Anorqul Nazarov
Anorqul Nazarov | |
|---|---|
| Tavalludi |
Anorqul Mamadovich Nazarov 5-iyun 1950-yil |
| Vafoti |
16-yanvar 2019-yil (68 yoshda) |
| Kasbi | Kompozitor |
| Fuqaroligi |
 OʻzSSR →  Oʻzbekiston |
Anorqul Mamadovich Nazarov (1950-yil 5-iyun, Boʻka tumani — 2019-yil 16-yanvar) – oʻzbekistonlik kompozitor, Oʻzbekiston Respublikasi sanʼat arbobi (1995).
Hayoti
Anorqul Nazarov 1950-yil 5-iyunda Boʻka tumanida tugʻilgan. Toshkent konservatoriyasini (hozirgi Oʻzbekiston konservatoriyasi) tugatgan (1973). Navoiy teatrida sozanda (1968—1985), Uzteleradiokompaniyasi qoshidagi Estrada-simfonik orkestrining bosh dirijyori va badiiy rahbari (1989—1996), „Oʻzbeknavo“ birlashmasining bosh direktori (1996—2001). Ijodida qoʻshiq asosiy oʻrin tutadi („Doʻlana“, „Arazlama“, „Men nechun sevaman Oʻzbekistonni“, „Oʻzbekiston mushtarak“, „Ozod elning oʻgʻliman“ va boshqalar). Bastakorning Muhammad Yusuf sheʼriga yozilgan „Yur, muhabbat! Ketdik bu yerdan“ qoʻshigʻi birinchi oʻzbek tangosidir. Shuningdek, kino va telefilmlar, teatr spektakllari, sirk tomoshalari uchun musiqalar va boshqa asarlar yozgan. Abdulla Qodiriy nomidagi Oʻzbekiston Davlat mukofoti laureati (1997)[1]. Vafotidan soʻng 2025-yilda “Mehnat shuhrati” ordeni bilan mukofotlangan[2].
Anorqul Nazarov 2019-yil 16-yanvarda og‘ir kasallikdan keyin vafot etgan[3].
Asarlari
| Nomi | Ijrochi | Shoir | Yil |
|---|---|---|---|
| Men nechun sevaman O‘zbekistonni | Abdulla Oripov | ||
| Vatan azizdir | Jumaniyoz Jabborov | ||
| Jon O‘zbekiston | Jumaniyoz Jabborov | ||
| Iftixor | X.Sharipov | ||
| Yashnar bahorim | Bobur Bobomurod | ||
| Ona yurt | Bobur Bobomurod | ||
| Barkamol avlod | Y.Otash | ||
| O‘zbekiston mushtarak | Y.Otash | ||
| Go‘zal Toshkent | B.Isroilova | ||
| Yurt qadri | B.Isroilova | ||
| Aziz odamlar | M.Ibrohimov | ||
| Izhor | Abdulla Oripov |
Manbalar
- ↑ Fayl:National Encyclopedia of Uzbekistan logo.png „Anorqul Nazarov“, Oʻzbekiston milliy ensiklopediyasi (A-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.
- ↑ „O‘zbekistonda ilm-fan, adabiyot, madaniyat va san’at sohalarini rivojlantirishga ulkan hissa qo‘shgan bir guruh marhum olim va ijodkorlarni mukofotlash to‘g‘risida“ (2025-yil 23-avgust). Qaraldi: 2025-yil 23-avgust.
- ↑ „Bastakor Anor Nazarov vafot etdi“. Kun.uz (2019-yil 16-yanvar). Qaraldi: 2025-yil 8-iyun.
Havolalar
 | Musiqachi haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |