Kontent qismiga oʻtish

Apollo Hospitals

ZiyoSfera, erkin ensiklopediya
Apollo Hospitals Enterprise Limited
Tarmogʻi Sogʻliqni saqlash
Status Ochiq aksiyadorlik jamiyati
Qachon asos solingan 18-sentyabr, 1983-yil (43 yil avval) (1983-09-18)[1]
Joylashuvi Chennay, Tamilnad, Hindiston
Hududiy xizmati Janubiy Osiyo, Yaqin Sharq
Asoschi(lari) Prathap C. Reddy[2]
Rahbariyat
Mahsulot(lar)i Kasalxonalar, dorixona, diagnostika markazlari, uyda parvarishlash
Daromadi 21794 kror (2025)
Operatsion foydasi 3022 kror (2025)
Boyligi 20657 kror (2025)
Kapitallashtirish 8652 kror (2025)
Ishchilar soni 62 939 (2020)[3][4][5]

Apollo Hospitals Enterprise Limited — bosh qarorgohi Chennayda joylashgan Hindiston koʻp millatli sogʻliqni saqlash tashkiloti. 71 ta oʻziga tegishli va boshqaruvidagi shifoxonalardan iborat guruh bilan Hindistondagi eng yirik tijoriy xususiy shifoxonalar tarmogʻi hisoblanadi[6][7]. Kompaniya oʻz nomi bilan ataluvchi shifoxonalar tarmogʻidan tashqari, shoʻba korxonalari orqali dorixonalar, birlamchi tibbiy yordam va diagnostika markazlari, teletibbiyot klinikalari hamda raqamli sogʻliqni saqlash xizmatlarini ham boshqaradi[8].

Kompaniya 1983-yilda Prathap C. Reddy tomonidan Hindistondagi birinchi korporativ sogʻliqni saqlash xizmatlarini koʻrsatuvchi tashkilot sifatida tashkil etilgan. Apollo shifoxonalarining bir nechtasi Amerika Qo‘shma Shtatlarida joylashgan Joint Commission International (JCI)ning xalqaro sogʻliqni saqlash akkreditatsiyasini[9][10], shuningdek, NABH akkreditatsiyasini olgan Hindistondagi dastlabki shifoxonalar qatoriga kiradi[11].

Tarixi

Apollo Hospitals 1983-yilda Prathap C. Reddy tomonidan Hindistondagi birinchi korporativ sogʻliqni saqlash muassasasi sifatida tashkil etilgan. Chennaydagi birinchi filialni oʻsha paytdagi Hindiston prezidenti Zail Singh ochgan[12].

Apollo 2000-yilda Prathap Reddyning tugʻilgan qishlogʻi Aragondada tajriba loyihasini boshlagach, teletibbiyot xizmatlarini rivojlantirgan[13].

2006-yilda Apollo Kolombodagi Apollo Hospital Sri Lanka shifoxonasidagi ulushini Sri Lanka Insurancega sotib[14], ushbu shifoxonadan chiqib ketgan[15]. 2007-yilda Apollo Hospitals va DKV AG 74:26 ulush nisbatidagi Apollo DKV Insurance Co. nomli qoʻshma tibbiy sugʻurta kompaniyasini tashkil etgan. Kompaniya 2009-yilda Apollo Munich Health Insurance nomi bilan qayta nomlangan[16].

2008-yilda Apollo Hospitals ikkinchi va uchinchi darajali shaharlar, shuningdek, yarim shahar va qishloq hududlari uchun moʻljallangan Apollo Reach shifoxonalar tarmogʻini tashkil etgan. Tarmoqning birinchi shifoxonasi Karimnagarda ochilgan[17][18].

2012-yil dekabr oyida Apollo Hospitals guruhning sogʻliqni saqlash sohasidagi biznes jarayonlarini autsorsing qilish boʻlinmasi Apollo Health Streetdagi 38 foizlik ulushini Sutherland Global Servicesga 225 kror rupiyga (42,11 million AQSh dollari) sotgan[19].

2014-yilda Apollo Hospitals Hetero Groupdan Janubiy Hindistonda 320 ta doʻkonga ega Hetero Med Solutions dorixonalar tarmogʻini 146 kror rupiyga (23,92 million AQSh dollari) yaxlit aktivlar savdosi orqali sotib olgan. Doʻkonlar Apollo Pharmacy nomi bilan qayta brendlangan[20].

2015-yil oktyabr oyida Apollo Apollo HomeCare nomi ostida uyda tibbiy yordam xizmatlarini koʻrsata boshlagan[21] hamda Ask Apollo nomli raqamli sogʻliqni saqlash platformasini ishga tushirgan[22].

2017-yil aprel oyida Apollo Angliya Milliy sogʻliqni saqlash xizmatidagi boʻsh ish oʻrinlarini toʻldirish uchun koʻplab shifokorlarni taqdim etish maqsadida Health Education England bilan oʻzaro anglashuv memorandumini imzolagan[23].

2017-yil sentabr oyida Apollo Avstraliyaning Macquarie universiteti bilan akademik hamkorlikni eʼlon qilgan. Unga koʻra, Macquarie universitetining toʻrt yillik Doctor of Medicine dasturida tahsil olayotgan talabalar oʻqish dasturining bir qismi sifatida Haydarobaddagi Apollo shifoxonalarida besh oylik klinik amaliyotni oʻtashi belgilangan[24].

2018-yilda Apollo Hospitals Keraladagi ilk shifoxonasi — 250 ta yotoq oʻrniga ega uchinchi darajali tibbiy yordam markazi Apollo Adlux shifoxonasini Adlux Group bilan qoʻshma korxona sifatida ochgan[25][26].

2019-yil yanvar oyida Apollo Chennayda Apollo Proton Cancer Centreni ochgan. U Janubiy Osiyo, Janubi-Sharqiy Osiyo va Yaqin Sharqdagi birinchi proton terapiyasi markazi ekani qayd etilgan[27][28].

2020-yilda Apollo Hospitals Apollo Munich Health Insurancedagi 50,80 foizlik nazorat ulushini HDFCga 1 495 kror rupiyga (201,76 million AQSh dollari) sotgan[29]. Oʻsha yilning oxirida kompaniya Kalkutadagi Apollo Gleneagles Hospital qoʻshma korxonasidagi IHH Healthcarening 50 foizlik ulushini 410 kror rupiyga (55,33 million AQSh dollari) sotib olgan[30].

2022-yil mart oyida Apollo Hospitals Indian Oil oʻrniga Nifty 50 asosiy indeksiga kiritilgan va indeks tarkibiga kirgan birinchi shifoxona kompaniyasiga aylangan[31].

Apollo 2026-yil 27-aprelda Haydarobodning Financial District hududida 400 ta yotoq oʻrniga ega 76-filialini ochgan[32].

  • Apollo Proton saraton markazi, Chennay
    Apollo Proton saraton markazi, Chennay
  • Indraprastha Apollo shifoxonasi, Dehli
    Indraprastha Apollo shifoxonasi, Dehli
  • Apollo saraton kasalxonasi va tadqiqot markazi, Bangalor
    Apollo saraton kasalxonasi va tadqiqot markazi, Bangalor
  • Visakhapatnamdagi Apollo Hospitals
    Visakhapatnamdagi Apollo Hospitals

Shoʻba korxonalar

Apollo HealthCo

Apollo HealthCo 2021-yilda guruhning shifoxonalardan tashqari faoliyat yurituvchi Apollo Pharmacy dorixonalar tarmogʻi va Apollo 24/7 nomi bilan tanilgan raqamli sogʻliqni saqlash biznesining birlashtirilishi natijasida tashkil etilgan[33].

  • Apollo Pharmacy — Hindistondagi eng yirik chakana dorixonalar tarmogʻi boʻlib, 21 dan ortiq shtatda 5 000 dan ziyod doʻkonga ega[34][35]. U 1987-yilda tashkil etilgan[36].
  • Apollo 24/7 — guruhning 2020-yilda ishga tushirilgan raqamli sogʻliqni saqlash platformasi. U teletibbiyot konsultatsiyalari, dori vositalariga onlayn buyurtma berish va ularni yetkazib berish, shuningdek, uy sharoitida diagnostika xizmatlarini taklif etadi[37].

Apollo Health and Lifestyle

Apollo Health and Lifestyle guruhning birlamchi va ikkilamchi tibbiy yordam boʻlinmasi boʻlib, Apollo Clinics nomi ostida koʻp tarmoqli klinikalar, Apollo Diagnostics nomi ostida diagnostika va patologiya laboratoriyalari, Apollo Sugar nomi ostida diabet klinikalari, Apollo White nomi ostida stomatologiya shifoxonalari, Apollo Dialysis nomi ostida dializ markazlari, Apollo Spectra nomi ostida minimal invaziv jarrohlik shifoxonalari, Apollo Cradle nomi ostida ayollar va bolalar shifoxonalari hamda Apollo Fertility nomi ostida reproduktiv tibbiyot klinikalarini boshqaradi[38][39].

