Antratsen

Antratsen — kondensirlangan uchta benzol yadrosidan iborat aromatik uglevodorod. Mol. m. 178,24. Rangsiz kristall, eritma va suyuqlikda saqlanib qoluvchi binafsha rangda fluoressensi yalanadi (tovlanadi). Suyuqlanish temperaturasi 216°, qaynash temperaturasi 342°. Antratsen toshkoʻmir smolasi tarkibida 0,3 — 0,5% boʻladi va shu smolani haydash jarayonida 270 — 360°da ajralib chiqadigan antratsen moyidan olinadi. Antratsen birinchi marta 1832-yilda toshkoʻmir smolasi tarkibida topilgan. Antratsen oksidlansa antraxinon boʻyoqlar olish uchun ishlatiladigan muhim oraliq mahsulot — antraxinon hosil boʻladi. Aromatik uglevodorodlarga xos reaksiyalarga kirishadi: galogenlash, nitrolanish, sulfidlanish va boshqalar.

Adabiyotlar

• OʻzME. Birinchi jild. Toshkent, 2000-yil