Alpomish (choʻqqi)
| Alpomish | |
|---|---|
| Joylashuvi |
 Oʻzbekiston |
| Koordinatalar | 38.891634, 68.176775 [1] |
| Togʻ tizmasi | Hisor |
| Balandligi | 4668 |
Alpomish – Hisor togʻ tizmasidagi choʻqqi, Oʻzbekistonning eng baland nuqtasi[2]. Mutlaq balandligi – 4668 metr. Sovet olimlari "Hazrati Sulton" choʻqqisining balandligini oʻrganish bilan cheklanib, mamlakatning eng baland nuqtasi deya eʼtirof etishgan, biroq „Alpomish“ choʻqqisini oʻrganishmagan. Choʻqqi „Hazrati Sulton“dan 6 km janubda joylashgan. Choʻqqiga koʻtarilish murakkabligi jihatidan „4A“ toifa guruhiga kiradi[3].
Oʻrganilishi
1981-yilda sovet olimlaridan tarkib topgan ekspeditsiya aʼzolari Hisor togʻ tizmasidagi choʻqqilarni oʻrganib chiqishga kirishadi. Ekspeditsiya xulosasiga koʻra, topografik xarita ishlab chiqilib, choʻqqilar xaritaga kiritiladi. Xaritada „Alpomish“ ham koʻrsatilishiga qaramasdan, oʻrganilishi qolib ketadi. 2023-yilda Massachusetts texnologiya instituti tadqiqotchisi Eric Gilbertson choʻqqi ustida tadqiqot olib borgan. Avgust oyidagi tadqiqotida, choʻqqining balandlik miqdorini GPS qurilmalari orqali oʻlchab, „Hazrati Sulton“dan 25 m +/-8 nisbatda balandligini aniqlab, „Alpomish“ Oʻzbekistonning eng baland choʻqqisi deya xulosa qilgan[4][5]. 2024-yilning 24-iyul kuni bir guruh mahalliy alpinistlar choʻqqiga koʻtarilgan hamda bu choʻqqiga „Yangi Oʻzbekiston“ nomi berilishini taklif etgan[6].
Manbalar
- ↑ „Alpomish, Uzbekistan/Tajikistan“. https://peakbagger.com/.+Qaraldi: 12-may 2025-yil.
- ↑ „Алпамыш -- новая высшая точка Узбекистана“. risk.ru. Qaraldi: 12-may 2025-yil.
- ↑ „Отечественные альпинисты впервые поднялись на высшую точку Узбекистана“. UzNews.uz. Qaraldi: 12-may 2025-yil.
- ↑ „Alpomish, Uzbekistan Highpoint“. https://www.countryhighpoints.com/.+Qaraldi: 12-may 2025-yil.
- ↑ „Новая "высшая точка" Узбекистана?“. http://www.alpinizm.uz/.+Qaraldi: 12-may 2025-yil.[sayt ishlamaydi]
- ↑ „Альпинистлар Ўзбекистоннинг энг юқори чўққисига кўтарилди“. uza.uz. Qaraldi: 12-may 2025-yil.