Andoza:Ulugʻbek Mamatqulov
Abror Turobovich Joʻrayev (1979-yil 21-sentabr, Buxoro) — oʻzbek iqtisodchisi va pedagogi. Iqtisodiyot fanlari nomzodi (PhD), «Jahon iqtisodiyoti» ixtisosligi boʻyicha professor (2026).[1] 2019-yildan Buxoro davlat universitetining xalqaro hamkorlik boʻyicha prorektori, shuningdek «Marketing va menejment» kafedrasi professori.[2] Ilmiy qiziqishlari jahon iqtisodiyoti, xalqaro iqtisodiy munosabatlar, turizm va oliy taʼlimni xalqarolashtirish masalalariga qaratilgan.
Hayoti va taʼlimi
Abror Joʻrayev 1979-yil 21-sentabrda Buxoro shahrida tugʻilgan. 1996–2000-yillarda Buxoro davlat universitetida iqtisodiyot mutaxassisligi boʻyicha tahsil olib, bakalavr darajasini olgan. 2000–2002-yillarda shu universitet magistraturasida makroiqtisodiyot mutaxassisligi boʻyicha oʻqib, magistr darajasiga ega boʻlgan. 2003–2006-yillarda universitet aspiranturasida ilmiy izlanishlar olib borgan.[2]
Mehnat faoliyati
Mehnat faoliyatini 2000–2002-yillarda Buxoro davlat universiteti huzuridagi akademik litseyda oʻqituvchi sifatida boshlagan. Keyinchalik universitetning turli lavozimlarida ishlagan: tashqi aloqalar boʻlimi boshligʻi (2007–2012), «Iqtisodiy taʼlim va turizm» kafedrasi oʻqituvchisi, dotsenti va mudiri (2012), Ijtimoiy-iqtisodiy fakultet dekani (2013–2014), xalqaro boʻlim boshligʻi (2014–2017) hamda Turizm fakulteti dekani (2017–2019).[2] 2019-yildan Buxoro davlat universitetining xalqaro hamkorlik boʻyicha prorektori lavozimida faoliyat yuritadi. Shu bilan birga «Marketing va menejment» kafedrasi professori sifatida pedagogik faoliyat olib boradi.
Ilmiy darajasi va unvonlari
2010-yilda iqtisodiyot fanlari nomzodi (falsafa doktori, PhD) ilmiy darajasiga ega boʻlgan. 2022-yilda «Jahon iqtisodiyoti» ixtisosligi boʻyicha dotsent, 2026-yilda esa Oʻzbekiston Respublikasi Oliy attestatsiya komissiyasi tomonidan shu ixtisoslik boʻyicha professor ilmiy unvoniga sazovor boʻlgan.[1]
Xalqaro faoliyati va grantlar
Ilmiy va kasbiy malakasini bir necha bor xorijda oshirgan. 2024-yilda Slovakiya akademik axborot agentligi (SAIA) stipendiyasi doirasida Bratisladagi Komenius universitetida «oliy taʼlimda xalqarolashuv» mavzusida yetti oylik ilmiy stajirovkani oʻtagan.[3] 2025-yilda AQSh Davlat departamentining «International Visitor Leadership Program (IVLP)» dasturi doirasidagi malaka oshirish kursida ishtirok etgan.[4] Erasmus+ dasturi doirasidagi ESGCA xalqaro loyihasida (Genuya universiteti, Italiya muvofiqlashtiruvi) Buxoro davlat universiteti tomonidan muvofiqlashtiruvchi sifatida faoliyat yuritadi.
Ilmiy faoliyati
Ilmiy qiziqishlari iqtisodiyot, xalqaro iqtisodiyot, turizm, oliy taʼlim va taraqqiyot iqtisodiyoti yoʻnalishlarini qamrab oladi. Jahon iqtisodiyoti, xalqaro iqtisodiy munosabatlar va turizm sohalarida 80 dan ortiq ilmiy ish eʼlon qilgan. Google Scholar maʼlumotlariga koʻra (2025-yil holatiga), asarlariga jami 76 marta iqtibos qilingan; h-indeks — 3, i10-indeks — 2.[5] Scopus tizimida muallif sifatida roʻyxatdan oʻtgan (ORCID: 0000-0002-4108-3274).[6]
Asosiy asarlari
- Jahon iqtisodiyoti va xalqaro iqtisodiy munosabatlar: darslik. — Buxoro, 2025.
