Antifrizlar
Antifrizlar (anti … va ing. freeze -muzlatish) — ancha past (- 75° dan 0° gacha) temperaturada muzlamaydigan suyuqliklar; 0° temperaturadan past temperaturada ishlaydigan inki yonuv dvigateli va boshqa turli qurilmalarning sovitish tizimlarida ishlatiladi. Issiqlik hajmi, issiqlik oʻtkazuvchanligi, qaynash va alangalanish temperaturasi yuqori; past temperaturada qovushqoqligi kam. Antifrizlar sovitish tizimi detallarini zanglatmasligi, shlanglar va qistirmalar materiallarini yemirmasligi kerak. Shuning uchun antifrizlar etilenglikol, glitserin, baʼzi spirtlarning suvdagi eritmasi va boshqa organik birikmalardan tayyorlanadi. Koʻproq etilenglikolning suvdagi eritmasi ishlatiladi. Uning muzlash temperaturasi — 65° gacha.
Adabiyotlar
- OʻzME. Birinchi jild. Toshkent, 2000-yil
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |