Aryna Sabalenka

Aryna Sabalenka
Sabalenka 2026-yilgi Mayami Ochiq chempionatida
Mamlakat	Belarus
Istiqomat joyi	Mayami, Florida, AQSH
Tugʻilishi	1998-yil 5-may (1998-05-05) Minsk, Belarus
Boʻyi	1.82 sm
Professionallik	2015
Ishlatadigan qoʻli	Oʻng qoʻl
Murabbiy	Anton Dubrov
Olgan jami pul mukofot(lar)i miqdori	$49,026,518 umumiy reytingda 2-oʻrin
Rasmiy sayti	arynasabalenka.komi.io
Yakkalik bahslar
Jami titullari	24
Eng yuqori pozitsiyasi	1-oʻrin (11-sentyabr 2023)
Joriy pozitsiyasi	1-oʻrin (2-fevral 2026)
„Katta dubulgʻa“ turniri yakkalik bahslari natijalari
Australian Open	Gʻ (2023, 2024)
French Open	F (2025)
Wimbledon	SF (2021, 2023, 2025)
US Open	Gʻ (2024, 2025)
Boshqa turnirlar
Tour Finals	F (2022, 2025)
Olympic Games	2R (2021)
Juftlik bahslari
Jami titullari	6
Eng yuqori pozitsiyasi	1-oʻrin (22-fevral 2021)
„Katta dubulgʻa“ turniri juftlik bahslari natijalari
Australian Open	Gʻ (2021)
French Open	YF (2019)
Wimbledon	ChF (2019)
US Open	Gʻ (2019)
Boshqa juftlik turnirlari
Tour Finals	RR (2019)
„Katta dubulgʻa“ turniri aralash juftlik bahslari natijalari
Wimbledon	2R (2019)
Jamoa musobaqalari
Fed Cup	F (2017)
Soʻnggi marta yangilandi: 28-mart 2026.

Aryna Siarhiejeŭna Sabalenka (belaruscha: Арына Сяргееўна Сабаленка; ruscha: Арина Сергеевна Соболенко; 1998-yil 5-mayda tugʻilgan) — belaruslik professional tennischi. WTA tasnifiga koʻra ayollar oʻrtasida yakkalik bahslari boʻyicha jahonning amaldagi 1-raqamli raketka ustasi. Juftlik bahslarida sobiq 1-raqamli tennischi. WTA Tour darajasida yakkalik bahslarida 24 ta titulini qoʻlga kiritgan. Jumladan, toʻrtta Katta dubulgʻa — Avstraliya ochiq chempionati va AQSH ochiq chempionatida ikkitadan, 11 ta WTA 1000 turniri gʻolibligiga ega chiqqan. Juftlik yoʻnalishida 6 ta titulni qoʻlga kiritgan, jumladan, 2019-yilgi AQSH ochiq chempionati va 2021-yilgi Avstraliya ochiq chempionati, ushbu musobaqalarning har ikkalasida ham Elise Mertens bilan birga juftlik oʻyinlarida ishtirok etgan.

Sabalenka 2017-yilda Aliaksandra Sasnovich bilan birga oʻsha paytda har ikkalasi ham reytingning eng kuchli 75 taligidan joy egallamaganiga qaramay, Belarus Fed Cup jamoasini finalgacha olib chiqqan va shu orqali tanilgan. U 2018 va 2019-yillarni yakkalik yoʻnalishida dunyoning 11-raqamli raketka ustasi sifatida yakunlagan. 2021-yilda yakkalik yoʻnalishida Katta dubulgʻa turnirlarida ketma-ket 2 marta yarim finalga chiqqach, Sabalenka dunyo reytingida 2-raqamga koʻtarilgan, biroq 2022-yilda bu muvaffaqiyatni barqaror ushlab turishda qiynalgan. 2023-yilda sportchi Avstraliya ochiq chempionatida Katta dubulgʻa turniridagi ilk unvonini qoʻlga kiritgan, AQSH ochiq chempionatida finalga chiqqan va ilk bor dunyoning 1-raqamli tennischisiga aylangan.

2024-yilda Sabalenka Avstraliya ochiq chempionatidagi chempionlik unvonini himoya qildi va AQSH ochiq chempionatida oʻzining uchinchi Katta dubulgʻa turniri yakkalik yoʻnalishi chempionligini qoʻlga kiritdi. Sportchi yilni ilk bor 1-raqamli raketka ustasi sifatida yakunladi. 2025-yilda u AQSH ochiq chempionatidagi titulini himoya qildi hamda Avstraliya va Fransiya ochiq chempionatlarida finalchiga aylandi. Mavsum davomida reytingda 1-oʻrinni butunlay saqlab qoldi. 2026-yilda Sabalenka Avstraliya ochiq chempionatida 8-marta Katta dubulgʻa turniri yakkalik bahslari finaliga chiqdi. Sportchi yilni Sunshine Double turnirinidagi (Indian Wells va Mayami) ishtiroki bilan yakunladi.

Sabalenka 2019-yildan boshlab juftlik yoʻnalishida muntazam oʻynay boshladi. U tennischi Elise Mertens bilan juftlik yasab, oʻsha yili Sunshine Double turnirini yutishga muvaffaq boʻldi. Ular mavsum oxirida AQSH ochiq chempionatida ham gʻalaba qozonishdi va Sabalenka ilk bor WTA Finals musobaqasiga yoʻllanma oldi. 2021-yilda u va Mertens Avstraliya ochiq chempionatida ikkinchi Katta dubulgʻa turniri juftlik bahslari gʻolibligini qoʻlga kiritgach, Sabalenka ushbu yoʻnalishda dunyoning 1-raqamiga aylandi. Shundan soʻng sportchi musobaqalarda faqat yakkalik yoʻnalishida ishtirok etadigan boʻldi.