Antraxinon

Antraxinon (yun. anthrax — koʻmir va xina — kechua xindulari tilida — xinon daraxti poʻstlogʻi), S14N8O2 — aromatik keton; mol.m. 208,20, sargʻish kristall; suyuqlanish temperaturasi 287°, qaynash temperaturasi 377°. Anilin, nitrobenzol va issiq toluolda eriydi. Antraxinon antratsenni oksidlab yoki ftal kislota angidridiga alyuminiy xlorid katalizatorligida benzol taʼsir ettirib olinadi. U turli reaksiyalarga kirisha oladi, lekin oʻrin almashish reaksiyalariga juda qiyin kirishadi. Antraxinon turli oksidlovchilar taʼsirida ishqoriy muhitda alizaringa aylanadi. Antraxinonda karbonil guruhlar borligi tufayli uning xossalari ketonlar va xinonlarning xossalariga oʻxshaydi. Antraxinon antraxinon boʻyoqlar olishda ishlatiladi.

Adabiyotlar

• OʻzME. Birinchi jild. Toshkent, 2000-yil