At-Tavba masjidi (Misr)
| Masjid | |
At-Tavba masjidi (Misr)
| |
 | |
At-Tavba masjidi (arabcha: مسجد التوبة) — Misrning Damanhur shahrida joylashgan VII asrga oid masjid. Butun Afrikadagi eng qadimiy masjidlardan biri hisoblanadi.
Tarixi
Masjid 642-yilda musulmonlar qoʻshini qoʻmondoni Amr ibn al-Os tomonidan Misrning fath etilishi davrida bunyod etilgan[1]. Misrda qurilgan ilk masjidlardan biri hisoblanadi, Eski Qohirada Amr ibn al-Os masjidi bunyod etilganidan koʻp oʻtmay barpo etilgan[2]. Masjid bir necha bor taʼmirlangan. Xususan, 2021-yilda masjidni taʼmirlash va qayta tiklash ishlari uchun 2 million Misr funti sarflangan[3].
Meʼmorchiligi
Masjid marmardan ishlangan bir nechta noyob ustunlar, shuningdek, ogʻirligi uch tonna boʻlgan sof misdan yasalgan qandil bilan bezatilgan[4]. Masjid ichida oʻyma naqshlar bilan bezatilgan qadimiy yogʻoch minbar ham mavjud boʻlib, Buheyra muhofazasining birinchi gubernatori Vajih Abaza tomonidan hadya qilingan[5]. Yogʻoch minbarda hozir mavjud boʻlmagan Birlashgan Arab Respublikasining gerbi tasvirlangan[6]. Mamluk meʼmorchiligi uslubida qurilgan masjid minorasi uch qavatdan iborat boʻlib, balandligi 60 metrdan oshadi[7]. Minora hamda masjidning ichki qismida koʻplab Qur’on oyatlari va bezakli naqshlari mavjud. Masjid bir vaqtning oʻzida 2 ming nafargacha namozxonni sigʻdira oladi[8].
Manbalar
- ↑ الوكيل, منى. „مسجد "التوبة" بدمنهور .. "قبلة" التائبين والمستغفرين بالأسحار“. Al Ahram (2023-yil 11-aprel).
- ↑ „Al-Tawba Mosque, Ministry of Awqaf website“.
- ↑ „Al-Tawba Mosque, Egypt's Projects Maps website“.
- ↑ جودة, ناصر. „مساجد لها تاريخ.. مسجد التوبة بدمنهور أقامه عمرو بن العاص عام 21 هجريًا.. فيديو“. Youm7 (2024-yil 27-aprel).
- ↑ البربري, محمد. „تعرف على ثاني أقدم المساجد في إفريقيا.. مسجد "التوبة" بدمنهور تحفة معمارية وأثر إسلامي ينبض بالروحانيات“. Rose al Yusuf (2018-yil 17-may).
- ↑ جودة, ناصر. „هنا مسجد التوبه بدمنهور.. بناه عمرو بن العاص فى طريقه لفتح الإسكندرية“. Youm7 (2021-yil 28-aprel).
- ↑ علي, أسامة. „مآذن تاريخية, مسجد التوبة.. تحفة مملوكية شاهدة على 14 قرنًا من التاريخ الإسلامى“. Al Masry Al Youm (2025-yil 17-mart).
- ↑ الوكيل, منى. „التوبة " .. ثانى أقدم مسجد فى إفريقيا .. يتألق على أرض البحيرة“. Al Ahram (2022-yil 10-mart).
