Andrey Morozov

Andrey Morozov
Shaxsiy maʼlumot
Toʻliq ismi	Andrey Petrovich Morozov
Tavallud sanasi	1979-yil 24-aprel (47 yosh)
Tavallud joyi	Gomel viloyati, Belarus SSR
Boʻyi	177 cm (5 ft 9 1⁄2 in)
Ampluasi	Yarim himoyachi
Klub maʼlumoti
Joriy klub	Kattaqoʻrgʻon (yordamchi murabbiy)
Professional faoliyati*
Yillar	Jamoa
1995	Zlin
1996	Vedrich
1997—2000	Zlin
2001—2003	Gomel
2004—2005	Krivbass
2006	Lokomotiv (Vitebsk)
2006—2007	Darida
2008	Savit
2009—2011	DSK-Gomel
2011	→ Granit (Mikashevichi)
2014—2015	Zarya (Starodub) (havaskorlar)
2016	Gomeljeldotrans
2011—2018	BCH (Gomel) (Futzal)
Boshqargan klublari
2017	Gomel (murabbiy)
2023	Lokomotiv Gomel (yordamchi)
2023—2025	Lokomotiv Gomel
2026—	Kattaqoʻrgʻon (yordamchi murabbiy)
	*Professional klublardagi gollari (ichki chempionat)

Andrey Petrovich Morozov (belaruscha: Андрэй Пятровіч Марозаў; 1979-yil 24-aprelda Gomel viloyatining Usoxskaya Buda qishlogʻida tugʻilgan) – belaruslik futbol murabbiyi va sobiq futbolchi. Futbolchilik faoliyati davomida qanot yarim himoyachisi pozitsiyasida oʻynagan.

Futbolchilik faoliyati

Andrey faoliyatini 1995-yilda Belarus ikkinchi ligasining „ZLIN“ (Gomel) klubida boshlagan. 1996-yilgi mavsumda oliy liga ishtirokchisi boʻlgan „Vedrich“ jamoasiga oʻtgan. Mavsum davomida 19 ta oʻyin oʻtkazgan, ammo jamoa mavsum oxirida oliy ligadan tushib ketgan. 1997-yilgi mavsum avvalida ZLIN jamoasiga qaytgan va keyingi toʻrt mavsumni ikkinchi va birinchi ligalarda oʻtkazgan.

2001-yilda „Gomel“ klubiga oʻtgan va vaqt oʻtishi bilan asosiy tarkib futbolchisiga aylangan. 2002-yilda oʻz klubi bilan Belarus kubogida gʻolib chiqqan, 2003-yilda mamlakat chempioni boʻlgan. UEFA kubogi oʻyinlarida ishtirok etgan.

2004-yil boshida Ukrainaning „Krivbass“ jamoasiga oʻtgan. Bir yarim mavsum davomida u Ukraina Premyer-ligasida 35 ta oʻyin oʻtkazdi va 3 ta gol urdi. 2005-06-yilgi mavsumning kuzgi qismida ham „Krivbass“ tarkibida boshlagan, ammo hech qachon maydonga tushmagan.

2006-yilda u oʻz vataniga qaytib, „Lokomotiv“ (Vitebsk) va „Darida“ klublarida, 2008-yilda esa Mahiljouning „Savit“ jamoasida oʻynagan. 2009-yilda u „DSK-Gomel“ga oʻtgan. DSK-Gomel jamoasi bilan ikki marta birinchi liganing bronza medali sovrindori (2009, 2010) boʻlgan va 2009/10-yilgi Belarus kubogida yarim finalga chiqqan. 2011-yilning bahorida u birinchi ligada „Granit“ (Mikashevichi), kuzda yana „DSK-Gomel“ jamoasida oʻynagan.

Keyinchalik u Rossiyaning havaskorlar chempionatida „Zarya“ (Starodub) jamoasida oʻynagan. 2016-yilda Gomeljeddortrans uchun birinchi ligada bir nechta oʻyin oʻtkazib, professional futbolga qaytgan. Temiryoʻlchilar oʻrtasida jahon chempioni (2015)^[1]. Shuningdek, faoliyatining soʻnggi yillarida u BCH Gomel futzal klubida oʻynagan.

Belarus oliy ligasida jami 140 ta oʻyin oʻtkazib, 15 ta gol urgan. Birinchi ligada esa 150 dan ortiq oʻyinda ishtirok etgan.

Murabbiylik faoliyati

„Gomel“da yoshlar jamoalari murabbiyi boʻlib ishlagan. 2023-yilda Gomelning „Lokomotiv“ klubi murabbiylar shtabiga bosh murabbiy yordamchisi sifatida qoʻshilggan. 2023-yil avgust oyida u Gomelning „Lokomotiv“ klubi bosh murabbiyi vazifasini bajaruvchi boʻlgan^[2].

Yutuqlar

Belarus chempioni: 2003-yil
Belarus kubogi sohibi: 2001/02

Manbalar

↑ Sbornaya Belarusi stala pobeditelem futbolnogo chempionata USIC v Sochi
↑ „В ближайшем матче первой лиги "Локомотивом" будет руководить Андрей Морозов“ (ru). football.by (2023-yil 2-avgust). 2023-yil 20-noyabrda asl nusxadan arxivlangan. Qaraldi: 2023-yil 20-noyabr.

Havolalar

Andrey Morozov
Andrey Morozov
172350^(ingl.) Transfermarkt saytida
Andrey Morozov Soccerway saytida

[1] Sbornaya Belarusi stala pobeditelem futbolnogo chempionata USIC v Sochi

[2] „В ближайшем матче первой лиги "Локомотивом" будет руководить Андрей Морозов“ (ru). football.by (2023-yil 2-avgust). 2023-yil 20-noyabrda asl nusxadan arxivlangan. Qaraldi: 2023-yil 20-noyabr.

[1]

[2]