Armen Oganesyan
| Shaxsiy maʼlumot | |||
|---|---|---|---|
| Toʻliq ismi | Armen Oganesyan | ||
| Tavallud sanasi | 2000-yil 7-mart | ||
| Tavallud joyi | Yerevan, Armaniston | ||
| Boʻyi | 1.89 m | ||
| Ampluasi | Markaziy hujumchi | ||
| Klub maʼlumoti | |||
Joriy klub | Alashkert | ||
| Raqami | 88 | ||
| Yoshligida aʼzo boʻlgan klublar | |||
| Pyunik Yerevan | |||
| 2018—2020 | → Zemplín Michalovce (ijara) | ||
| Professional faoliyati* | |||
| Yillar | Jamoa | Isht. | (Gol.) |
| 2017—2020 | Ararat-Armenia | (15) | |
| 2018—2020 | → Zemplín Michalovce (ijara) | (2) | |
| 2020—2021 | Nitra | (0) | |
| 2020—2022 | Ararat-Armenia | (0) | |
| 2020 | → Gandzasar Kapan (ijara) | (0) | |
| 2022 | Zimbru Chișinău | (3) | |
| 2022—2023 | Episkopi | (1) | |
| 2023 | → Pietà Hotspurs (ijara) | (4) | |
| 2023 | Hibernians | (0) | |
| 2024 | Mosta | (1) | |
| 2024– | Alashkert | (0) | |
|
*Professional klublardagi gollari (ichki chempionat) (2024-yil 11-dekabr uchun) | |||
Armen Oganesyan (armancha: Արմեն Հովհաննիսյան; 2000-yil 7-martda tugʻilgan) – armanistonlik professional futbolchi, hujumchi sifatida Armanistonning oliy ligasi – Armaniston Premer-ligasida ishtirok etuvchi Alashkert futbol klubi safida toʻp suradi[1].
Faoliyati
Zemplín Michalovce
Armen Oganesyan professional futboldagi debyutini 2019-yil 24-may kuni Slovakiya chempionatining Zemplín Michalovce jamoasi safida, DAC Dunajská Streda klubiga qarshi oʻyinda oʻtkazgan. Ushbu uchrashuvda DAC jamoasi 5:0 hisobida gʻalaba qozongan. Armen Oganesyan oʻyinning 56-daqiqasida, hisob 4:0 boʻlgan paytda Sadam Sulleyning oʻrniga maydonga tushirilgan. U maydonga chiqqanidan 13 daqiqa oʻtib, Souleymane Kone oʻyindagi yakuniy golni urgan[2].
U Zemplín safida ilk golini 2019-yil 30-noyabr kuni iClinic Sereď jamoasiga qarshi, Myjava stadionida boʻlib oʻtgan uchrashuvda urgan. Oʻyin Zemplín foydasiga 2:0 hisobida yakunlangan. Armen Oganesyan oʻyin soʻngida Modibo Sidibé oʻrniga zaxiradan maydonga tushgan va Christos Kountouriotis tomonidan boshlangan qarshi hujum natijasida gol urishga erishgan[3]. Keyingi turda ham – Spartak Trnava jamoasiga qarshi oʻyinda Oganesyan yana gol muallifiga aylangan. Bu safar ham u Sidibé oʻrniga, uning 50-daqiqada olgan jarohatidan soʻng maydonga tushirilgan. Uchrashuvda Peter Kolesárning uzatmasidan soʻng gol urgan va hisobni 2:0 koʻrinishida mustahkamlab qoʻygan. 2020—2021-yillarda Nitra klubida, keyinchalik Ararat-Armenia, Gandzasar Kapan, Zimbru Chișinău klublarida harakat qildi.
Episkopi
2022-yil 26-iyul kuni Gretsiyaning Episkopi futbol klubi Armen Oganesyan bilan shartnoma imzolaganini rasman eʼlon qildi[4].
Milliy jamoa safida
2016-yildan 2017-yilgacha Armaniston U-17 terma jamoasi safida oʻyinlarda ishtirok etgan. Ushbu davr mobaynida 4 ta oʻyin oʻtkazib, 1 ta gol muallifiga aylangan.
2019-yilda esa Armaniston U-19 terma jamoasi tarkibida Armanistonda boʻlib oʻtgan Yevropa chempionatida qatnashgan.
Manbalar
- ↑ Armen Oganesyan Soccerway saytida
- ↑ DAC VS. ZEMPLÍN MICHALOVCE 5 - 0 24.05.2019, soccerway.com
- ↑ „ŠKF Sereď - MFK Zemplín Michalovce | 0 - 2“ (sk). ulk.futbalnet.sk. Qaraldi: 2020-yil 10-mart.[sayt ishlamaydi]
- ↑ „Ο Άρμεν Χοβανισιάν (Armen Hovhannisyan) έρχεται στην Επισκοπή μας!“ (Armenian). episkopifc.gr. Episkopi F.C. (2022-yil 26-iyul). 2023-yil 13-oktyabrda asl nusxadan arxivlangan. Qaraldi: 2022-yil 27-iyul.