Assortiment

Assortiment (frans. assortiment – tanlab olingan, saralangan) – muayyan belgilariga koʻra guruhlangan tovarlar turlari, xillari toʻplami. Vositachilar bozorida uning qatnashchilari uchun quyidagi tovarlar Assortimenti mavjud boʻladi: 1) yopiq Assortiment – sotuvchi faqat bir korxona mollarini sotadi; 2) boy Assortiment – bir necha korxonalarning bir-biriga oʻxshash mahsulotlari; 3) keng Assortiment – vazifasiga koʻra bir-biri bilan bogʻliq boʻlgan tovarlarning turli xillari; 4) aralash Assortiment – vazifasiga yoki iste’mol usuliga koʻra bir-biri bilan bogʻliq boʻlmagan tovarlar toʻplamidir. Assortimentning juda ko'p turlari mavjud.

Adabiyotlar

• OʻzME. Birinchi jild. Toshkent, 2000-yil