Armijon masjidi

Armijon (Toshmasjid) jome masjidi — Oʻzbekistonning Navoiy viloyati Navbahor tumani Arabsaroy hududidagi XVIII asr oxirida mahaliy xalq vakillari va Buxoro zodagonlarining bir muncha ko'magida barpo etilgan musulmon-sunniylar masjidi hisoblanadi.

Jome masjid qurilishi Arabsaroy hududidagi qadimiy qishloqlardan biri Oromi-jonning shimoliy qismida aholi uylari va yo'llardan ichkarida, nisbatan balandlikda barpo qilinishi sababli yer relyefi va sel xavfining oldini olish hisobga olingan. Masjid qurilishi hashar va mahalliy aholining shaxsiy mablag'lari hisobidan amalga oshirilgan, masjidning balandlikda qurilishining asosiy sabablaridan biri azon o'qilganda va namoz vaqtida barcha birdek eshitishi hisobga olingan. Armijon (Toshmasjid) jome masjidi qariyib 200 yildan ortiq vaqt davomida Arabsaroy va Karmana bekligidagi yirik masjidlardan biri sifatida amirlikning alohida ro'yxatlarida qayd etilgan. XIX asr oxiri va XX asr boshlarida hududdagi katta diniy bayramlarning aksariyat ko'pchiligi shu yerda o'tkazilgan. Mustabid Sovet davrida milliy va diniy o'zlikni yo'qotishga bo'lgan urunishlar sababli Armijon (Toshmasjid) jome masjidi achinarli holatga kelib qolgan, ammo doimiy ravshda mahalliy aholi vakillari va masjid imomlari tomonidan hashar ishlari o'tkazilib, juma namozlari o'qib kelingan.

Mustaqillik yillarida Armijon jome masjidi davlat ro'yxatidan o'tkazilib, doimiy ravshda faoliyat yuritib kelmoqda. 2014-2020-yillar oralig'ida masjid tubdan yangilandi, katta gumbaz bino qilinib, tahoratxona tashkil qilindi. Bunyodkorlik ishlarida Armijon MFYning saxovatpesha fuqarolari, masjid imom xatibi, imom noibi shuningdek, usta hunarmandlarning alohida xizmatlarini e'tirof etish mumkin. Hozirgi vaqtda masjid binosida ovoz balandlatish uchun karnaylar bilan jihxozlangan bo'lib, atrofga birdek o'qiladigan duo va salovatlar ovozi eshitilib turadi.