Kontent qismiga oʻtish

Anok Yai

ZiyoSfera, erkin ensiklopediya
Anok Yai

Yai 2022-yila
Tavalludi 1997-yil 20-dekabr (1997-12-20) (28 yosh)
Qohira, Misr
Fuqaroligi
  • Amerika
  • Janubiy Sudan
Taʼlimi Plymouth davlat universiteti
Manchester High School West
Kasbi Model
Faoliyat yillari 2017–hozirgacha
Modellik
Boʻyi 1.78 m[1]
Soch rangi jigarrang
Koʻz rangi jigarrang
Agentlik
  • No smoking (Nyu-York)
  • SAFE Management (Parij)[2]

Anok Yai (1997-yil 20-dekabrda tugʻilgan) – model. Naomi Campbelldan keyin Prada modalar namoyishini ochib bergan ikkinchi qora tanli supermodel[3][4]. Bir necha bor i-D va xalqaro Vogue jurnallarining muqovalarida, shuningdek, 3 marta Amerikaning Vogue jurnali muqovasida uning tasviri oʻrin olgan. Models.com uni ushbu avlodning „Yangi supermodellaridan biri“ sifatida baholaydi[5]. 2023-yilda sanoat vakillari hamda muxlislar tomonidan „Yil modeli“ deb tan olingan[6].

Yoshlik yillari

Yai Misrning Qohira shahrida nasroniy oilada tugʻilgan. Uning oilasi Sudan genotsididan qochib, Qohiraga kelgan[7]. 3 yoshida oilasi bilan AQShning Manchester shtatining New Hampshire shahriga koʻchib oʻtgan[8]. Onasi hamshira, otasi Easterseals tashkilotida ishlaydi. Singlisi Alim esa uning menejeri va moliyaviy maslahatchisi hisoblanadi[9]. Yai Manchester High School West maktabini tamomlagan va shifokor boʻlish niyatida biokimyo yoʻnalishida tahsil olish uchun Plymouth davlat universitetiga oʻqishga kirgan[10][11].

Karyerasi

Boshlangʻich davr

Yai 2017-yil oktyabr oyida Howard universitetining anʼanaviy bitiruvchilar haftaligida professional fotograf Steve „theSUNK“ Hall tomonidan kashf etilgan. U Yaidan uni suratga olishga ruxsat soʻragan. Hall ushbu suratni Instagramga joylashtirgan va surat 20 mingdan ortiq layk toʻplagan. Shundan soʻng IMG Models hamda boshqa model agentliklari Yai bilan bogʻlanishga qiziqish bildirgan. Oxir-oqibat, Yai bir necha hafta davomida har kuni qoʻngʻiroq qilgan Next Model Management agentligi bilan shartnoma imzolashni tanlagan[12][13]. Atigi 4 oy ichida Yai Prada moda koʻrgazmasini ochib bergan ilk sudanlik modelga aylangan. Bu modellik faoliyatidagi eng yuqori yutuqlardan biri hisoblanadi, chunki brend koʻplab mashhur modellar faoliyatini boshlab bergan[14]. Shuningdek, model Pradaning 2018-yilgi bahor–yoz koʻrgazmasida hamda Givenchy dizayneri Riccardo Tisci tomonidan yaratilgan Nike koʻrgazmasida ham ishtirok etgan[15].

Model Vogue jurnaliga bergan intervyusida shunday degan:

Bu men uchun sharaf edi, men koʻrgazma ochilishi uchun tanlab olinganimdan faxrlanaman, lekin bu faqat men haqimda emas. Mening eng nufuzli moda uylaridan birining ko‘rgazmasini ochishim butun dunyoga, ayniqsa, qora tanli ayollar uchun ularning go‘zalligi e’tirof etilishi va nishonlanishi lozim bo‘lgan qadriyat ekanini ko‘rsatadi[16].

Yai Versace, Max Mara, Fendi, Burberry va Louis Vuitton kabi brendlar podiumlarida chiqish qilgan. Shuningdek, u Tiffany & Co., Nike, Hood by Air va Ambush reklama kampaniyalarida ham ishtirok etgan[17].