Apollo TeleHealth Services

Apollo TeleHealth Services guruhning teletibbiyot tarmogʻiga egalik qiladi. U biznesdan isteʼmolchiga modeli asosida onlayn konsultatsiyalar, qabulga yozilish va dori vositalarini yetkazib berish kabi bevosita xizmatlarni koʻrsatadi; biznesdan biznesga modeli doirasida kompaniyalarga ularning xodimlari uchun xizmatlar taklif etadi. Shuningdek, biznesdan hukumatga kelishuvi asosida davlat sogʻliqni saqlash tizimlari bilan hamkorlikda teletibbiyot xizmatlarini taqdim etadi[40]. 1999-yilda tashkil etilgan kompaniyaning bosh qarorgohi Haydarobodda joylashgan boʻlib, 100 dan ortiq franshiza asosidagi teleklinikaga ega[41][42].

Ilmiy-tadqiqot va taʼlim boʻlimlari

2019-yilda Apollo kardiologiya markazi sharafiga chiqarilgan pochta markasi.
  • Apollo Research and Innovations — guruhning dori vositalari, tibbiy qurilmalar, sogʻliqni saqlash dasturiy taʼminoti va isteʼmol mahsulotlarining klinik sinovlari bilan shugʻullanuvchi ilmiy-tadqiqot boʻlinmasi. U 2000-yilda tashkil etilgan boʻlib, shifoxonalar joylashgan hududlarda 17 ta markazga ega[43].
  • Apollo Hospitals Education & Research Foundation — Cell and Molecular Biology Research Centre (CMBRC) tomonidan boshqariladigan tajriba laboratoriyasida suyuq biopsiya, molekulyar diagnostika, farmakogenomika va ekzosoma texnologiyalari boʻyicha ilmiy-tadqiqot loyihalarini amalga oshiruvchi notijorat tashkilot[43].
  • Apollo Medskills — Apollo Hospitals va National Skill Development Corporation oʻrtasidagi davlat-xususiy sheriklik boʻlimi boʻlib, 2012-yilda sogʻliqni saqlash sohasi xodimlarining tibbiy koʻnikmalarini rivojlantirish maqsadida tashkil etilgan. U mamlakat boʻylab 40 dan ortiq oʻquv institutlari orqali faoliyat yuritadi[44][45].

Bahs-munozaralar

2016-yilda bemor Apollo kompaniyasining Bilaspur shifoxonasida oshqozon ogʻrigʻi boʻyicha davolanish vaqtida vafot etgan. Shifoxona uning oʻlimini zaharlanish bilan izohlagan boʻlsa-da, kimyoviy tahlil natijalari kutilayotgani sababli murdani yorib tekshirish xulosasi aniq natija bermagan. 2019-yilda olingan sud-tibbiyot laboratoriyasi hisobotida zahar mavjudligi aniqlanmagan. Keyinchalik, 2023-yilda toʻrt nafar shifokor hibsga olingan, biroq ular garov evaziga ozod qilingan[46][47].

2019-yildagi qarorida Delhi State Consumer Disputes Redressal Commission (DSCDRC) Indraprastha Apollo shifoxonasini 2007-yilda vafot etgan 24 yoshli ayolni davolashda tibbiy beparvolikka yoʻl qoʻygan deb topgan. Natijada komissiya shifoxonaga ayolning otasiga 10 lakh rupiy miqdorida tovon toʻlashni buyurgan[48].

Britaniyaning Telegraph gazetasi 2023-yil dekabr oyidagi hisobotida Indraprastha Apollo shifoxonasi „buyrak evaziga pul“ noqonuniy tarmogʻini tashkil etishga koʻmaklashganini daʼvo qilgan[49]. Xabarda Myanmardagi kambagʻal qishloq aholisi soxta hujjatlar va uydirma qarindoshlik aloqalari orqali oʻz buyraklarini badavlat myanmarlik bemorlarga sotishga jalb qilingani aytilgan[50][51]. Shundan soʻng Dehli hukumati shifoxonaga nisbatan tergov boshlagan[52].

2024-yil mart oyida National Consumer Disputes Redressal Commission Chennaydagi Apollo Speciality Hospital va ikki nafar shifokorni tibbiy beparvolik uchun 30 lakh rupiy miqdorida jarimaga tortgan. Ish 2015-yil aprel oyida umurtqa pogʻonasi operatsiyasidan keyin hushiga kelmagan va 2017-yil aprel oyida vafot etguniga qadar vegetativ holatda qolgan bemor bilan bogʻliq boʻlgan[53].

2025-yil mart oyida Hindiston Oliy sudi Indraprastha Apollo shifoxonasini dastlabki ijara shartnomasiga muvofiq kambagʻal bemorlarga bepul davolanish taqdim etilmasa, shifoxonani All India Institute of Medical Sciences boshqaruviga topshirish haqida koʻrsatma berishi mumkinligi haqida ogohlantirgan. Mazkur shartnomaga koʻra, Dehli hukumati Dehlidagi 15 akr qimmatbaho yer maydonini Indraprastha Medical Corporation Limitedga oyiga ramziy 1 rupiy evaziga ijaraga bergan[54].

Yana qarang

Manbalar

  1. ↑ „Apollo Hospitals gears up for new market realities, tweaks strategy“ (en). Business Today (2012-yil 11-dekabr). Qaraldi: 2023-yil 22-dekabr.
  2. ↑ 2,0 2,1 „Our Experienced Management Team - Apollo Hospitals Group“. 2023-yil 2-iyulda asl nusxadan arxivlangan. Qaraldi: 2020-yil 22-dekabr.
  3. ↑ „Apollo Hospitals Enterprise Ltd. Financial Statements“. moneycontrol.com. 2020-yil 24-dekabrda asl nusxadan arxivlangan. Qaraldi: 2020-yil 21-dekabr.
  4. ↑ „Earnings Update Q4 FY25“. NSE. Apollo Hospitals. Qaraldi: 2025-yil 30-may.
  5. ↑ „Audited Consolidated financial results for the quarter and year ended 3pt March 2025“. NSE. Apollo Hospitals. Qaraldi: 2025-yil 30-may.
  6. ↑ „A $2 Billion Health Empire Run by Four Sisters Makes a Comeback“ (en). Bloomberg (2018-yil 20-noyabr). 2018-yil 22-noyabrda asl nusxadan arxivlangan. Qaraldi: 2023-yil 3-iyun.
  7. ↑ „Apollo Hospitals Enterprise Limited — Investor Presentation December 2022“. Apollo Hospitals. 2023-yil 3-iyunda asl nusxadan arxivlangan. Qaraldi: 2023-yil 3-iyun.
  8. ↑ Somvanshi, Kiran Kabtta. „Apollo Hospitals adds to Nifty defensiveness“. The Economic Times (2022-yil 28-fevral). 2022-yil 26-martda asl nusxadan arxivlangan. Qaraldi: 2022-yil 26-mart.
  9. ↑ „Accreditation for 3 Apollo Hospital branches“. The Hindu (2006-yil 10-may). 2006-yil 28-iyunda asl nusxadan arxivlangan. Qaraldi: 2006-yil 11-noyabr.
  10. ↑ „Joint Commission International Organizations“. JCI. 2020-yil 14-avgustda asl nusxadan arxivlangan. Qaraldi: 2020-yil 21-iyun.
  11. ↑ „Apollo Hospitals accreditation“. NABH. 2017-yil 2-iyulda asl nusxadan arxivlangan. Qaraldi: 2017-yil 8-iyun.
  12. ↑ „Apollo Hospitals Enterprise Limited“. www.ibef.org. 2022-yil 28-mayda asl nusxadan arxivlangan. Qaraldi: 2022-yil 28-may.
  13. ↑ Telemedicine puts AP village on health map. The Indian Express (2005-yil 7-sentyabr). accessed at „India Explained i.e. India empowered » an Exclusive Series“. India Empowered. 2006-yil 21-oktyabrda asl nusxadan arxivlangan. Qaraldi: 2006-yil 11-noyabr. 11 November 2006
  14. ↑ „Apollo exits Sri Lankan joint venture“ (en). Hindustan Times (2006-yil 15-sentyabr). 2023-yil 2-iyulda asl nusxadan arxivlangan. Qaraldi: 2023-yil 2-iyun.
  15. ↑ „Apollo Hospitals, DKV in health insurance JV“. Business Standard. 2022-yil 24-noyabrda asl nusxadan arxivlangan. Qaraldi: 2022-yil 24-noyabr.
  16. ↑ „Apollo DKV rechristened“. Business Standard. 2022-yil 24-noyabrda asl nusxadan arxivlangan. Qaraldi: 2022-yil 24-noyabr.
  17. ↑ „Apollo Hospitals to launch first Apollo Reach at Karimnagar“. Business Standard. Qaraldi: 2024-yil 7-aprel.
  18. ↑ „Apollo plans Rs 270 crore expansion“. Business Standard. Qaraldi: 2024-yil 7-aprel.
