Ami (Ibaraki)

Ami 阿見町
shaharcha
Bayroq Gerb
Mamlakat	Yaponiya
Prefektura	Ibaraki prefekturasi
Maydon	71.40 km2 (27.57 kv mi)
Iqlim turi	nam subtropik
Rasmiy til(lar)i	yapon
Aholisi  (2020)	47 927 kishi
Milliy tarkib	yaponlar
Konfessiyaviy tarkib	buddizm, sintoizm
Vaqt mintaqasi	UTC+9
Telefon kodi	0296-48-1111

Yokaren tinchlik memorial muzeyi

Ami (yaponcha: 阿見町, Ami-machi) Yaponiyaning Ibaraki prefekturasida joylashgan shaharcha. 2020-yil 1-oktyabr holatiga koʻra, shaharchaning 20,279 xonadonida 47,927 kishi istiqomat qiladi va har bir kvadrat kilometrga 671 kishi toʻgʻri keladi. 65 yoshdan oshganlar aholining 28.3% ini tashkil etadi. Shaharchaning umumiy maydoni 71.40 km².

Geografiyasi

Ibaraki prefekturasining janubida joylashgan Ami shimolda Kasumigaura koʻli bilan chegaradosh

Yondosh munitsipalitetlar

Ibaraki prefekturasi

• Inasiki
• Tsuchiura
• Usiku
• Miho

Iqlimi

Ami nam kontinental iqlimga ega, yozi issiq va qishi salqin, qor yogʻishi bilan ajralib turadi. Ami shahrida oʻrtacha yillik harorat 13,8 °C. Yillik oʻrtacha yogʻin miqdori 1306 mm, sentyabr esa eng nam oy hisoblanadi. Eng yuqori harorat avgustda 25,7 °C atrofida, eng pasti esa yanvarda, 2,8 °C atrofida boʻladi.

Demografiyasi

Yaponiya aholini roʻyxatga olish maʼlumotlariga koʻra, Ami aholisi uzoq davom etgan oʻsishdan soʻng yaqinda barqarorlasha boshlagan.

Aholining oʻsishi

Yil	Aholi	±%
1950	20,859	—
1960	22,326	+7.0%
1970	24,904	+11.5%
1980	33,72	+35.4%
1990	42,192	+25.1%
2000	46,922	+11.2%
2010	47,94	+2.2%
2020	48,553	+1.3%

Tarixi

Edo davrida Ami atrofidagi hudud Hitachi provinsiyasining bir qismi boʻlgan. Ami, Kimihara, Asahi va Funasima qishloqlari 1889-yil 1-aprelda zamonaviy munitsipalitetlar tizimining qaror topishi bilan tashkil etilgan. 1921-yilda Yaponiya imperatorlik dengiz floti Kasumigaura havo maydonini, yaqin atrofdagi Kasumigaurada flot operatsiyalari bilan Amidagi dengiz aviasiyasi oʻquv bazasini tashkil etadi. Zeppelin operatsiyalari esa 1929-yildan boshlangan. 1937-yilda Yoshlar aviatsiya otryadi Yokosukadan koʻchirilgan. Baza 1944 va 1945-yillarda Ikkinchi Jahon urushi paytida bir necha bor bombardimon qilingan, 1945-yil 10-iyundagi hujumda 300 dan ortiq kishi oʻldirilgan.

1955-yil 1-aprelda Ami, Kimihara va Asahi qishloqlari birlashtirilib, Ami shaharchasi tashkil etilgan. Funasima qishlogʻining koʻp qismi 1955-yil 20-aprelda qoʻshilgan.

Hukumati

Ami toʻgʻridan-toʻgʻri saylanadigan mer va 18 aʼzodan iborat bir palatali shaharcha kengashiga ega boʻlgan mer-kengash boshqaruv shakliga ega. Ami Ibaraki prefekturasi assambleyasiga bitta aʼzo qoʻshadi. Milliy siyosat nuqtai nazaridan, shaharcha Yaponiya parlamenti quyi palatasining Ibaraki 6-saylov okrugi tarkibiga kiradi.

Iqtisodiyoti

Ami aralash iqtisodiyotga ega. Qishloq xoʻjaligi ustunligicha qolmoqda; shuningdek, kimyoviy moddalar, ishlab chiqarish va elektronika zavodlari mavjud. Yaponiya quruqlikdagi oʻzini-oʻzi mudofaa kuchlari ham shaharchada bir qancha harbiy obyektlariga ega.

Taʼlimi

• Ibaraki universiteti – Qishloq xoʻjaligi boʻlimi
• Ibaraki prefekturasi sogʻliqni saqlash fanlari universiteti
• Ami shaharchasida shaharcha hukumati tomonidan boshqariladigan yetti davlat boshlangʻich maktabi va toʻrtta davlat oʻrta maktabi hamda Ibaraki prefekturasi taʼlim kengashi tomonidan boshqariladigan bitta davlat yuqori maktabi mavjud.

Transporti

Temir yoʻllari

• Ami yoʻlovchi temir yoʻl xizmatiga ega emas. Eng yaqin stansiyalar – qoʻshni Tsuchiuradagi Tsuchiura va Arakavaoki.

Magistral yoʻllari

• Ken-O tezyurar yoʻli – Usiku-Ami, Ami-Higasi kesishmalari
• 125-milliy yoʻnalish

Harbiy obyektlar

• JGSDF Tutiura lageri
• JGSDF oʻq-dorilar maktabi
• JGSDF Kasumigaura lageri

Mahalliy diqqatga sazovor joylari

• Dzyodzo qal’asi
• Yokaren tinchlik memorial muzeyi
• Ami Premium Outlet savdo markazi

Xalqaro munosabatlar

•  – Superior, WI, AQSh,1997-yildan buyon
•  – Lyuchjou, Guansi Chjuan avtonom rayoni, Xitoy, 1997-yil iyundan buyon

Havolalar

• Rasmiy veb-sayti (yaponcha)