Yai Vogue (jumladan, bir nechta xalqaro nashrlari), W magazine, CR Fashion Book, AnOther, Dust, Purple, Harper’s Bazaar, i-D, Self Service, V Magazine, Elle, Garage, Document Journal, Dazed va Pop jurnallari muqovalarida va tahririy maqolalarida ham koʻrinish bergan[18].

2018-yilda Yai Nike, Riccardo Tisci va Minotaurs hamkorligidagi bahor–yoz reklama kampaniyasida ishtirok etdi[19]. 2018-yil iyul oyida u Estée Lauder brendining reklama yuziga aylandi[20]. 2018-yil dekabrida Alexander Wangning „Collection 1“ Drop 2 koʻrgazmasida qatnashdi[21]. Shu yili model Dazed, i-D, Purple Fashion va Dust jurnallarining muqovalarida ham koʻrinish berdi.

2019-yilda Yai Adut Akech va Alton Mason bilan birga Chanel–Pharrell toʻplamiga bagʻishlangan qisqa metrajli filmda ishtirok etdi[22]. Shuningdek, AnOther, CR Fashion Book, PRINT, W hamda Vogue jurnallarining (Koreya, Italiya, Braziliya va Yaponiya nashrlari ham) muqovalaridan uning tasviri oʻrin oldi.

2020-yilda Yai Versace Resortning „Flash 2021“ kampaniyasida model sifatida qatnashdi[23]. U Alexander McQueenning 2020-yilgi kuz–qish kolleksiyasi koʻrgazmasida ham ham ishtirok etdi, suratga olish ishlari Jamie Hawkesworth tomonidan amalga oshirildi[24]. Yai yana bir bor Vogue jurnali muqovalarida (Yaponiya, Germaniya, Niderlandiya va AQSh nashrlari) paydo boʻldi.

Supermodel maqomi

2022-yilda Yai Steven Maisel tomonidan suratga olingan Max Mara va Alexander McQueenning ikkita bahor–yoz kolleksiyasi koʻrgazmasida ishtirok etdi[25][26]. Shuningdek, Loro Piana brendining Mario Sorrenti tomonidan suratga olingan fotosessiyasida ham model sifatida qatashdi[27]. Keyinchalik Yai Maisel bilan yana hamkorlikni davom ettirib, sentyabr oyida Tiffany & Co. Rose Gold Eau de Parfum koʻrgazmasida ishtirok etdi[28]. 2022-yil fevral oyida Yai qora tanli modellardan iborat tarkib bilan birga British Vogue jurnalining muqovasidan oʻrin oldi[29]. 2022-yil sentyabrida W jurnalining 50 yilligi munosabati bilan chop etilgan nashri muqovasidan Anok Yai suratining oʻrin egallashi uning supermodel sifatida rasman tan olinishi boʻldi[30].

Manbalar

  1. ↑ „Next / Anok Yai“. www.nextmanagement.com. 2018-yil 14-oktyabrda asl nusxadan arxivlangan. Qaraldi: 2018-yil 24-fevral.
  2. ↑ „Anok Yai - Model“. models.com.
  3. ↑ Okwodu, Janelle (February 22, 2018). „At Prada, Supermodels, Virtual Models, and a History-Making Moment“. Vogue. Condé Nast.
  4. ↑ Lauren Alexis Fisher. „A Black Model Opened The Prada Show For The First Time Since 1997“. Harper's Bazaar (2018-yil 23-fevral).
  5. ↑ „New Supers“. models.com.
  6. ↑ „Models.com Model of the Year Awards 2023“. models.com (2023-yil 18-dekabr).
  7. ↑ Singer. „What You Need To Know About Prada's New Collection“. British Vogue (2018-yil 15-yanvar). Qaraldi: 2024-yil 25-mart.
  8. ↑ Wootson Jr., Cleve R.. „A photographer unexpectedly snapped her picture at homecoming. Then, modeling agencies called.“. The Washington Post (2017-yil 31-oktyabr).
  9. ↑ Hayward. „Plymouth State student a model of internet fame after Instagram post - New Hampshire“. newhampshire.com. 2018-yil 12-iyunda asl nusxadan arxivlangan. Qaraldi: 2018-yil 7-iyun.
  10. ↑ „Modeling agencies reach out to woman featured in viral photos“. cbsnews.com (2017-yil 30-oktyabr).
  11. ↑ Heyward. „New Hampshire college student signs with modeling agency after viral Instagram photo“. boston.com (2017-yil 11-noyabr).
  12. ↑ Tate, Crystal (October 26, 2020). „This 19-Year-Old College Student Signs Major Modeling Contract After Her Photo From Howard Homecoming Goes Viral“. Essence.
  13. ↑ „Secrets of the Supermodel Trade“. Business of Fashion.
  14. ↑ Yates. „This South Sudanese college student is now a top model at Prada, thanks to the internet“. yahoo.com (2018-yil 23-fevral).
  15. ↑ „8 Models to Watch This Season“. The New York Times (2018-yil 9-fevral).
  16. ↑ „"This Is Bigger Than Me" - Anok Yai On Being The First Black Model To Open Prada In 20 Years“ (en-GB). British Vogue (2018-yil 26-fevral). Qaraldi: 2023-yil 11-iyun.
  17. ↑ „Anok Yai - Model“. MODELS.com. Qaraldi: 2023-yil 21-aprel.
  18. ↑ „Anok Yai - Gallery with 100 editorials - Fashion Model | Models | The FMD | Page 9“. The FMD – FashionModelDirectory.com. Qaraldi: 2023-yil 28-aprel.
  19. ↑ „Riccardo Tisci x Nike's Victorious Minotaurs Return in Newest Collection“. Hypebeast (2018-yil 8-fevral). Qaraldi: 2023-yil 11-iyun.
  20. ↑ March. „Anok Yai On Making Fashion and Beauty History“. CR Fashion Book (2018-yil 8-avgust). 2018-yil 3-oktyabrda asl nusxadan arxivlangan. Qaraldi: 2018-yil 3-oktyabr.
  21. ↑ „Alexander Wangʻs Drop 2 of "COLLECTION 1" Just Dropped“. Hypebae (2018-yil 20-dekabr). Qaraldi: 2023-yil 11-iyun.
  22. ↑ „An Exclusive Look At The Making Of The Chanel-Pharrell Capsule Collection“ (en-GB). British Vogue (2019-yil 25-mart). Qaraldi: 2023-yil 11-iyun.
  23. ↑ „Vibrant Versace Flash 2021 Campaign Honors BLM“ (en-US). Anne of Carversville (2020-yil 23-avgust). Qaraldi: 2023-yil 11-iyun.
  24. ↑ „Alexander McQueen Fall 2020 Campaign“ (en-US). www.fashiongonerogue.com (2020-yil 17-avgust). Qaraldi: 2023-yil 11-iyun.
  25. ↑ Enke. „Max Mara Spring 2022 Campaign by Steven Meisel with Anok, Loli, Vittoria and Yilan“ (en-US). Anne of Carversville (2022-yil 21-fevral). Qaraldi: 2023-yil 11-iyun.
  26. ↑ Benjamin. „Alexander McQueen taps Steven Meisel for spring summer 2022“ (en-US). Rain (2022-yil 20-yanvar). Qaraldi: 2023-yil 11-iyun.
  27. ↑ „Loro Piana S/S 2022 : Anok Yai, Rianne Van Rompaey & Leon Dame by Mario Sorrenti“ (en-US). the Fashion Spot. Qaraldi: 2023-yil 11-iyun.
  28. ↑ „Tiffany & Co. 'Rose Gold' Fragrance 2021 : Anok, Kristina & Fei Fei by Steven Meisel“ (en-US). the Fashion Spot. Qaraldi: 2023-yil 11-iyun.
  29. ↑ Saltzman. „Must Read: British 'Vogue' Celebrates African Models, a New York State Senator Discusses The Fashion Act“ (en). Fashionista (2022-yil 14-yanvar). Qaraldi: 2023-yil 11-iyun.
  30. ↑ „Anok Yai on Her History-Making Model Moment“ (en). W Magazine (2022-yil 6-sentyabr). Qaraldi: 2023-yil 11-iyun.

Havolalar

"https://ziyosfera.uz/index.php?title=Anok_Yai&oldid=289299" dan olindi