Anadan
Anadan عندان | |
|---|---|
| Mamlakat | Suriya |
| Muhofaza | Halab |
| Okrug | Simeon togʻi okrugi |
| Nazorat |
 Suriya qutqaruv hukumati |
| Aholisi (2004) |
11 918 |
| Vaqt mintaqasi | UTCEET +2; +3 |
Anadan (arabcha: عندان) Suriyada joylashgan shahar. Halabdan 12 km shimolda, Halab — Gaziantep xalqaro yoʻlida joylashgan. Shahar Halab muhofazasining Simeon togʻi okrugi tarkibiga kiradi. Suriya Markaziy Statistika Byurosi (CBS) maʼlumotlariga koʻra, 2004-yil aholini roʻyxatga olishda Anadan aholisi 11 918 kishini tashkil qilgan[1].
Shahar qishloq xoʻjaligi mahsulotlari, jumladan, don, dukkakli ekinlar, zaytun va turli xil mevalari bilan mashhur. Anadan shahri atrofi tekislik boʻlgan tepalikda qurilgan. Hozirda Anadan shahrida oʻn uchta masjid, bir nechta boshlangʻich maktab, bitta oʻrta maktab hamda oʻgʻil va qizlar uchun alohida yuqori maktab mavjud.
Ayyubiylar davrida, 1220-yillarda, suriyalik geograf Yoqut Hamaviy Anadanga tashrif buyurgan va uni „Avasim viloyatining Urtik kurah okrugi tarkibidagi Qinnasrin yaqinida joylashgan qishloq“ deya ta’riflagan. 13-asrga oid Marasid roʻyxatida bu joy Halabning shimoli-sharqida joylashgan qishloqlar qatorida tilga olingan[2].
Suriya fuqarolar urushi
Anadan jangi Suriya fuqarolar urushi davrida, 2012-yilning 29-30-iyul kunlari Anadan shahrida yuz bergan. Prezident Bashar Asad hukumatiga qarshi qoʻzgʻolon davrida Suriya harbiy kuchlari Anadanga kuchli artilleriya hujumlari uyushtirgan. Natijada, muxolifat manbalarining ma’lumotlariga ko‘ra, Anadan shahrining deyarli barcha aholisi, taxminan 30 ming kishi, qochib ketishga majbur boʻlgan. Natijada, Reuters agentligining muxbiri Sulaymon al-Xolidiy Anadanni „arvoh shahar“ deya ta’riflagan. Amnesty International tashkiloti sun’iy yoʻldosh tasvirlarini e’lon qildi. Bu tasvirlar qoʻzgʻolon paytida Anadan shahri kuchli artilleriya hujumlariga duchor boʻlganini koʻrsatmoqda[3]. 2017-yil 24-yanvar kuni Jabhat Fateh ash-Shom guruhi shaharni Ahror ash-Shom jangchilaridan tortib oldi[4]. 2020-yil 16-fevralda shaharni Suriya arab armiyasi egallagan.
2024-yilgi Shimoli-gʻarbiy Suriya hujumi vaqtida Anadanni Suriya muxolif kuchlari egallab oldi.
Manbalar
- ↑ General Census of Population and Housing 2004. Syria Central Bureau of Statistics (CBS). Aleppo Governorate. (arabcha)
- ↑ le Strange, 1890, p. 394.
- ↑ „Syria Conflict: Anadan Turned Into Ghost Town After Shelling“. Reuters. The Huffington Post (2012-yil 9-avgust). Qaraldi: 2012-yil 27-avgust.
- ↑ „Jabhat Fateh al-Sham launches a general offensive against rebel groups in Aleppo, Idlib CS“ (2017-yil 24-yanvar). 2019-yil 2-fevralda asl nusxadan arxivlangan. Qaraldi: 2017-yil 25-yanvar.