Aniq va ijtimoiy fanlar universiteti (AIFU, UESS)

Aniq va ijtimoiy fanlar universiteti

Fayl:AIFU logo.png Aniq va ijtimoiy fanlar universiteti logotipi
Xalqaro nomi	Univesity exact and social sciences
Turi	Universitet
Asos solingan sanasi	2022-yil
Rektori	G'olibjon Botirov
Talabalari	3 000 dan ortiq
Bakalavriat	4 yil
Magistratura	2 yil
Manzili	Toshkent shahri, Olmazor tumani, „Gʻani Aʼzamov“ MFY, Oltinsoy koʻchasi, 1-uy
Veb-sayti	https://aifu.uz/

Aniq va ijtimoiy fanlar universiteti (inglizcha: Univesity of exact and social sciences) – Ilm-fan, innovatsiya va texnologiyalar yutuqlari asosida sifatli taʼlim jarayonini tashkil etish orqali kelajak liderlarini tayyorlashni maqsad qilgan oliygoh. Aniq va ijtimoiy fanlar universiteti Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish Davlat inspeksiyasining № 410326 raqamli litsenziyasi asosida oʻz faoliyatini boshlagan.

Universitet missiyasi

Raqobatbardosh kadrlar tayyorlash maqsadida ilm-fan, innovatsiya va texnologiyalar yutuqlari asosida sifatli taʼlim jarayonini tashkil etish.

Universitet maqsadi

Ilm-fan va ishlab chiqarish hamkorligini taʼminlash orqali ijtimoiy-iqtisodiy jihatdan barqaror rivojlanish uchun yuqori malakali kadrlar tayyorlash hamda inson kapitalini mehnat bozori talablari asosida rivojlantirish.

Universitetning asosiy vazifalari

• Xalqaro standartlar asosida yuqori malakali, kreativ va tizimli fikrlaydigan, mustaqil qaror qabul qila oladigan kadrlar tayyorlash, ularni intelektual qobiliyalarini namoyon etishi va manaviy barkamol shaxs sifatida shakllanishi uchun zarur shart-sharoit yaratish;

• Universitet professor-oʻqituvchilarning ilmiy-pedagogik salohoyatini va talabalar bilim saviyasini oshirish uchun horijiy davlatlarning nufuzli ilmiy-tadqiqot muassasalari va oliy taʼlim tashkilotlari bilan akademik almashinuvni yoʻlga qoʻyish;

• Universitetda Buyuk Britaniya, Germaniya va Finlyandiya kabi davlatlarning oliy taʼlim tashkilotlarni ilgʻor innovatsion dasturlarini joriy etish;

• Professor-oʻqituvchilar tomonidan umumtaʼlim maktab oʻquvchilari uchun xorijiy tajribalarni qiyoslagan holda yangi avlod oʻquv adabiyotlarini yaratish, ularni metodik jihatdan takomillashtirish va ularni taʼlim tizimiga joriy qiladigan yuqori salohiyatli pedagog kadrlar tayyorlash;

• Toshkent viloyatidagi ijtimoiy homiyga muhtojlar va iqtidorli yoshlarni universitetda bepul taʼlim olishlari uchun Toshkent viloyati hokimligi bilan hamkorlikda faoliyat yuritish;

• Oliy taʼlim-ilm-fan-ishlab chiqarish integratsiyasi asosida Toshkent viloyati ijtimoiy-iqtisodiy salohiyatini rivonlashtirishga qaratilgan taʼlim xizmatlari, start-up loyihalar, xalqaro loyihalar, ilmiy tadqiqot faoliyati va innovatsion hamkorlik aloqalarini yoʻlga qoʻyish.

Universitet boʻlimlari

– Oʻquv-uslubiy boʻlim;

– Yoshlar bilan ishlash, maʼnaviyat va maʼrifat boʻlimi;

– Buxgalteriya;

– Raqamli va axborot-texnologiya markazi;

– Xalqaro hamkorlikni tashkil etish boʻlimi;

– Xodimlar boʻlimi

Universitet kafedralari

• Aniq fanlar kafedrasi

• Ijtimoiy fanlar kafedrasi

• Filologiya kafedrasi

Bakalavr taʼlim yoʻnalishlari

• Amaliy matematika

• Dasturiy injiniring

• Iqtisodiyot (tarmoqlar va sohalar boʻyicha)

• Bank ishi

• Buxgalteriya hisobi

• Turizm va mehmondoʻstlik

• Xorijiy til va adabiyoti

• Filologiya va tillarni oʻqitish (oʻzbek tili, ingliz tili, rus tili, xitoy tili)

