Anemiya (oʻsimlik)

Bu atamaning boshqa maʼnolari ham mavjud. Qarang: Anemiya (maʼnolari).

Anemiya (Anaemia) — qirqquloqdoshlarta mansub koʻp yillik sporali oʻsimliklar turkumi (urugʻi). Sporasiz barglari patsimon. Sporali barglarining yaproklari qisqargan, oʻqtomiri uzaygan. Sporalari bargning faqat eng pastidagi bir juft yaproqchalarida joylashgan. 140 dan ortiq turi bor. Shundan 96 ga yaqini Amerika, Afrika va Madagaskarning tropik yerlarida keng tarqalgan, bir turi Hindistonda oʻsadi, 50 ga yaqin turi qazilma holda uchraydi. Anemiyaning changi va barg izlari Turkiston va boshqa joylarning yura va, asosan, boʻr qatlamlaridan koʻplab topilgan. Oʻzbekistonda Anemiyaning 10 tacha qazilma turi maʼlum. Ularning kupchili-gi Hisor togʻlari, Fargʻona vodiysining janubiy hududlari, Fargʻona togʻlarining shimoliy qismi, Buxoro, Xiva depressiyasining yura va bur qatlamlaridan topilgan.

Adabiyotlar

OʻzME. Birinchi jild. Toshkent, 2000-yil

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Ushbu maqola chaladir. Siz uni boyitib, ZiyoSferaga yordam berishingiz mumkin.
Bu andozani aniqrogʻiga almashtirish kerak.