Artilleriya tayyorgarligi
Artilleriya tayyorgarligi — hujum oldidan dushmanning oʻt ochish vositalari, jonli kuchlar, mudofaa inshootlari va boshqa nishonlarni artilleriyadan oʻt ochib yoʻq qilish, vayron etish. Artilleriya tayyorgarligi jangning umumiy maqsadiga, dushman mudofaasining quvvatiga, hujum qiluvchi qoʻshinlar ixtiyoridagi artilleriya va oʻqdori zaxirasiga qarab belgi-lanadi. Birinchi jahon urushidagi janglarda Artilleriya tayyorgarligi koʻpincha bir necha kun davom etgan. Artilleriya tayyorgarligining bu tariqa uzoq davom etishi dushmanga bexosdan hujum qilishga imkon bermas edi. Ikkinchi jahon urushida qoʻllangan Artilleriya tayyorgarligi 15 daqiqadan to bir necha soatgacha davom etgan. Bu vaqt xujum usuliga, dushman mudofaasining kuch va xarakteriga, qoʻshinlarning qurol-aslaha va snaryad bilan taʼminlanganlik darajasiga bogʻliq boʻlgan.
Adabiyotlar
- OʻzME. Birinchi jild. Toshkent, 2000-yil
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola çaladir. Siz uni boyitib, ZiyoSferaga yordam berişingiz mumkin. Bu andozani aniqrogʻiga almashtirish kerak. |