• Psixologiya (Faoliyat va turlar boʻyicha)

• Matematika

• Sunʼiy intellekt

• Moliya va moliyaviy texnologiyalar

• Menejment

• Logistika

• Dizayn

• Tarjima nazariyasi va amaliyoti

• Maktabgacha taʼlim

• Tarix (mamlakatlar va yoʻnalishlar boʻyicha)

Magistratura mutaxassisliklari

• Matematika

• Sunʼiy intellekt

• Biznes boshqaruv (MBA)

• Buxgalteriya hisobi

• Xorijiy til va adabiyoti (ingliz tili)

• Psixologiya (faoliyat va turlar boʻyicha)

• Aniq va tabiiy fanlarni oʻqitish metodikasi

• Menejment

• Iqtisodiyot (tarmoqlar va sohalar boʻyicha)

• Bank ishi

• Lingvistika (oʻzbek tili, ingliz tili, rus tili, xitoy tili)

• Tarix (mamlakatlar va yoʻnalishlar boʻyicha)

Xalqaro hamkorlik

Ankara Sosyal Bilimler Üniversitesi

Fayl:Anqara ijtimoiy fanlar universiteti bilan hamkorlik.png

Aniq va ijtimoiy fanlar universiteti hamda Ankara Sosyal Bilimler Üniversitesi oʻrtasida shartnoma imzolanishi. Toshkent, 2024.

2024-yilning 29-noyabr kuni Aniq va ijtimoiy fanlar universiteti hamda Ankara Sosyal Bilimler Üniversitesi vakillari oʻrtasida xalqaro hamkorlikni rivojlantirish boʻyicha kelishuv imzolandi.

Uchrashuvda Ankara Sosyal Bilimler Üniversitesi rektori – Prof. Dr. Musa Kazım Arıcan, Rektor maxsus kotibi Serdar Çalimli, Türksoy Yozuvchilar uyushmasi Bosh koordinatori – Murat Kahraman ishtirok etishdi.

Fayl:Aifu and Asbuedu.jpg

Aniq va ijtimoiy fanlar universiteti hamda Ankara Sosyal Bilimler Üniversitesi rasmiylari oʻrtasida uchrashuv. Anqara, 2024.

Ushbu tashrif davomida quyidagi yoʻnalishlarda hamkorlikni rivojlantirish boʻyicha aniq kelishuvlar amalga oshirildi:

– Professor-oʻqituvchilar almashinuvi dasturlarini yoʻlga qoʻyish;

– Qoʻshma taʼlim dasturlari boʻyicha 1+1 taʼlim shakli boʻyicha magistrlar va 2+2 taʼlim shakli boʻyicha bakalavrlar talabalar almashinuvi dasturlarini yoʻlga qoʻyish;

– Ilmiy tadqiqot loyihalarini amalga oshirish;

– Magistr va PhD talabalarning ilmiy ishlariga birgalikda rahbarlik qilish;

– Ilmiy konferensiyalar tashkil etish.

Turkiya-Oʻzbekiston 3-taʼlim forumi doirasida Anqara shahridagi Ankara Sosyal Bilimler Üniversitesida ham uchrashuv tashkil etildi.

Fayl:AIFU and Trabzon.jpg

Aniq va ijtimoiy fanlar universiteti hamda Trabzon Üniversitesi vakillari uchrashuvi. Trabzon, 2024.

Trabzon Üniversitesi

2024-yil 11-dekabr kuni AIFU va Trabzon Üniversitetiga rasmiylari oʻrtasida uchrashuv oʻtkazildi. Hamkorlik va talaba almashinuv imkoniyatlari tahil qilindi.

Malayziyada davlatida 2025-yilning 4-fevral boshlab „Malayziya – Oʻzbekiston Oliy taʼlim forumi“ oʻtkazildi.

Oʻquv dasturlari

AIFU Language center

• Ingliz tili (Grammar & IELTS)

• Xitoy tili

• Rus tili

• Koreys tili

• Turk tili

• Nemis tili

AIFU Programming

– Foundation kurslari

– Backend dasturlash

– Frontend dasturlash

– UI/UX dizaynerlik

– Grafik dizaynerlik

– Flutter dasturchi

AIFU Pre-University

• Pre-University dasturi abituriyentlar uchun moʻljallangan.

Xalqaro reyting

Aniq va ijtimoiy fanlar universiteti Indoneziyaning UI GreenMetric xalqaro universitetlar reytingining 2024-yilgi Top universitetlari qatoriga kiritilgan.