Attestatsiya
Attestatsiya (lotincha attestatio – «tasdiqlash», «guvohnoma») — bu xodim, mutaxassis yoki tashkilot faoliyatining belgilangan me’yor va talablar asosida baholanish jarayonidir. Attestatsiya davlat va nodavlat sohalarda kadrlar malakasini oshirish, lavozimga layoqatliligini aniqlash hamda kasbiy rivojlanishni rag‘batlantirish maqsadida o‘tkaziladi.
Ta’lim sohasida
Oʻzbekistonda pedagog kadrlarni attestatsiyadan oʻtkazish tartibi O‘zbekiston Respublikasi Vazirlar Mahkamasining 2021-yil 17-sentabrdagi 572-son qarori bilan belgilanadi[1]. Ushbu hujjatga koʻra, 2022-yildan boshlab attestatsiya jarayoni elektron shaklda amalga oshiriladi. Pedagoglarning bilim darajasi va pedagogik mahorati test sinovlari hamda komissiya bahosi asosida aniqlanadi[2].
Attestatsiya komissiyasi
Jarayonni tashkil etish va baholash uchun maxsus attestatsiya komissiyasi tuziladi. Komissiya tarkibiga rahbar xodimlar, soha mutaxassislari va mustaqil ekspertlar kiradi[3].
Elektron tizimlar
Pedagog kadrlar uchun attestatsiya jarayoni raqamlashtirilgan boʻlib, ariza topshirish va natijalarni koʻrish pedkadr.tdi.uz platformasi orqali amalga oshiriladi[4].