Asadillo Nabiyev
| Asadillo Nabiyev | |
|---|---|
| Tavalludi |
Nabiev Asadillo 1979-yil 5-may |
| Fuqaroligi |
|
| Kasbi | teatr va kino aktyori |
| Faoliyat yillari | 1995-yildan hozirga qadar |
| Mukofotlari |
|
Asadillo Nabiyev (1979-yil 5-may, Qarshi, Qashqadaryo viloyati, OʻzSSR) — teatr va kino aktyori, Oʻzbekiston Respublikasida xizmat koʻrsatgan artist.
Hayoti
Asadillo Nabiyev 1979-yil 5-mayda Qashqadaryo viloyatining Qarshi shahrida tugʻilgan. 1995—1996-yillarda „Muloqot“ teatr-studiyasida aktyor boʻlib ishlagan. 1996-yili Oʻzbekiston davlat sanʼat va madaniyat institutiga oʻqishga kirib, 2000-yilda tamomlagan.
Faoliyati
2000-yildan 2001-yilgacha Respublika yosh tomoshabinlar studiyasida teatr aktyori, 2002 yildan 2004-yilgacha Madaniy taʼminot menejeri, 2004-yildan 2007-yilgacha Oʻzbek milliy akademik drama teatrida yordamchi aktyor, 200-yildan 2017-yilga qadar - Oʻzbek milliy akademik drama teatrida aktyor sifatida faoliyat yuritgan. 2017-yildan hozirgi kunga qadar Oʻzbek milliy akademik drama teatrida direktor oʻrinbosari sifatida faoliyatini davom ettirib kelmoqda.
Asadillo Nabiyev Milliy teatrda 2007-yildan buyon aktyor sifatida ishlab kelmoqda. U yerda sahnalashtirilgan koʻplab spektakllarda asosan bosh rollarni ijro etib keladi. Jumladan, „Yorugʻlik va yovuzlik“da Masxaraboz, „Gamlet“da Ganzato, „Alisher Navoiy“da Jaloliddin, „Makr va Muhabbati“da Vurm, „Tun albatta oʻtadi“da Diplomat, „Sohibqiron“da Buqalamun, „Uch kunlik dunyo“da Abror, „Adibning umri“da Kapitan Ivanov, „Usmon Nosir“da Klyopov, „Neksiya“da Dilshod, „Hasrat bogʻi“da Azimjon, „Chegara ustidagi uy“da Diplomat, Sapyorlar kapitani, „Padarkush“da Xayrullo, „Bevalar“da Pardayev, „Xalala“da Xilmi, „Uvaysiy“da Chopar oshiq, „Sulton Jaloliddin“da Abu Zayd, „Bor ekanda, yoʻq ekan“da Choʻpon, „Talvasa“da Uy xaridori, „Choliqushi“da Rashid Nozim, „Kichkintoy Karlson“da Karlson, „Sizsiz oʻtmas kunlarim“da Ismoil, „Rustam“da Farmon, „Ogoh boʻling, odamlar“da Akbar, „Omon boʻlgin, azizim“da Garve, „Quyoshni sen uygʻotasan“da Qodir, „Taqdir sinovlari“da Butunvoy, „Tanxo yulduz“da Shavkat, „Oʻtkan kunlar“da Tabib, „Tong otgan taraflar“da Alpomish, „Zamindan olis ketma“da Raxim, „Kuzgi maktublar“da Oʻlmas Umarbekov, „Alisher Navoiy“da Soxibdoro, „Mirzo Ulugʻbek“da Abdullativ, „Tartyuf“da Argon, „Semurgʻ“da Xon kabi obrazlarni yaratgan[1].
Aktyor badiiy va videofilmlarda ham rollar ijro etgan. „Notanish polvon“da Nomoz polvon, „Gulxan atrofidagilar“da Zarif, „Tutash taqdirlar“da Jasur, „Munis onam“da Xikmat, „Burilari“da ota, „Pushaymon“da Zafar, „Qora koʻzlar“da Aka, „Ochiq dars“da Talaba, „Baxt qadri“da Shokir, „Nomus“da Gʻayrat, „Sevinch“da Doktor, „Mehmonjonlardan aylanay“da Odamboy, „Sehrli uzuk“da Oshiq, „Baloyi nafs“da Kotib, „Gumon“da Oʻtkir, „Janob hech kim“da Komilboy, „Farishta“sida Murod, „Dada“da Hikmat, „Muhabbat majorasi“da Rustam, „Binafshalar diyori“da, „Tugun“da Azamat, „Sadoqat“da Er kabi badiiy film, serial va videofilmlarda turli qiyofalarni yaratgan. Bundan tashqari „Otalar soʻzi – aqlning koʻzi“ va „Dengizdan tomchi“ koʻrsatuvlarida ijodiy faoliyatini olib boradi.
Mukofotlari
2014-yil Oʻzbekiston Respublikasida xizmat koʻrsatgan artist unvoni bilan taqdirlangan[2]. 2021-yili esa unga „Oʻzbekiston Respublikasi mustaqilligining 30 yilligi“ koʻkrak nishoni topshirilgan.
Manbalar
- ↑ „Asadulla Nabiev“. kino-teatr.ru. Qaraldi: 21-noyabr 2024-yil.
- ↑ „Culture 27/11/2014 President awards workers of National Dramatic Theatre“. uzdaily.uz. Qaraldi: 21-noyabr 2024-yil.