Aragusuku orollari
Aragusuku orollari (yaponcha: : 新城島, Aragusuku-jima, yaeyama tilida: Panari[1][2]) – Kamiji va Shimoji deb nomlangan ikki kichik orolchadan iborat. Ular Yaponiyaning Okinava prefekturasidagi Yaeyama orollari tarkibiga kiradi.
Aragusukuda jami 15 nafar aholi yashaydi va ularning barchasi Kamiji orolida istiqomat qiladi. Shimoji esa qoramollar uchun yaylov sifatida foydalaniladi[3]. Aragusuku maʼmuriy jihatdan yaqinidagi Iriomote orolida joylashgan Taketomi shahri boshqaruvida. Orolga faqat turistik sayohatlar orqali borish mumkin.
Tarixi
Aragusuku orollari 1879-yilgacha Ryukyu qirolligi tarkibida boʻlgan[4]. Ryukyu davrida bu orollarda 700 nafargacha aholi yashagan. Ikkinchi jahon urushidan keyin, Aragusuku orollari Ryukyu orollari ustidan fuqarolik boshqaruvini olib borgan AQSh maʼmuriyati tasarrufiga oʻtgan va 1972-yilda Okinava bilan birga Yaponiyaga qaytarilgan[3].
Madaniyati
Aragusuku orollari, Hamahiga singari, anʼanaviy turmush tarzini saqlab qolgani bilan mashhur. Mahalliy aholi orolni „パナリ (Panari)“ deb ataydi. Bu nom yaeyama tili aragusuku shevasida „ajratilgan“ yoki „alohida“ degan maʼnoni anglatadi[3].
Yana qarang
Manbalar
- ↑ „ARAGUSUKU island | HIRATA TOURISM“ (ja). 2021-yil 26-fevralda asl nusxadan arxivlangan. Qaraldi: 2020-yil 16-oktyabr.
- ↑ „Tips for Kuroshima & Aragusuku (Panari) of the Yaeyama Islands, Okinawa“ (en-US). Islands of Japan - Travel Tips by Ippei and Janine. Qaraldi: 2020-yil 16-oktyabr.
- ↑ 3,0 3,1 3,2 „Aragusuku Island“ (en-US). VISIT OKINAWA JAPAN. 2021-yil 20-oktyabrda asl nusxadan arxivlangan. Qaraldi: 2020-yil 16-oktyabr.
- ↑ „The History of Okinawa“ (en-US). VISIT OKINAWA JAPAN. 2020-yil 19-oktyabrda asl nusxadan arxivlangan. Qaraldi: 2020-yil 16-oktyabr.