  19. ↑ „Sutherland beats Genpact to acquire Apollo's BPO arm“ (en). The Times of India. 2022-yil 14-aprelda asl nusxadan arxivlangan. Qaraldi: 2022-yil 14-aprel.
  20. ↑ „Apollo Hospitals acquires Hetero Pharmacy assets for Rs 146 cr“. Business Standard (2014-yil 17-sentyabr). 2018-yil 20-sentyabrda asl nusxadan arxivlangan. Qaraldi: 2018-yil 20-sentyabr.
  21. ↑ „Apollo Hospitals forays into Homecare services“ (en). Business Line (2015-yil 3-oktyabr). 2022-yil 26-oktyabrda asl nusxadan arxivlangan. Qaraldi: 2022-yil 26-oktyabr.
  22. ↑ „Apollo goes digital, launches Ask Apollo for remote patient care“ (en). Deccan Herald (2015-yil 14-oktyabr). 2022-yil 26-oktyabrda asl nusxadan arxivlangan. Qaraldi: 2022-yil 26-oktyabr.
  23. ↑ „NHS to recruit Indian doctors to plug gaps in GP services“. The Daily Telegraph (2016-yil 7-aprel). 2022-yil 12-yanvarda asl nusxadan arxivlangan. Qaraldi: 2016-yil 8-aprel.
  24. ↑ „Apollo Hospitals, Macquarie ink academic collaboration“. The Times of India (2017-yil 8-sentyabr). Qaraldi: 2024-yil 21-fevral.
  25. ↑ „Apollo-Adlux joint venture for a hospital at Angamaly“.
  26. ↑ Service, Express News „Apollo Adlux Hospital excels in robotic surgery“. The New Indian Express (2024-yil 12-oktyabr).
  27. ↑ „Apollo Hospitals launches proton cancer therapy centre“ (en). The Hindu Businessline (2019-yil 24-yanvar). 2023-yil 11-fevralda asl nusxadan arxivlangan. Qaraldi: 2023-yil 11-fevral.
  28. ↑ „Apollo Proton Cancer Centre partners with IBA Belgium“. The Times of India (2022-yil 18-avgust). 2023-yil 11-fevralda asl nusxadan arxivlangan. Qaraldi: 2023-yil 11-fevral.
  29. ↑ „HDFC completes majority acquisition in Apollo Munich Health Insurance“ (en). mint (2020-yil 9-yanvar). 2022-yil 26-martda asl nusxadan arxivlangan. Qaraldi: 2022-yil 26-mart.
  30. ↑ „Apollo to acquire IIH Healthcare stake in AGHL for Rs 410 crore“. Business Standard. Qaraldi: 2023-yil 22-dekabr.
  31. ↑ Somvanshi, Kiran Kabtta. „Apollo Hospitals adds to Nifty defensiveness“. 2022-yil 26-martda asl nusxadan arxivlangan. Qaraldi: 2022-yil 26-mart.
  32. ↑ „Apollo Hospitals Launches 76th Facility: 400-Bed Smart Hospital in Hyderabad Financial District“. India Med.
  33. ↑ „Apollo Hospitals launches healthcare platform Apollo HealthCo“ (en). The Hindu Business Line. 2021-yil 24-iyulda asl nusxadan arxivlangan. Qaraldi: 2022-yil 26-mart.
  34. ↑ Babu, Gireesh. „Apollo Pharmacy bets on large stores“. Business Standard India (2012-yil 3-avgust). 2022-yil 26-martda asl nusxadan arxivlangan. Qaraldi: 2022-yil 26-mart.
  35. ↑ „Pharma retail chain Apollo Pharmacy opens 5,000th store in Chennai“. The New Indian Express. 2023-yil 2-iyunda asl nusxadan arxivlangan. Qaraldi: 2023-yil 2-iyun.
  36. ↑ „Apollo Pharmacy, India's largest retail pharmacy chain“. Bio Voice (2018-yil 2-aprel). 2018-yil 20-sentyabrda asl nusxadan arxivlangan. Qaraldi: 2018-yil 20-sentyabr.
  37. ↑ „A healthy dose of digital for Apollo Hospitals“ (en). www.fortuneindia.com. 2022-yil 26-martda asl nusxadan arxivlangan. Qaraldi: 2022-yil 26-mart.
