Kontent qismiga oʻtish

Anna Gasser

ZiyoSfera, erkin ensiklopediya
Anna Gasser
Shaxsiy maʼlumotlari
Tavallud sanasi 1991-yil 16-avgust (1991-08-16) (35 yosh)[1]
Villach, Avstriya
Boʻyi 5 fut 6 duym (168 sm)[2]
Sport
Mamlakat Avstriya
Qaysi sport Snoubord
Klubi Slopestyle, Big air
Medallar

2 Oltin – 6 ta 2 Kumush – 2 ta

2 Bronza – 1 ta

Anna Gasser (1991-yil 16-avgustda tugʻilgan) – avstriyalik snoubordchi, sloupstayl va big air musobaqalari ishtirokchisi. U Millstattda istiqomat qiladi[3][4]. U Big Air boʻyicha 2018 va 2022-yilgi Olimpiya chempioni.

Gasser 2014-yilgi Qishki Olimpiada oʻyinlariga yoʻllanma oldi va saralash bosqichida eng yaxshi natijani koʻrsatib, toʻgʻridan-toʻgʻri finalga chiqdi[5][6]. 2017-yilda Gasser Ispaniyada oʻtkazilgan Snoubord boʻyicha jahon chempionatining Big Air musobaqasida oltin medal sohibi boʻldi[7]. Shuningdek, Gasser 2017-yilgi X oʻyinlarida ham muvaffaqiyatli qatnashdi: Slopestyle musobaqasida oltin[8], Hafjellda oʻtkazilgan Big Air musobaqasida bronza[9] va Aspenda boʻlib oʻtgan Big Air musobaqasida kumush medallarni qoʻlga kiritdi[10].

Karyerasi

Gasser birinchi marta 18 yoshida snoubordda uchishni boshlagan. Oʻrta maktabni tugatgandan soʻng, u ingliz tilini yaxshi bilmasligiga qaramay, Mammoth tog‘ida mashq qilish uchun Qoʻshma Shtatlarga koʻchib oʻtdi. Gasser qish boʻyi mashq qilish uchun Qoʻshma Shtatlarga koʻchib oʻtishga yetarli mablagʻi boʻlmagan va shu sababli pul topish uchun enaga boʻlib ishlagan[11]. U 2010/2011-yilgi mavsumda 20 yoshida snoubord boʻyicha musobaqalarda qatnasha boshlagan[3]. Slopestyle musobaqalarida ishtirok etishdan oldin Gasser Avstriya milliy gimnastika terma jamoasi aʼzosi edi, ammo 15 yoshida talabchan mashgʻulot jadvaliga koʻnika olmagani sababli jamoani tark etdi. U snoubordni afzal koʻrishini aytdi, chunki „bu sport turida hech kim senga nima qilish kerakligini aytmaydi“. Shuningdek, u oldingi gimnastika mashgʻulotlari tufayli havoda snoubord tryuklarini bajarishga oson moslashganini taʼkidladi[12][13][11]. Snoubord boʻyicha 2013-yilgi FIS Snoubord bo‘yicha jahon chempionati 2013 musobaqasida Anna Gasser 18-oʻrinni egalladi.

Uning jahon chempionatlaridagi eng yaxshi natijalaridan biri hamda 2014-yilgi Olimpiada oʻyinlari arafasida qoʻlga kiritgan yagona shohsupasi 2014-yil 19-yanvarda Stonehamda boʻlib oʻtgan musobaqada uchinchi oʻrinni egallashi bilan bogʻliq.[6].

2013-yil noyabr oyida Anna Gasser Cab Double Cork 900 tryukini muvaffaqiyatli bajargan ilk ayol snoubordchi boʻldi. Ushbu element yarim burilish bilan orqaga ikki marta salto bajarishni oʻz ichiga oladi va ayollar snoubordida texnik murakkabligi bilan ajralib turadi[14][15][16].

Gasser 2017-yilgi mavsumda 3 X Games medallarini qoʻlga kiritgan[10][8][9] Shuningdek, Anna Gasser snoubord boʻyicha jahon chempionatida 100 ballik mukammal natija qayd etib, oltin medalni qoʻlga kiritdi. Bu natija uning sport faoliyatidagi eng muhim yutuqlardan biri sifatida eʼtirof etiladi[7].

2014-yilgi Qishki Olimpiya oʻyinlari

Anna Gasser slopestyle yoʻnalishidagi final bosqichiga eng yuqori natija bilan yoʻllanmani qoʻlga kiritdi. Biroq final bahslarida u ikkala urinishida ham yiqilib tushdi va yakunda oʻninchi oʻrinni egalladi.

Musobaqadan avvalroq chiqib ketgan britaniyalik snoubordchi Aimee Fuller esa Gasser ishtirok etgan final bahslarida BBC Sport jamoasi tarkibida sharhlovchi sifatida qatnashdi[17]. Aimee Fuller hamda sharhlovchilar jamoasining boshqa aʼzolari – Ed Leigh va Tim Warwood – Anna Gasser soʻnggi yugurish vaqtida yiqilganida bildirgan reaksiyalari uchun tanqid ostida qoldi.

Mazkur voqea yuzasidan 300 dan ortiq shikoyat kelib tushgani maʼlum qilingan[17][18].


Mukofotlar
Oʻtmishdoshi:
Eva-Mariya Brem 		Avstriyaning eng yaxshi ayol sportchisi
2017, 2018 		Vorisi:
Vanessa Gersog

Manbalar

  1. ↑ „Anna Gasser“. fis-ski.com. FIS. 2014-yil 17-yanvarda asl nusxadan arxivlangan. Qaraldi: 2014-yil 7-fevral.
  2. ↑ „Anna Gasser“. worldsnowboardtour.com. TTR Pro Snowboarding. Qaraldi: 2014-yil 7-fevral.
  3. ↑ 3,0 3,1 „Anna Gasser“. World Snowboard Tour. Qaraldi: 2014-yil 6-fevral.
  4. ↑ „Profile at the website of Austrian Olympic Committee“ (German). Austrian Olympic Committee. Qaraldi: 2014-yil 6-fevral.
  5. ↑ „Snowboard – Derungs and Gasser star, GB's Jones misses out in slopestyle“. Reuters (2014-yil 6-fevral). 2014-yil 6-fevralda asl nusxadan arxivlangan. Qaraldi: 2014-yil 6-fevral.
  6. ↑ 6,0 6,1 Anna Gasser at the International Ski and Snowboard Federation
  7. ↑ 7,0 7,1 „'She's got 100!' Anna Gasser wins spectacular Big Air title“ (en-GB). BBC Sport (2017-yil 17-mart). 2018-yil 22-iyunda asl nusxadan arxivlangan. Qaraldi: 2017-yil 24-mart.
  8. ↑ 8,0 8,1 „Anna Gasser wins Women's Snowboard Slopestyle gold“. X Games. 2018-yil 24-avgustda asl nusxadan arxivlangan. Qaraldi: 2017-yil 24-mart.
  9. ↑ 9,0 9,1 „Anna Gasser wins Women's Snowboard Big Air bronze“. X Games. 2018-yil 24-avgustda asl nusxadan arxivlangan. Qaraldi: 2017-yil 24-mart.
  10. ↑ 10,0 10,1 „Anna Gasser wins Women's Snowboard Big Air silver“. X Games. 2018-yil 24-avgustda asl nusxadan arxivlangan. Qaraldi: 2017-yil 24-mart.
  11. ↑ 11,0 11,1 Goodwin, Michael „Triple Threat: The Anna Gasser Interview“ (en). Snowboarder (2020-yil 28-oktyabr). Qaraldi: 2023-yil 9-iyun.
  12. ↑ „Anna Gasser's official X Games athlete biography“. X Games. 2018-yil 3-martda asl nusxadan arxivlangan. Qaraldi: 2017-yil 24-mart.
  13. ↑ „Anna Gasser Biography“. Olympics. Qaraldi: 2023-yil 9-iyun.
  14. ↑ Kennedy, Tristan „Anna Gasser Makes History with First Women's Double Cork on a Kicker“. Whitelines (2013-yil 7-noyabr). Qaraldi: 2014-yil 6-fevral.
  15. ↑ „Snowboarderin Anna Gasser: Die erste Frau, die den "Double Cork 900" schafft“ (German). Spiegel Online. Qaraldi: 2014-yil 6-fevral.
  16. ↑ „Anna Gasser Milk Teeth Interview“. Pyramid Magazine (2015-yil 12-fevral). 2024-yil 1-dekabrda asl nusxadan arxivlangan. Qaraldi: 2016-yil 11-iyun.
  17. ↑ 17,0 17,1 Heritage, Stuart. „The BBC Sochi team delivered BEAUTIFUL! SOLID! COMMENTARY!“. The Guardian (2014-yil 11-fevral). Qaraldi: 2014-yil 9-avgust.
  18. ↑ „Olympic snowboarding commentary draws complaints“. BBC News (2014-yil 10-fevral). Qaraldi: 2014-yil 9-avgust. 
"https://ziyosfera.uz/index.php?title=Anna_Gasser&oldid=288820" dan olindi