- Менеджмент в туризме: oʻquv qoʻllanma (hammualliflikda). 2-nashr. — Moskva: ИНФРА-М, 2025. — 207 b. — ISBN 978-5-16-019645-9.
- Mehmonxonalarda tadbirlarni tashkil etish: oʻquv qoʻllanma (N. Omonova bilan). — Buxoro, 2026.
- Monografiya. — Buxoro: «Durdona», 2021. — 240 b.
- «University reputation, support, and security…» // Frontiers in Sustainable Tourism. — 2025.
- «Operationalizing ESG in higher education…» // Frontiers in Sustainability. — 2026.
- «Travel and Earn Together in Uzbekistan» dasturiy mahsuloti (№ DGU 07609, 2020) — mualliflardan biri.
Mukofotlari
- 2005-yil — «Oʻzbekiston belgisi» koʻkrak nishoni.[2]
Manbalar
- ↑ 1,0 1,1 Oʻzbekiston Respublikasi Oliy attestatsiya komissiyasi. Professor ilmiy unvoni attestati, 05 №006730, 2026-yil 10-aprel.
- ↑ 2,0 2,1 2,2 2,3 Buxoro davlat universiteti rasmiy hujjatlari va maʼlumotnoma (2026).
- ↑ Confirmation of completion of Research Stay. Comenius University in Bratislava, Faculty of Social and Economic Sciences, 2024.
- ↑ U.S. Department of State, Bureau of Educational and Cultural Affairs. International Visitor Leadership Program, 2025.
- ↑ Abror Juraev — Google Scholar profili.
- ↑ Juraev, Abror — Scopus muallif profili (ID 60222350600).
Ulug‘bek Mamatqulov (1979-yil 15-fevral, Urgut tumani, Samarqand viloyati, O‘zbekiston) — o‘zbekistonlik tadbirkor, Bayan Group kompaniyalar guruhining asoschisi va rahbari. U farmatsevtika, ishlab chiqarish va dori vositalari distribyutsiyasi sohalarida faoliyat yuritadi.
Biografiyasi
Ulug‘bek Mamatqulov 1979-yil 15-fevralda Samarqand viloyatining Urgut tumanida tug‘ilgan. 1986–1996-yillarda Urgut shahridagi 1-sonli umumiy o‘rta maktabda tahsil olgan. Millati — o‘zbek.
Tadbirkorlik faoliyatini 1996-yilda o‘zining ilk dorixonasini ochish bilan boshlagan. Keyinchalik “Barot” MChJ nomli dori vositalarini ulgurji sotish bilan shug‘ullanuvchi kompaniyani tashkil etgan. Kompaniya dastlab Samarqand viloyatida, so‘ng butun respublikada mashhurlikka erishdi.
2012-yildan boshlab “Samarkand England Eco-Medical” qo‘shma korxonasining aksiyadori sifatida faoliyat yuritmoqda. 2020-yilda Toshkent shahridagi farmatsevtika zavodini sotib olib, unga “Bayan Medical” nomini berdi. 2023-yilda mazkur korxona “Samarkand England Eco-Medical” bilan birlashtirilib, “Bayan Group” kompaniyalar guruhi shakllantirildi.
2022-yil dekabr oyida “Inom Health Care” MChJ asoschilaridan biri bo‘ldi.
Faoliyati va mukofotlar
- 10-oktabr 2017-yil — O‘zbekiston Respublikasi Konstitutsiyasining 25 yilligi munosabati bilan davlat mukofoti bilan taqdirlangan.
- 24-may 2021-yil — O‘zbekiston Respublikasi Mustaqilligining 30 yilligi munosabati bilan davlat mukofoti bilan taqdirlangan.
- 8-noyabr 2022-yil — O‘zbekiston Respublikasi Konstitutsiyasining 30 yilligi munosabati bilan davlat mukofoti bilan taqdirlangan.
Til bilimi
Ulug‘bek Mamatqulov rus, ingliz, hind, fors va o‘zbek tillarini biladi.
Manbalar
- Orginfo.uz: Ulug‘bek Mamatqulov
- “Barot” MChJ
- Bayan Medical
- Inom Health Care
- Samarkand England Eco-Medical
