Antuan Andre

André Antoine (1858.31.1, Limoj — 1943-yil, 10-sentyabr, Puligen) — fransuz aktyori, rejissori, teatr nazariyotchisi. Erkin teatr (1887—94), Antuan teatri (1897—1906) ni tashkil etib, ularga rahbarlik qilgan. 1906 — 14 yillarda André Antoine „Odeon“ teatrida direktorlik, rejissorlik qildi. Teatr tanqidi va kino sanʼati bilan shugʻullandi. André Antoine teatrning xalqchil va haqqoniy boʻlishi uchun kurashdi. André Antoinening estetik qarashlari, xususan, uning aktyorlik faoliyatida toʻlaligicha namoyon boʻldi. Asosiy rollari: Akim („Zulmat hukmronligi“), Osvald („Sharpa“), Kuzovkin („Tekinxoʻr“). U Erkin teatr artistlari bilan Yevropa va Rossiya boʻylab gastrolda boʻldi. André Antoinening „Kundaliklar“ kitobi nazariy va tarixiy qimmatga ega.

Adabiyotlar

OʻzME. Birinchi jild. Toshkent, 2000-yil

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Ushbu maqola chaladir. Siz uni boyitib, ZiyoSferaga yordam berishingiz mumkin.
Bu andozani aniqrogʻiga almashtirish kerak.