Atika binti Abdulmuttalib
Atika binti Abdulmuttalib (arabcha: عاتكة بنت عبد المطلب) — islom paygʻambari Muhammadning ammasi.
Tarjimai holi
Atika Makkada tugʻilgan. Otasi Abdulmuttalib ibn Hoshim, onasi esa Quraysh qabilasining Banu Maxzum urugʻiga mansub Fotima binti Amr boʻlgan[1].:787
U Umar ibn Vahab ibn Abduluzzo ibn Quayy ibn Kilobga turmushga chiqqan. Ular Zuhayr ismli oʻgʻil koʻrgan[2].
Atika keyinchalik Banu Maxzum urugʻidan boʻlgan Abu Umayya ibn al-Mugʻiyraga turmushga chiqqan. Abu Umayyaning Ummu Salama ismli qizi boʻlgan, shu tariqa Atika uning oʻgay onasiga aylangan. Atikaning Abdulloh, Zuhayr va Qurayba ismli farzandlari boʻlgan[3].:31
624-yil mart oyida Atika akasi Abbos ibn Abdulmuttalibga dahshatli bir tushini aytib berdi. Tushida bir tuya Makka yaqinida toʻxtaganini va uning ustidagi chavandoz odamlarni ogohlantirib: „Ey odamlar, oldinga chiqinglar va erkaklaringizni uch kundan keyin keladigan balo bilan yuzma-yuz qoldirmanglar!“ — dedi. Soʻngra haligi odam bir togʻga koʻtarilib, pastga qarab bir tosh otadi. Tosh parchalanib ketdi va uning boʻlaklari shahardagi har bir binoning ustiga sochilib ketadi. Abbos Atikani bu tushni hech kimga aytmaslik haqida ogohlantirgan, biroq oʻzi buni bir doʻstiga ishonib aytgan. Doʻsti esa otasiga soʻzlab bergan va shu tariqa bu xabar butun Makka boʻylab tarqalgan. Abu Jahl Abbosdan: „Erkaklaringiz paygʻambarlik qilgani yetmagandek, endi ayollaringiz ham shunday qila boshladimi? Atika uch kundan keyin urush boʻlishini bashorat qilibdi. Agar shu uch kun oʻtib, hech narsa sodir boʻlmasa, biz sizlarni Arabistondagi eng ashaddiy yolgʻonchilar deb yozib qoʻyamiz“. Uch kundan soʻng Abu Sufyonning elchisi kelib, tuyasining ustiga tik turib, koʻylagini yirtgan va baqirgan: „Ey Quraysh, karvonlar, karvonlar! Muhammad va uning hamrohlari Abu Sufyon bilan birga boʻlgan mol-mulkingizni poylab turishibdi. Uni qutqarib qolishingizga koʻzim yetmaydi. Yordam! Yordam!“ Shundan soʻng ogoh boʻlgan Quraysh ahli Badr jangi uchun qurollangan[4]:290–291. Biroq Atikaning akasi Abu Lahab Atikaning bashoratli tushidan qoʻrqqanini aytib, qoʻshinga qoʻshilmagan[3]:32.
Atika Makka shahrida musulmon boʻlgan va Madinaga qilingan umumiy hijratga qoʻshilgan[3]:31.
Atika binti Abdulmuttalib paygʻambar Muhammaddan keyin vafot etgan.
Manbalar
- ↑ Muhammad ibn Hisham Note 97. Translated by Guillaume, A. (1955). The Life of Muhammad. Oxford: Oxford University Press.
- ↑ Al-Jibouri, Yasin T. „Descendants of the Prophet's Paternal Uncles“, . Muhammad, Messenger of Peace and Tolerance. Qum: Ansariyan Publications.
- ↑ 3,0 3,1 3,2 Muhammad ibn Saad, Tabaqat vol. 8. Translated by Bewley, A. (1995). The Women of Madina. London: Ta-Ha Publishers.
- ↑ Muhammad ibn Ishaq, Sirat Rasul Allah. Translated by Guillaume, A. (1955). The Life of Muhammad. Oxford: Oxford University Press.