Ani Samsonyan

Ani Samsonyan
Անի Սամսոնյան
Armaniston Milli Majlisi aʼzosi
Mansab davri 2019-yil 14-yanvar
Shaxsiy maʼlumotlari
Tavalludi	1990-yil 10-fevral (1990-02-10) Yerevan, Armaniston SSR, Sovet Ittifoqi
Millati	arman
Siyosiy partiyasi	Yorqin Armaniston partiyasi
Alma mater	Armaniston davlat pedagogika universiteti Milliy fanlar akademiyasi ER Davlat boshqaruvi akademiyasi

Ani Tachati Samsonyan (armancha: Անի Տաճատի Սամսոնյան; 1990-yil 10-fevralda oʻsha paytda Armaniston SSR tarkibida boʻlgan Yerevan shahrida tugʻilgan) – arman siyosatchisi va jurnalisti. 2018-yilgi saylovda Yorqin Armaniston partiyasidan nomzod sifatida saylanib, 2019-yil 14-yanvardan boshlab Armaniston Milliy Assambleyasi (parlamenti) aʼzosi hisoblanadi. Bugungi kunda inson huquqlari va jamoatchilik ishlari boʻyicha doimiy qoʻmita rais oʻrinbosari lavozimida faoliyat yuritib kelmoqda.

Samsonyan, shuningdek, Armaniston Milliy Assambleyasi bilan Belarus Respublikasi Milliy Assambleyasi oʻrtasidagi hamkorlik boʻyicha parlamentlararo qoʻmitaning aʼzosi hisoblanadi. Bundan tashqari, Xavfsizlik va Hamkorlik Tashkiloti Parlament Assambleyasi (XHT PA) aʼzosi. Armaniston Milliy Assambleyasining bir qator Doʻstlik guruhlarida, jumladan, Armaniston–Avstriya, Armaniston–Yaponiya, Armaniston–Latviya, Litva, Estoniya, Armaniston–Moldova va Armaniston–Sloveniya Doʻstlik guruhlari aʼzosi hisoblanadi.

Taʼlimi

Ani Samsonyan 2011-yilda Armaniston davlat pedagogika universitetining jurnalistika fakultetini tamomlagan. 2011–2013-yillarda Armaniston Milliy Fanlar akademiyasi Xalqaro fan va taʼlim markazining xalqaro aloqalar boʻlimida tahsil olgan. Hozirda Armaniston Davlat boshqaruvi akademiyasi yuridik fakulteti magistratura bosqichida tahsil olmoqda.

Karyerasi

2010–2012-yillarda Samsonyan H. Sharambeyan nomidagi Xalq sanʼati markazida ilmiy xodim boʻlib faoliyat yuritgan. 2012–2013-yillarda „ArmNews“ media telekanalida jurnalist boʻlgan. Xuddi shu yillarda „Diplomat.am“ tahliliy veb-saytida „Information Wars and Campaign“ deb nomlangan maqolalar turkumi muallifi sifatida ham faoliyat yuritgan. 2013–2014-yillarda „ArmNews“ matbuot klubi koordinatori boʻlgan. 2015-yilda „Yorqin Armaniston“ tashabbusi va keyinchalik shu nomdagi partiya asoschilaridan biri boʻlgan, shuningdek, partiyaning matbuot kotibi lavozimida ham ishlagan. 2017–2018-yillarda Yerevan shahar kengashining shaharsozlik va yer resurslaridan foydalanish masalalari boʻyicha doimiy qoʻmitasi rais oʻrinbosari lavozimida xizmat qilgan. „Way Out“ (Chiqish yoʻli) fraksiyasi aʼzosi boʻlgan.