Angidrit

Angidrit — sulfatlar sinfiga mansub mineral. Kimyoviy formulasi CaSO4. Rombik singoniyali. Qattiqligi 3,5-3,8. S. ogʻ. 2,9-3,0. Moʻrt. Rang-siz yoki oq, baʼzan och havo rang, kulrang, qizgʻish, koʻk. Shishasimon yaltiroq. Angidrit choʻkindi jinslar orasida, ayniqsa dolomitlashgan ohaktoshlar ichida koʻp uchraydi. Tabiatda Angidrit zich massa yoki qatlam-qatlam holda uchraydi; baʼzan gidrotermal yertomirlarda ham boʻladi. Zangori mayda donali Angidrit vulpinit yoki bergam marmari deb ataladi. Angidrit bogʻlovchi modda Angidrit oʻgʻit, sement, bezak buyumlar tayyorlashda ishlatiladi. Angidrit namlikni shimib yana osongina gipega aylanishi va oʻz hajmini 30% gacha kattalashtirishi mumkin. Angidrit konlari Rossiya, Ukraina (Donbass, Karpatoldi) va boshqa joylarda bor. Angidritning katta zaxiralari Oʻzbekistonning Qashqadaryo viloyatida va Olmaliq atroflarida topilgan^[1].

Manbalar

↑ Fayl:National Encyclopedia of Uzbekistan logo.png „Angidrit“, Oʻzbekiston milliy ensiklopediyasi (A-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.

Adabiyotlar

OʻzME. Birinchi jild. Toshkent, 2000-yil.

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Ushbu maqola chaladir. Siz uni boyitib, ZiyoSferaga yordam berishingiz mumkin.
Bu andozani aniqrogʻiga almashtirish kerak.

[1] Fayl:National Encyclopedia of Uzbekistan logo.png „Angidrit“, Oʻzbekiston milliy ensiklopediyasi (A-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.

[1]