvijā straumētāko pašmāju mūziķu – 8. nedēļa, 2026. gads“ [Latvia's most streamed local songs – Week 8, 2026] (lv). Latvian Music Producers Association (2026-yil 23-fevral). Qaraldi: 2026-yil 23-fevral.
- "Ēnā": „Kā Latvijas mūzikas topā ierindojas "Supernovas" dziesmas?“ [How do Supernova songs perform in the Latvian music charts?] (lv). TV Net (2026-yil 24-fevral). Qaraldi: 2026-yil 24-fevral.