  38. ↑ Chowdary, Sharath. „Apollo Health and Lifestyle to invest Rs 500 cr in expansion“. Business Standard India (2017-yil 25-mart). 2022-yil 26-martda asl nusxadan arxivlangan. Qaraldi: 2022-yil 26-mart.
  39. ↑ „Apollo Hospitals to raise up to Rs 750 crore to fund expansion“. Business Standard India (2015-yil 11-oktyabr). 2022-yil 26-martda asl nusxadan arxivlangan. Qaraldi: 2022-yil 26-mart.
  40. ↑ Babu, Gireesh. „Apollo TeleHealth may see realigning of consumer-facing business“. Business Standard India (2020-yil 29-yanvar). 2022-yil 26-martda asl nusxadan arxivlangan. Qaraldi: 2022-yil 26-mart.
  41. ↑ Jacob, Shine. „Apollo TeleHealth sees Covid boost to telemedicine; gets new BSI approval“. Business Standard India (2021-yil 10-dekabr). 2022-yil 26-martda asl nusxadan arxivlangan. Qaraldi: 2022-yil 26-mart.
  42. ↑ Somasekar, M.. „Apollo TeleHealth signs MoU with TeleHealthcare Malaysia to set up 100 tele-clinics“ (en). www.thehindubusinessline.com (2020-yil 21-yanvar). 2022-yil 26-martda asl nusxadan arxivlangan. Qaraldi: 2022-yil 26-mart.
  43. ↑ 43,0 43,1 Krishnan, Gina. „Apollo Hospitals' exosome technology detects brain cancer without biopsy“. Business Standard India (2018-yil 4-iyul). 2022-yil 14-aprelda asl nusxadan arxivlangan. Qaraldi: 2022-yil 14-aprel.
  44. ↑ „NSDC to acquire 27% stake in Apollo Med Skills“. The Economic Times (2012-yil 18-may). 2016-yil 24-aprelda asl nusxadan arxivlangan. Qaraldi: 2022-yil 26-mart.
  45. ↑ „Apollo Medskills, NSDC tie up for training centres“. The Hindu Business Line (2013-yil 5-fevral). 2014-yil 7-iyulda asl nusxadan arxivlangan. Qaraldi: 2022-yil 26-mart.
  46. ↑ „7 years after patient's death, 4 docs held for 'negligence', given bail“ (en). The Indian Express (2023-yil 31-dekabr). Qaraldi: 2024-yil 7-yanvar.
  47. ↑ „Seven years after patient's death in Chhattisgarh, police arrest four doctors for negligence“ (en-IN). The Hindu (2023-yil 30-dekabr). Qaraldi: 2024-yil 7-yanvar.
  48. ↑ „Apollo Hospital asked to pay ₹10 lakh compensation to Delhi patient“ (en). mint (2019-yil 26-iyul). Qaraldi: 2024-yil 7-yanvar.
  49. ↑ Lovett, Samuel; Theint, Nandi; Smith, Nicola. „Revealed: Global private hospital group embroiled in 'cash for kidneys' racket“ (en-GB). The Telegraph (2023-yil 3-dekabr). Qaraldi: 2024-yil 7-yanvar.
  50. ↑ Jaiswal, Anuja. „Top Delhi hospital part of kidney racket: UK daily“. The Times of India (2023-yil 5-dekabr). Qaraldi: 2024-yil 7-yanvar.
  51. ↑ Sharma, Priyanka „Centre's nodal organ transplant agency seeks report on Apollo-Yatharth hospital kidney racket from UP government | Today News“. mint (2024-yil 10-iyul).
  52. ↑ Sadam, Rishika; Kalra, Aditya. „New Delhi investigating alleged illegal transplants at Apollo hospital in city“. Reuters (2023-yil 6-dekabr). Qaraldi: 2024-yil 7-yanvar.
  53. ↑ „Apollo Chennai, 2 Doctors Slapped With Rs 30 Lakh Fine For Medical Negligence“. NDTV.com. Qaraldi: 2024-yil 16-mart.
  54. ↑ „Apollo Hospital case: From Delhi HC asking it to treat EWS patients for free, to Supreme Court order now“. indianexpress.com (2025-yil 28-mart). Qaraldi: 2025-yil 1-aprel.

Qoʻshimcha oʻqish uchun

Havolalar

  • URL topilmadi.
"https://ziyosfera.uz/index.php?title=Apollo_Hospitals&oldid=291440" dan olindi