Kontent qismiga oʻtish

Anastasia Pagonis

ZiyoSfera, erkin ensiklopediya
Anastasia Pagonis

Pagonis 2020-yilda
Shaxsiy maʼlumotlari
Taxallusi/Laqabi Tas
Tavallud sanasi 2004-yil 2-may (2004-05-02) (22 yosh)
Long-aylend, Nyu York
Boʻyi 5 ft 5 in (1.65 m)
Sport
Qaysi sport para suzish

Anastasia Pagonis (yunoncha: Αναστασία Παγώνης; 2004-yil 1-mayda tugʻilgan) – amerikalik para suzuvchi. 2020-yilgi Yozgi Paralimpiya oʻyinlarida AQSh terma jamoasi nomidan ishtirok etgan. Ushbu sport turi boʻyicha jahon rekordi va Amerika rekordi sohibasi[1].

Karyerasi

Pagonis xalqaro maydondagi debyutini 2020-yil fevral oyida Avstraliyaning Melburn shahrida boʻlib oʻtgan WPS (World Para Swimming) Jahon seriyasi musobaqasida amalga oshirdi. Ushbu musobaqada 400 metrga erkin usulda suzish bahslarida oltin medal, 200 metrga kompleks suzish boʻyicha esa bronza medalni qoʻlga kiritdi. Shuningdek, 50 metrga erkin usulda suzish bahslarida sakkizinchi, 100 metrga erkin usulda esa toʻrtinchi oʻrinni egalladi[1].

AQSh Paralimpiya saralash musobaqalarida esa Pagonis 400 metrga erkin usulda suzish boʻyicha S11 toifasida ikki marta, jumladan, birinchi marta saralash bosqichida, ikkinchi marta esa finalda jahon rekordini yangiladi. Ushbu rekordlar 2020-yilgi Yozgi Paralimpiya oʻyinlari boshlanishidan oldin hali tasdiqlanmagan edi[2]. 2021-yil iyun oyida Pagonisning 2020-yilgi Tokioda oʻtkaziladigan Yozgi Paralimpiya oʻyinlarida para suzish boʻyicha AQSh jamoasi tarkibida ishtirok etishi rasman eʼlon qilindi[3][4].

Atigi 17 yoshida Pagonis 2020-yilgi Yozgi Paralimpiya oʻyinlarida ayollar oʻrtasida 400 metrga erkin uslubda suzish bahslarida S11 toifasida AQSh sharafini himoya qildi. U saralash bosqichida 4:58.40 natija bilan S11 toifasida jahon rekordini oʻrnatdi[5]. Finalda esa yana rekordni yangilab, 4:54.49 natijani qayd etdi va oltin medalni qoʻlga kiritdi. Bu uning Paralimpiya oʻyinlaridagi ilk medali, shu bilan birga AQSh delegatsiyasi uchun Paralimpiadadagi birinchi oltin medal edi[6][7]. Shuningdek, sportchi ayollar oʻrtasida SM11 toifada 200 metrga kompleks suzish musobaqasida ham ishtirok etib, 2:45.61 natijani qayd etdi va Amerika rekordini oʻrnatgan holda bronza medalini qoʻlga kiritdi[8].

2022-yil 14-aprel kuni Pagonis AQSh nomidan 2022-yilgi para suzish boʻyicha Jahon chempionatida ishtirok etuvchi jamoa tarkibiga kiritildi[9]. U Jahon chempionatidagi debyutini 2022-yil 15-iyun kuni amalga oshirib, SM11 toifasida 200 metrga kompleks suzish bahslarida 2:49.73 natija bilan oltin medalni qoʻlga kiritdi[10].

2023-yil iyun oyida Pagonis yelkasidan operatsiyani boshdan kechirdi, biroq 2023-yil dekabrida yana mashgʻulotlarga qaytdi va 2024-yilgi Yozgi Paralimpiya oʻyinlariga tayyorgarlikni boshladi[11][12].

Shaxsiy hayoti

Pagonisga autoimmun retinopatiya tashxisi qoʻyilgan, bu kasallik uning koʻrish qobiliyatining tezda yomonlashishiga olib kelgan. 11 yoshida koʻrish qobiliyatida muammolarni sezgan va 14 yoshga kelib, butunlay koʻr boʻlib qolgan[13]. Uning Radar ismli yoʻlboshchi iti boʻlib, Pagonis bu it uning hayotini butunlay oʻzgartirganini va koʻrish qobiliyatini yoʻqotishi tufayli yuzaga kelgan depressiyadan chiqishda katta yordam berganini aytgan[13][14]. Pagonis TikTok va Instagram platformalariga koʻrlik haqida maʼlumot beruvchi va odamlarga yordam beruvchi videolar joylab boradi[15]. Uning oilasi asli Gretsiyadan boʻlgan.

Manbalar

  1. ↑ 1,0 1,1 „Anastasia Pagonis“. teamusa.org. 2021-yil 16-iyunda asl nusxadan arxivlangan. Qaraldi: 2021-yil 25-avgust.
  2. ↑ McCormick. „Anastasia Pagonis Sets World Record in 400 Free at Day 2 of Paralympic Trials“. swimswam.com (2021-yil 19-iyun). Qaraldi: 2021-yil 25-avgust.
  3. ↑ „United States name 34 swimmers on Tokyo 2020 Paralympic team“. insidethegames.biz (2021-yil 22-iyun). Qaraldi: 2021-yil 26-avgust.
  4. ↑ Bonfiglio. „Long Island's Anastasia Pagonis Competing in Tokyo Paralympic Games“ (2021-yil 24-avgust). Qaraldi: 2021-yil 25-avgust.
  5. ↑ de George. „Americans Anastasia Pagonis, Gia Pergolini Set World Records on Night 2 of Paralympics Prelims“. swimmingworldmagazine.com (2021-yil 25-avgust). Qaraldi: 2021-yil 25-avgust.
  6. ↑ Ruiz. „Garden City swimmer Anastasia Pagonis wins gold medal at Tokyo Paralympics“ (2021-yil 24-avgust). Qaraldi: 2021-yil 25-avgust.
  7. ↑ „Anastasia Pagonis, 17, breaks own world record, wins U.S.' first gold medal of Tokyo Paralympics“. olympics.nbcsports.com (2021-yil 24-avgust). Qaraldi: 2021-yil 25-avgust.
  8. ↑ „Women's 200m individual medley - SM11 - Finals Results“. Tokyo 2020 Paralympics. Tokyo Organising Committee of the Olympic and Paralympic Games. 2021-yil 30-avgustda asl nusxadan arxivlangan. Qaraldi: 2020-yil 30-avgust.
  9. ↑ Gowdy. „U.S. Paralympics Swimming Nominates 25 athletes to World Championship Roster“. teamusa.org (2022-yil 14-aprel). 2022-yil 16-mayda asl nusxadan arxivlangan. Qaraldi: 2022-yil 14-aprel.
  10. ↑ „Madeira 2022: Anastasia Pagonis repeats Tokyo with debut gold medal“. paralympic.org (2022-yil 15-iyun). Qaraldi: 2022-yil 15-iyun.
  11. ↑ Zuckerman. „You Should Know World Champion Swimmer Anastasia Pagonis“. bustle.com (2023-yil 7-sentyabr). Qaraldi: 2024-yil 30-avgust.
  12. ↑ „PAGONIS Anastasia“. Paris 2024 Paralympics. Qaraldi: 2024-yil 30-avgust. (alternate link, alternate link 2)
  13. ↑ 13,0 13,1 „Anastasia Pagonis: This is my message“. Tokyo 2020 Paralympics. Tokyo Organising Committee of the Olympic and Paralympic Games (2021-yil 21-avgust). 2021-yil 24-avgustda asl nusxadan arxivlangan. Qaraldi: 2021-yil 25-avgust.
  14. ↑ Reeder. „Blind teen swimmer and guide dog make 'perfect pair' in Paralympics quest“. today.com (2021-yil 23-avgust). Qaraldi: 2021-yil 25-avgust.
  15. ↑ „Anastasia Pagonis is battling for her first gold at the Paralympics. On TikTok, she fights to normalize blindness.“ (2021-yil 25-avgust). Qaraldi: 2021-yil 25-avgust. 
"https://ziyosfera.uz/index.php?title=Anastasia_Pagonis&oldid=285831" dan olindi