Arevik Tserunyan
| Arevik Tserunyan | |
| Haqiqiy ismi | Arevik Tserunyan armancha: Արևիկ Ծերունյան |
| Tavalludi | 1987-yil 6-avgust |
| Millati | arman |
| Sohasi | chizmachilik rassomchilik kollaj haykaltaroshlik moda |
Arevik Tserunyan (armancha: Արևիկ Ծերունյան; 1987-yil 6-avgustda Yerevanda tugʻilgan) – arman rassomi.
Biografiyasi
Arevik Tserunyan 1987-yilda Armanistonning Yerevan shahrida dunyoga kelgan. Dastlab Yerevan davlat lingvistik universitetida ingliz, ispan va pedagogika fanlari boʻyicha bakalavr darajasini olgan. Keyinchalik Yerevan davlat tasviriy sanʼat akademiyasida (YSAFA) masgistratura bosqichini tamomlagan. Magistraturada oʻqish davrida Fransiyaning Marsel shahridagi École Supérieure des Beaux-Arts maktabida bir semestr davomida tahsil olgan. Yerevan davlat tasviriy sanʼat akademiyasida chizmachilik va rang-tasvir boʻyicha tahsil olgan. Rassom oʻz asarlarida gʻarb impressionizmi va arman post-impresionistik uslublari – konstruktivizm hamda postsovet davri sanʼat oqimlarini rus akademik maktabi taʼsirida uygʻunlashtirgan. Magistraturaning ikkinchi yilida Bolgariya ertaklari kitobiga illyustratsiyalar tayyorlash boʻyicha buyurtma olgan va bu kitob keyingi yili nashr etilgan.
2013–2015-yillarda Tserunyan Bostondagi Tufts universiteti qoshidagi Tasviriy sanʼat muzeyi maktabida (SMFA at Tufts) Tasviriy sanʼat magistri dasturiga oʻqishga kirgan va shu vaqt mobaynida kollaj, haykaltaroshlik va moda yoʻnalishida, shuningdek, yirik miqyosdagi installyatsiyalar yaratish orqali yangi sanʼat shakllarini oʻrganishni boshlagan. Tuftsdagi Tasviriy sanʼat muzeyi maktabini tamomlaganidan soʻng chizmachilik faniga kirish darslarini loyihalash va ularni oʻqitish boʻyicha aspirantura stipendiyasiga ega boʻlgan. Shu bilan birga Massachusets shtatining Watertown shahridagi Amerika arman muzeyida kurator yordamchisi sifatida faoliyat yuritgan va oʻzining birinchi yakka koʻrgazmasi – haykaltaroshlik installyatsiyasi va „The Lost Empire“ nomli ishini namoyish qilgan[1].
2016-yilda Tserunyan Yerevandagi Danielyan Art studiyasida bolalar va kattalar sanʼati boʻyicha oʻqituvchi boʻlib faoliyat olib borgan. 2016-yil 24–25-dekabr kunlari Armaniston Rassomlar uyushmasida (Yerevan) „Terror“[2] nomli shaxsiy koʻrgazmasi boʻlib oʻtgan.
Manbalar
- ↑ Mirror-Spectator. „Strange and Wonderful Dimensions at Armenian Museum Exhibit“ (en-US). The Armenian Mirror-Spectator (2016-yil 3-mart). Qaraldi: 2019-yil 23-mart.
- ↑ „Young Armenian artist holds Genocide-themed exhibition in Boston“ (en). www.tert.am. 2019-yil 23-martda asl nusxadan arxivlangan. Qaraldi: 2019-yil 23-mart.