Angler qoramol zoti
Angler (Angel) qoramol zoti — suti uchun boqiladigan zot. Zot haqidagi maʼlumotlar XVI asrga toʻgʻri keladi. Suyagi noziq, tanasi choʻziq, sut-dorlik belgilari yaxshi rivojlangan, tusi qizil. Buqalarining tirik vazni 850-1000 kilogramm, sigirlariniki 500-580 kilogramm. Yiliga 4000-4500 kilogramm sut beradi, sutining yogʻligi 4,5-4,6%. Asosan Gʻarbiy Yevropa mamlakatlarida boqiladi. Angler qoramol zoti qizil daniya zotini u orqali qoʻngʻir latish, qizil eston, qizil litva, qizil dasht zotlarini chiqarishda asos boʻlgan. Ukraina, Rossiya, qisman Oʻzbekistondagi xoʻjaliklarda ham boqiladi.
Adabiyotlar
- OʻzME. Birinchi jild. Toshkent, 2000-yil
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |