Anastasiya Zaxarova
| Anastasiya Zaxarova | |
|---|---|
|
Fayl:Zakharova WMQ23 (53062168833).jpg Zaxarova Wimbledon tennis turnirida | |
| Toʻliq ismi | Anastasiya Vladimirovna Zaxarova |
| Mamlakat |
 Rossiya |
| Tugʻilishi |
2002-yil 18-yanvar[1] Volgograd, Rossiya |
| Boʻyi | 1.70 sm |
| Ishlatadigan qoʻli | Oʻng qoʻl |
| Olgan jami pul mukofot(lar)i miqdori | $1 194 564 |
| Yakkalik bahslar | |
| Jami titullari | 16 ta ITF |
| Eng yuqori pozitsiyasi | 74-oʻrin (16-mart 2026) |
| Joriy pozitsiyasi | 74-oʻrin (16-mart 2026) |
| „Katta dubulgʻa“ turniri yakkalik bahslari natijalari | |
| Australian Open | 3-bosqich (2024) |
| French Open | Q3 (2024) |
| Wimbledon | 2-bosqich (2025) |
| US Open | 2-bosqich (2025) |
| Juftlik bahslari | |
| Jami titullari | 8 ITF |
| Eng yuqori pozitsiyasi | 93-oʻrin (26-sentyabr 2022) |
| Joriy pozitsiyasi | 367-oʻrin (28-iyul 2025) |
| Soʻnggi marta yangilandi: 2025-yil 23-sentyabr. | |
.jpg){kind=link}
Anastasiya Vladimirovna Zaxarova (ruscha: Анастасия Владимировна Захарова; 2002-yil 18-yanvarda tugʻilgan) — rossiyalik tennischi. Yakkalik bahslari boʻyicha WTA reytingida eng yuqori natijasi — 74-oʻrin (2026-yil 16-mart), juftlik bahslari boʼyicha — 93-oʻrin. ITF ayollar turida oʻn oltita yakkalik va sakkizta juftlik bahslari chempionligini qoʻlga kiritgan.
Sport faoliyati
2021–2023: WTA turida debyut
Zaxarova oʻzining WTA turi asosiy toʻr bahslaridagi debyut ishtirokini 2021-yilgi Polsha ochiq turnirida amalga oshirgan. Sportchi ushbu musobaqaning yakkalik bahslariga „lucky loser“ yoʼllanmasini qoʼlga kiritgan. Yaʼni oʼyinlarga yoʼl olgan boshqa sportchi musobaqa ishtirok eta olmasligi tufayli, yoʼllanma keyingi sportchiga, yaʼni Zaxarovaga taqdim etilgan[2]. Zaxarova birinchi davrada Ekaterine Gorgodzega oʼyinni boy bergan[3].
Sportchi oʻzining ilk WTA turidagi gʻalabasini Xua Xin shahrida oʼtkazilgan 2023-yilgi Tailand ochiq turnirida qayd etgan. Tennischi musobaqada Anna Karolína Schmiedlova ustidan gʼalaba qozonishga muvaffaq boʼlgan[4]. Soʻngra navbatdagi uchrashuvda birinchi raqam ostida saralangan Bianca Andreescuga magʻlub boʻlgan[5].
2024: Avstraliya ochiq chempionatida uchinchi davra, Gonkong chorak finali
Reytingda 190-oʻrinda turgan Zaxarova Avstraliya ochiq chempionati saralashidan oʻtib, Katta dubulgʻa turniridagi debyut ishtirokini amalga oshirdi[6]. U Yuliya Putintseva[7] va Kaya Yuvanni[8] magʻlubiyatga uchratishga erishdi, biroq uchinchi davrada Magdalena Fręchga oʼyinni boy berdi[9].
Sentyabr oyida Marokashda oʼtkazilgan Jasmin ochiq turnirida Zaxarova birinchi davrada birinchi raqam ostida saralangan Elise Mertensga yutqazdi[10]. Juftlik bahslarida u Alina Korneeva bilan birgalikda finalga chiqdi, biroq raqiblari Anna Blinkova va Mayar Sherif juftligidan magʻlubiyatga uchradi[11].
Zaxarova oktyabr oyida Gonkong ochiq chempionatida Jan Su-jeongni[12] va yettinchi raqam ostida saralangan Varvara Grachevani[13] magʻlub etib, ilk bor chorak finalga qadar yetib bordi, biroq keyingi bosqichda ikkinchi raqam ostida saralangan Katie Boulterga qarshi oʼyinda magʻlub boʻldi[14].
2025: Ilk kuchli 30 talik ustidan gʻalaba, birinchi WTA yarim finali
Iyun oyida Zaxarova Londondagi Queenʼs Club chempionatiga saralashdan oʻtib, dunyoning 21-raqamli raketka ustasi Donna Vekicni magʻlub etdi. Shu orqali sportchi kuchli 30 talik reytingdagi raqib ustidan ilk gʻalabasini qoʼlga kiritdi[15]. U ikkinchi davrada ikkinchi raqam ostida saralangan Madison Keysga magʻlub boʻldi[16]. Ikki haftadan soʻng Zaxarova Wimbledon turnirining asosiy toʼr bahslarida ilk bor ishtirok etish uchun saralash bosqichidan oʼtishga muvaffaq boʼldi va birinchi davrada Victoria Azarenkani magʻlub etib ikkinchi davraga yoʼl oldi[17]. Ikkinchi davrada esa Zaxarova Dayana Yastremskaga oʼyinni boy berdi[18].
Manbalar
- ↑ „Anastasia Zakharova“. www.tennisexplorer.com.
- ↑ „WTA Gdynia Day 2 Predictions Including Olga Govortsova vs Tamara Korpatsch“. www.lastwordonsports.com (2021-yil 19-iyul).
- ↑ „Intensity and passion as Gorgodze posts first WTA win over Zakharova: Gdynia Highlights“. Women's Tennis Association. Qaraldi: 2024-yil 27-oktyabr.
- ↑ „Hua Hin: Zakharova notches first WTA win at eighth attempt“. Women's Tennis Association. Qaraldi: 2024-yil 27-oktyabr.
- ↑ „Hua Hin: Andreescu holds off Zakharova to reach quarters“. Women's Tennis Association. Qaraldi: 2024-yil 27-oktyabr.
- ↑ „Aussie Open 2024's Slam debuts: Korneeva, Seidel, Starodubtseva and more“. Women's Tennis Association.
- ↑ „Australian Open: Putintseva goes down to qualifier Zakharova in first round“. Tennis Majors. Qaraldi: 2024-yil 27-oktyabr.
- ↑ „Australian Open: Zakharova makes third round“. Tennis Majors. Qaraldi: 2024-yil 27-oktyabr.
- ↑ „Australian Open: Frech reaches fourth round of a Grand Slam for the first time“. Tennis Majors. Qaraldi: 2024-yil 27-oktyabr.
- ↑ „Two-time defending champion Mertens bests Zakharova in Monastir“ (en). Women's Tennis Association. Qaraldi: 2024-yil 16-sentyabr.
- ↑ „British qualifier Kartal charges to first WTA singles title in Monastir“. Women's Tennis Association. Qaraldi: 2024-yil 27-oktyabr.
- ↑ „Zakharova overturns 4-0 deficit vs. Jang in Hong Kong for 11th straight win“. Women's Tennis Association. Qaraldi: 2024-yil 1-noyabr.
- ↑ „2024 Hong Kong; Zakharova reaches first WTA quarterfinal, extends win streak to 12 matches“. WTATennis (2024-yil 31-oktyabr).
- ↑ „'Relaxed' Boulter reaches Hong Kong semi-final“. BBC Sport. Qaraldi: 2024-yil 1-noyabr.
- ↑ „Zakharova knocks out Vekic in Queen's opener for first Top 30 victory“. Women's Tennis Association. Qaraldi: 2025-yil 11-iyun.
- ↑ „Keys halts qualifier Zakharova's run at Queen's Club“. Women's Tennis Association. Qaraldi: 2025-yil 11-iyun.
- ↑ „Wimbledon: Azarenka beaten by qualifier Zakharova in first round“. Tennis Majors. Qaraldi: 2025-yil 2-iyul.
- ↑ „Wimbledon: Yastremska moves into third round“. Tennis Majors. Qaraldi: 2025-yil 3-iyul.