Anna Bergendal
Anna Bergendal | |
|---|---|
 Bergendal 2024-yilda | |
| Umumiy maʼlumot | |
| Tavalludi |
1991-yil 11-dekabr |
| Janrlar | |
| Kasbi | qoʻshiqchi |
| Faoliyat yillari | 2008-hozir |
Anna Henrietta Bergendal (1991-yil 11-dekabrda tugʻilgan) — shved qoʻshiqchi va bastakor. Xonanda 2004-yilda TV4 telekanalining Super Troupers musiqiy dasturida hamda 2008-yilda Idol 2008 tanlovida ishtirok etib, eng yaxshi beshlikka qadar yetib borgan[1].
2009-yilda Bergendal Lionheart Records bilan shartnoma imzolagan[2]. Uning ilk studiyaviy albomi 2010-yil 14-aprelda chiqarilgan. Bergendal Melodifestivalen 2010 tanlovida "This Is My Life" qoʻshigʻi bilan gʻolib chiqib, Shvetsiya nomidan Eurovision qoʻshiq tanlovi 2010da ishtirok etgan. Biroq u ikkinchi yarim finalda 62 ball bilan 11-oʻrinni egallab, final bosqichiga chiqa olmagan[3]. Ushbu qoʻshiq 2010-yil 5-mart kuni Shvetsiya xit-paradida birinchi oʻringa koʻtarilgan[4].
Biografiyasi
Dastlabki hayoti
Bergendal Hägersten (Stokholm)da tugʻilgan va Nyköping hamda Katrineholm shaharlarida ulgʻaygan. Uning naslida irlandiyalik ajdodlar ham mavjud, chunki buvisi Irlandiyada tugʻilgan va shu yerda iatiqomat qilib keladi. U ilk marta sakkiz yoshida York shahridagi soborda tomoshabinlar qarshisida chiqish qilgan[5].
Idol 2008
Bergendal TV4 telekanalining Idol 2008 isteʼdodlar tanloviga Bonnie Raittning „Have a Heart“ qoʻshigʻi bilan chiqish qilib saralashdan muvaffaqiyatli oʻtgan. Uning chiqishi hakamlar — Laila Bagge, Anders Bagge va Andreas Carlsson tomonidan yuqori baholangan[6].
Keyinchalik u ABBAning „Mamma Mia“, Py Bäckmanning „Stad i ljus“, „Save Up All Your Tears“, Leona Lewisning „Bleeding Love“, „The Best“ va „Over the Rainbow“ kabi qoʻshiqlarni ijro etgan[7].
Bergendal tanlov mavsumini beshinchi oʻrinda yakunlagan. Mazkur mavsum gʻolibi Kevin Borg boʻlgan[8].
2009-yilda Bergendal bilan Kristian Lagerström va Bobby Ljunggren bogʻlanib, undan Melodifestivalen 2010 uchun qoʻshiq yozib olishni xohlash-xohlamasligini soʻrashgan[9].
Manbalar
- ↑ „Om Anna“ (sv). anna-bergendahl.se. 2010-yil 17-martda asl nusxadan arxivlangan. Qaraldi: 2010-yil 13-mart.
- ↑ Granström, Klas. „"Idol"-Alice och Anna har fått skivkontrakt“ (sv). Aftonbladet (2009-yil 21-may). 2009-yil 25-mayda asl nusxadan arxivlangan. Qaraldi: 2010-yil 13-mart.
- ↑ Holmberg, Kalle. „Anna Bergendahl vann med "This is my life"“ (sv). Dagens Nyheter (2010-yil 13-mart). 2010-yil 17-martda asl nusxadan arxivlangan. Qaraldi: 2010-yil 13-mart.
- ↑ „Anna Bergendahl – This Is My Life“ (sv). swedishcharts.com. 2010-yil 12-martda asl nusxadan arxivlangan. Qaraldi: 2010-yil 13-mart.
- ↑ Amster, Harry. „Idoljuryn började gråta“ (sv). Svenska Dagbladet (2010-yil 27-fevral). 2010-yil 28-fevralda asl nusxadan arxivlangan. Qaraldi: 2010-yil 31-mart.
- ↑ „Anna 16 fick alla att gråta“. 2011-yil 14-iyunda asl nusxadan arxivlangan. Qaraldi: 2010-yil 22-may.
- ↑ „”Jag kände en enorm press att prestera på topp”“. Aftonbadet (2009-yil 9-sentyabr). Qaraldi: 2025-yil 1-dekabr.
- ↑ Anna Bergendahl från Idol till Melodifestivalen (Wayback Machine saytida 24 August 2011 sanasida arxivlangan)
- ↑ „Sweden's new pop princess – Anna Bergendahl speaks out in exclusive interview“, escradio.com, qaraldi: 1 December 2025