Anju sulolasi
Anju sulolasi — oʻrta asrlarda qator Yevropa mamlakatlarida Anju (Fransiya) graflaridan boshlangan qirollar sulolasi. Angliyada 1154 — 1399-yillarda (qarang Plantagenetlar), Janubiy Italiyada 1268 — 1442-yillarda hukmronlik qilgan; Sitsiliyada — 1268 — 1282 (norasmiy 1266 — 1302). Sitsiliya va Janubiy Italiyadagi Anju sulolasi asoschisi — Karl Anjuyskiy (1285-yilgacha hukmronlik qilgan). Sitsiliyadagi 1282-yil qoʻzgʻoloni va Aragon sulolasi qaror topgan Sitsiliya ajrab chiqqach (1302), anjuliklar qoʻlida faqat Janubiy Italiya — Neapol qirolligi saqlanib qolgan. Vengriyada-gi Anju sulolasi 1308 — 1387–yillarda hukmronlik qilgan (asoschisi — Karl Robert, 1342-yilgacha taxtni boshqargan); Polshada — 1370 — 1382 va 1384 — 1385-yillarda mamlakatni boshqargan.
Adabiyotlar
- OʻzME. Birinchi jild. Toshkent, 2000-yil
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |