At-Taqvo masjidi
| Masjid | |
At-Taqvo masjidi
مسجد رايا التقوى | |
 | |
| Masjidning kirish qismi | |
| Mamlakat |  Indoneziya
|
| Shahar | Cirebon |
| Yoʻnalishi | sunniy |
| Masjid turi | Jomeʼ-Masjid |
| Meʼmoriy uslub | Islom meʼmorchiligi |
| Qiymati | 9.2 milliard rupiya |
| Asosiy sana: 1918-yil
| |
| Hajmi | 5500 nafar namozxon |
| Minoralar soni | 5 ta |
| Minoralar soni | 5 ta |
| Minoralar balandligi | 65 metr (eng balandi) |
| Holati | amaldagi |
| Tarovih | 
|
| Saharlik va iftorlik |
|
| Sayt | Rasmiy sayt |
At-Taqvo masjidi yoki At-Taqvo jome masjidi – Indoneziyaning Gʻarbiy Yava hududidagi Cirebon shahrida joylashgan tarixiy masjid boʻlib, 1918-yilda asos solingan. Bugun u Chirebondagi jome masjidlardan biri boʻlib, shahar ramzi sifatida qaraladi[1]. Masjid, shuningdek, islomiy taʼlim bilan birga qon topshirish va bepul tez yordam mashinasi yuborish kabi jamoat xizmatlarini ham taqdim etadi[2].
Tarixi
Masjid Kejaksan deb ataladigan qishloqda barpo etilgan. Dastlab u ikki qismdan iborat boʻlgan: bir qismi Tajug Agung (hozirgi At-Taqvo masjidi) deb atalgan masjid sifatida foydalanilgan, ikkinchi yarmi esa alun-alun (hozirgi Kejaksan maydoni) sifatida ishlatilgan[3].
Masjid dastlab Tajug Agung deb nomlangan, biroq inshootning eskirishi va namozxonlar sigʻimini oshirishga boʻlgan talab ortgani sababli, oʻsha paytda Chirebon shahar Din ishlari kengashi rahbari boʻlgan R. M. Arhatha Tajug Agungni taʼmirlash va uning nomini At-Taqvo masjidi deb oʻzgartirish gʻoyasini ilgari surgan[3].
Tajug Agung nomi taxminan „Katta masjid“ maʼnosiga toʻgʻri keladi va Kasepuhanda allaqachon katta masjid mavjud boʻlgani (hozirgi Sang Cipta Rasa katta masjidi) sababli, rasmiylar „katta masjid“ nomli ikki masjid boʻlishini oqlab boʻlmaydi, deb hisoblashgan. 1951-yilda masjidni qayta qurish ishlari boshlangan va u 1963-yilda At-Taqvo nomi bilan ochilgan[3].
Meʼmorchilik
Masjid yavalik islomiy meʼmorchilik uslubiga xos xususiyatlarga ega boʻlib, jurai tomi bilan ajralib turadi. Masjid tarkibidaga toʻrtta kichik minora va balandligi 65 metr boʻlgan asosiy minora kiradi. Ikki jumladan iborat shahodat kalimasi xattotlik uslubida tushirilgan oltin rangli yozuv peshtoq koʻrinishini belgilab turadi. Yozuvlar Braziliyadan keltirilgan asl granit ustiga shisha bilan mustahkamlangan sementdan ishlangan. Oq rom esa darvozaning oltin rangini yanada anqroq koʻrsatib beradi[3].
Bogʻ chiroqlarining oltita ustuni darvoza kirishini bezab turadi. Masjidning butun pol va devorlari, shuningdek, masjid ichidagi ustunlar ham granitdan ishlangan. Ustunlar islomiy meʼmorchilik naqshlari bilan bezatilgan. Boshqa binolardan farqli ravishda devorlarga oynali derazalar oʻrnatilmagan. Katta derazalar masjid ichiga va tashqarisiga havo bemalol kirib-chiqishi uchun ochiq qoldirilgan. Masjid tashqarisida koʻcha tomonga yaqin yon hovliga 10 ta xurmo palmasi ekish orqali soya yaratilgan, bunga ikki tomondagi favvoralar ham uygʻun tarzda qoʻshilgan[3].
Yana qarang
Manbalar
- ↑ Wali Kota; Masjid Raya At Taqwa Ikon dan Pusat Syiar Islam di Kota Cirebon (Wayback Machine saytida 2023-04-07 sanasida arxivlangan). Cirebon Kota. Retrieved March 30, 2021.
- ↑ AMBULAN GRATIS. Masjid At-Taqwa Cirebon. Retrieved March 30, 2021.
- ↑ 3,0 3,1 3,2 3,3 3,4 MASJID RAYA AT-TAQWA KOTA CIREBON. Masjid At-Taqwa Cirebon. Retrieved March 30, 2021.
Havolalar
Vikiomborda „At-Taqvo masjidi“ mavzusi boʻyicha mediafayllar bor.
 | Masjid haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |