Ambulatoriya
Ambulatoriya (lotincha: ambulatorius — yurib bajariladigan) — qatnab davolanadigan kichik tibbiy muassasa.
Ambulatoriyalar koʻproq qishloq joylarida tashkil etiladi. Unda asosiy kasalliklar (ichki, jarroxlik, ayollar kasalliklari) muta-xassislari ishlaydi. Shu bilan Ambulatoriya poliklinikadan farq qiladi. Maʼlumotlarga qaraganda, Turkistonda Ambulatoriyaga oʻxshash shifoxonalar qadim zamonlarda ham boʻlgan. XVII asrda Buxorodagi mashhur „Buq’ai dor ushshifo“ kasalxonasi qoshida qatnab davolanadigan bemorlar uchun maxsus boʻlim tashkil qilingan. Oʻzbekistonda birinchi Ambulatoriya 1878-yilda Toshkentda ochilgan. Hozirgi Ambulatoriyalar zamonaviy diagnostika, davolash va profilaktika vositalari bilan jihozlangan.
Adabiyotlar
- OʻzME. Birinchi jild. Toshkent, 2000-yil
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |