Arta Dobroshi
| Arta Dobroshi | |
|---|---|
.jpg) | |
| Tavalludi |
Arta Dobroshi 1980-yil 2-oktyabr Prishtina, Kosovo SAP, Yugoslavia SFR |
| Kasbi |
|
| Faoliyat yillari | 2005–hozirgacha |
Arta Dobroshi (1980-yil 2-oktyabrda tugʻilgan)[1] – aktrisa va prodyuser. Cannes kinofestivali[2], Berlin xalqaro kinofestivali va Sundance Film festivallarida[3] qizil yoʻlakdan oʻtgan va Yevropa film mukofotiga nomzodi qoʻyilgan ilk kosovalik aktrisa. Dobroshi ilgari qochqin boʻlgan, hozir esa BMTning xayriya elchisi va yuksak vakilidir.
Yoshlik yillari
Arta Dobroshi 1980-yil 2-oktyabrda Prishtina shahrida dunyoga kelgan. U boshlangʻich maktabdan boshlab sanʼat sohasini oʻrganib kelmoqda[4]. Soʻngra toʻrt yil Prishtinadagi Sanʼat akademiyasining aktyorlik va drama boʻlimida tahsil olgan[5]. Dobroshi oʻsha paytda koʻplab qisqa metrajli filmlar va teatr spektakllarida rol ijro etgan. Oʻn besh yoshida talabalar almashinuvi dasturi doirasida Shimoliy Karolinaga borgan va u yerda drama spektakllarida ishtirok etgan[5]. Akademiyada birinchi yil tahsil olganidan soʻng Kosovo urushi avj olgan va Dobroshining bobosi va buvisi serblar tomonidan alban tilida universitet ochishga uringanligi uchun qamoqqa olingan[6]. Serbiya prezidenti Slobodan Milošević 2000-yil oktyabr oyida isteʼfoga chiqqach, Dobroshi qochqinlar lageridagi ishidan voz kechib, NATO uchun tarjimon sifatida ishlay boshlagan[6].
Karyerasi
Urush davridan soʻng Dobroshi mahalliy teatrlarda va Albaniya filmlarida ishtirok etgan, shuningdek, nemis-alban mahsuloti hisoblangan „Magic Eye“ (2005) filmida bosh rolni ijro etgan[7].
Sarayevoda spektaklda rol ijro etayotgan vaqtda Dobroshi Lyuk va Jan-Pier Dardenni uchratgan va ular Dobroshini Kosovoda „Lornaʼs Silence“ filmi uchun ochiq kastingga taklif qilishgan[5]. Dobroshi fransuz tilini bilmasligiga qaramay[5][6], unga bosh rol taklif qilingan[8]. Ushbu filmdagi roli uchun aktrisa Yevropa kino mukofoti hamda 2009-yilgi Toronto kino tanqidchilari assotsiatsiyasi mukofotlarining „Eng yaxshi aktrisa“ nominatsiyasiga sazovor boʻlgan[9].
Arta Dobroshi BAFTA mukofoti sohibi rejissyor Daniel Mulloyning „Baby“ nomli qisqa metrajli filmida bosh rolni ijro etgan. Ushbu film 2010-yilda Edinburg xalqaro kinofestivalida premyera qilingan va „Eng yaxshi qisqa metrajli film“ mukofotini qoʻlga kiritgan[10]. Shuningdek, film Cork kinofestivalida „Eng yaxshi xalqaro qisqa metrajli film“ nominatsiyasiga sazovor boʻlgan[11]. Dobroshi esa 24-xalqaro qisqa metrajli filmlar festivalida „Baby“ filmidagi roli uchun „Eng yaxshi aktrisa“ mukofoti bilan taqdirlangan[12].
Manbalar
- ↑ IMDB Retrieved November, 2012.
- ↑ Kirchner, Stephanie. „Kosovo to Cannes: Arta Dobroshi's Journey to The Silence of Lorna“. Time (2009-yil 2-mart). 2009-yil 21-martda asl nusxadan arxivlangan. Qaraldi: 2012-yil 20-aprel.
- ↑ Koha. „Arta Dobroshi Competes at Sundance Film Festival“. New Kosova Report (2011-yil 19-yanvar). 2012-yil 1-aprelda asl nusxadan arxivlangan. Qaraldi: 2012-yil 20-aprel.
- ↑ Shoji, Kaori. „Arta Dobroshi: A role model“. Japan Times (2009-yil 23-yanvar). 2012-yil 10-oktyabrda asl nusxadan arxivlangan. Qaraldi: 2012-yil 21-aprel.
- ↑ 5,0 5,1 5,2 5,3 Concannon, Phil. „Interview - Arta Dobroshi“. philonfilm (2008-yil 30-noyabr). Qaraldi: 2016-yil 4-noyabr.
- ↑ 6,0 6,1 6,2 Badt, Karin. „Promising New Actress Arta Dobroshi : "Lorna" in "Silence of Lorna"“. HuffPost (2009-yil 24-iyun). Qaraldi: 2012-yil 21-aprel.
- ↑ Berlin International Film Festival (Berlinale) jury members announced Retrieved September, 2010.
- ↑ Nominations for the European Film Awards 2008 Webarxiv andozasida xato:
|url=qiymatini tekshiring. Boʻsh. Retrieved October 2010. - ↑ Toronto Film Critics Awards 2009 Nominations Webarxiv andozasida xato:
|url=qiymatini tekshiring. Boʻsh. Retrieved September 2010. - ↑ Edinburgh Award Winners 2010 Retrieved September, 2010.
- ↑ Irish Times (Wayback Machine saytida 2012-10-22 sanasida arxivlangan) Retrieved November, 2010.
- ↑ IMDB Retrieved April, 2012]