Arzu Geybullayeva
| Arzu Geybullayeva | |
|---|---|
| Arzu Qeybullayeva | |
 | |
| Tavalludi |
1983-yil 1-avgust Boku, Ozarbayjon SSR, Sovet Ittifoqi |
| Kasbi | Jurnalist, bloger va faol |
| Mashhur ishlari | fuqarolik jamiyati ishtiroki |
| Boshqa nomlari | Arzu Geybulla |
| tashkilot | Milliy demokratik institut, Yevropa barqarorlik tashabbusi |
Arzu Geybulla qizi Geybullayeva (ozarbayjoncha: Arzu Qeybulla qızı Qeybullayeva), Arzu Geybulla (ozarbayjoncha: Arzu Qeybulla) nomi bilan ham tanilgan ozarbayjonlik kolumnist, bloger va bir qancha gazeta hamda ommaviy axborot vositalari, jumladan, „Al Jazeera“, „Foreign Policy“, „Global Voices“ va „Agos“ uchun maqolalar yozuvchi jurnalist. Shuningdek, bir nechta notijorat tashkilotlar va tahlil markazlari bilan, jumladan, Milliy demokratik institut hamda Yevropa barqarorlik tashabbusi tashkilotlari bilan hamkorlik qilgan. 2014-yilda BBCning eng nufuzli ayollar roʻyxatiga kiritilgan. Togʻli Qorabogʻ mojarosi yuzasidan armanlar va ozarbayjonliklar oʻrtasida tinch yoʻl bilan yechim topishni targʻib qiladi. Biroq soʻnggi yillarda, asosan, Ozarbayjon tomondan, asosan, „Agos“ gazetasi bilan ishlagani sabab turli tahdidlarga duch kelgan. Bu tahdidlar turli inson huquqlari tashkilotlari tomonidan xalqaro miqyosda qoralangan.
Hayoti va faoliyati
Arzu Geybullayeva 1983-yil avgust oyida Ozarbayjonning Boku shahrida tugʻilgan. Uning otasi Geybulla Geybullayev professor boʻlgan. Geybullayeva Turkiyaning Anqara shahridagi Bilkent universitetida xalqaro munosabatlar yoʻnalishi boʻyicha bakalavr darajasini olgan. U keyinchalik London iqtisodiyot maktabida tahsilini davom ettirib, global siyosat yoʻnalishi boʻyicha magistr darajasini egallagan[1][2][3]. Shundan soʻng Geybullayeva Londondagi Oxford Business Group kompaniyasida tadqiqotchi sifatida faoliyatini boshlagan va Afrika hamda Osiyodagi koʻplab loyihalarda ishtirok etgan. Shuningdek Liviya bozoriga oid batafsil bozor tadqiqoti tahlilini taqdim etgan[4]. U Bokuda Milliy demokratik institut (NDI)da ishlagan. NDI doirasida u mahalliy siyosatchilar va yosh faollar bilan yaqindan hamkorlik qilgan[2][5].
Manbalar
- ↑ „Beni öldürmek kimin işine yarayacak?“. Gerçek Gündem (2014-yil 27-oktyabr). 2015-yil 17-noyabrda asl nusxadan arxivlangan. Qaraldi: 2015-yil 6-noyabr.
- ↑ 2,0 2,1 „Arzu Geybullayeva“. Imagine: Center for Conflict Transformation. 2016-yil 26-mayda asl nusxadan arxivlangan. Qaraldi: 2015-yil 6-noyabr.
- ↑ „Bir güvercin tedirginliği daha“ (Turkish). Evrensel (2014-yil 27-oktyabr).
- ↑ „Biographies of the participants“. Barcelona Centre for International Affairs (2009-yil 23-noyabr).
- ↑ „Youth activist, blogger final speaker in Dole Institute's Soviet Union series“. University of Kansas (2011-yil 16-noyabr). 2015-yil 17-noyabrda asl nusxadan arxivlangan. Qaraldi: 2015-yil 6-noyabr.
Havolalar
- Rasmiy sayti
- Flying Carpets and Broken Pipelines (Geybullayevaning blogi)