Aspire Zone
Aspire Zone (Doha Sport Shahri nomi bilan ham tanilgan[1]) – Qatarning Al Rayyan shahridagi Baaya tumanida joylashgan 250 gektarlik (2,5 km²) sport majmuasidir[2]. Aspire Zone Foundation tomonidan boshqariladigan bu majmua 2003-yilda xalqaro sport maskani sifatida tashkil etilib, keyingi yili sport chempionlarini tayyorlash uchun taʼlim markazi (Aspire akademiyasi) ish boshlagan[3]. Majmuada bir nechta sport inshootlari mavjud boʻlib, ularning aksariyati 2006-yilgi Osiyo oʻyinlariga tayyorgarlik koʻrish maqsadida barpo etilgan[4].
Bundan tashqari, Qatarning ilgari eng baland inshooti hisoblangan Aspire Tower Aspire Zoneda qurilgan, mamlakatdagi eng mashhur savdo markazi – Villaggio Mall bilan yonma-yon joylashgan.
Ushbu majmua Qatar futbol assotsiatsiyasi tomonidan 2022-yilgi FIFA Jahon chempionati uchun taqdim etilgan arizaning muhim qismi hisoblangan va Qatar Olimpiya qo‘mitasi tomonidan 2016-yilgi Yozgi Olimpiya oʻyinlarini oʻtkazish uchun Doha nomzodida markaziy oʻrin egallagan.
2024-yilda Aspire Zone Foundation xalqaro futbol musobaqasi – Tenglik kubogini (Equality Cup) taʼsis etdi[5].
Sport inshootlari
Aspire Zone sport inshootlariga quyidagilar kiradi:
- Xalifa xalqaro stadioni – asosan futbol oʻyinlari uchun moʻljallangan 50 000 tomoshabin sigʻimiga ega stadion.
- Hamad akvatoriya markazi – Olimpiya oʻlchamidagi suzish havzasi.
- Aspire gumbazi – dunyodagi eng katta koʻp maqsadli yopiq sport majmuasi boʻlib, unda 13 ta turli xil oʻyin maydoni mavjud[6].
Aspire akademiyasi
Yoshlar uchun sport akademiyasi boʻlgan Aspire akademiyasi Aspire hududining markazida joylashgan[7].
Aspetar
Aspetar – Aspire Zone tarkibidagi ixtisoslashtirilgan ortopediya va sport tibbiyoti shifoxonasi hisoblanadi. 2007-yilda oʻz faoliyatini boshlagan[8] bu muassasa Yaqin Sharq mintaqasidagi birinchi sport tibbiyoti shifoxonasi boʻlgan. 2009-yilda u FIFA tomonidan Tibbiy Mukammallik Markazi sifatida eʼtirof etilgan[9]. Shifoxona Aspetar Sport Tibbiyoti Jurnali nomli ilmiy nashrni chop etib kelmoqda[10].
Manbalar
- ↑ „Qatar Building US$20 Mln Underground Stadium For 2011 Asian Cup“. Indian Muslims (2007-yil 26-oktyabr). 2012-yil 19-fevralda asl nusxadan arxivlangan. Qaraldi: 2009-yil 6-noyabr.
- ↑ Ramsak, Bob. „The Aspire Dome, centre stage for Doha 2010“. IAAF (2009-yil 4-noyabr). 2012-yil 12-yanvarda asl nusxadan arxivlangan.
- ↑ Academy, Aspire „Home“. www.aspire.qa. Qaraldi: 2015-yil 10-avgust.
- ↑ Aspire Zone Foundation. Aspire Zone. Retrieved on 2009-11-06.
- ↑ „Equality Cup Football Tournament in collaboration with Zenit Saint Petersburg FC.“. aspirezone.qa. 2024-yil 25-fevralda asl nusxadan arxivlangan. Qaraldi: 2025-yil 26-sentyabr.
- ↑ Media Information : FAQ’S (Wayback Machine saytida November 5, 2009, sanasida arxivlangan). Aspire Zone. Retrieved on 2009-11-06.
- ↑ Mercy Njue. „Aspire Academy: Unlocking the potential of Qatar's youth“. AIPS Media (2017-yil 3-may). Qaraldi: 2018-yil 18-yanvar.
- ↑ „Qatar Orthopaedic & Sports Medicine Hospital (ASPETAR)“. Helen Ziegler & Associates. Qaraldi: 2018-yil 18-yanvar.
- ↑ Daniel Etchells. „IPC’s medical and scientific director visits Aspetar hospital during World Championships in Doha“. insidethegames.biz (2015-yil 25-oktyabr). Qaraldi: 2018-yil 18-yanvar.
- ↑ „Browse By Publication: Aspetar Sports Medicine Journal“. QUT ePrints. Qaraldi: 2018-yil 18-yanvar.