Alp Jamol bank
| Alp Jamol bank | |
|---|---|
„Alp Jamol bank“ XOATB | |
| Asosiy maʼlumotlar | |
| Turi | AJ |
| Litsenziyasi | 1998-yil |
| Faoliyati | chakana bank, korporativ bank |
| Asos solingan | 1998-yil |
| Yopilgan yil | 2010-yil 13-mart |
| Boyligi | |
| Aktivlari | 118,6 mlrd soʻm |
| Sof foydasi | 5,9 mlrd soʻm |
| Xodimlari | 480 |
| Egalari | |
| Bosh kompaniyasi | Muhiddin Asomiddinov |
| Sayti | ajb.uz |
„Alp Jamol bank“ XOATB — Oʻzbekistonda 1998—2010-yillarda faoliyat yuritgan xususiy bank. Mulkchilik shakli xususiy ochiq aksiyadorlik tijorat banki.
Manzili: Toshkent shahri, Mirobod tumani, Mustafo Kamol Otaturk koʻchasi, 21-uy.
Tarixi
2009-yil 28-sentyabr 2-oktyabr kunlari Toshkent respublika fond birjasida Alp Jamol bankning 83 408,94 AQSh dollari qiymatidagi aksiyalari bilan savdo oʻtkazilgan. Bu kompaniyalar boʻyicha nisbatan koʻp amalga oshirilgan savdo deb hisoblangan[1].
2009-yil noyabrida bank Samarqand shahrida filial ochish uchun ruxsat oladi[2].
2010-yil 13-mart kuni Markaziy bank amaldagi bank qonunchiligini buzgani uchun Alp Jamol bankning bank faoliyatini amalga oshirish litsenziyasini hamda chet el valyutasida operatsiyalarini amalga oshirish huquqini beruvchi Bosh litsenziyani qaytarib oldi[3][4].
2011-yil mart oyida Alp Jamol bankning koʻchmas va nokoʻchmas mulklari davlat foydasiga musodara etilgan[5].
Faoliyati
2009-yil may oyi holatiga koʻra, bank quyidagi omonatlarni taklif qilgan[6]:
| Omonat nomi | Valyuta turi | Yillik foizi | Muddati | |
|---|---|---|---|---|
| 1 | AQSh dollari | 7% | 3 oy | |
| 2 | AQSh dollari | 14% | 6 oy | |
| 3 | AQSh dollari | 14% | 12 oy | |
| 4 | Yevro | 11% | 6 oy | |
| 5 | Yevro | 11% | 12 oy | |
| 6 | Istiqlol | Soʻm | 18% | 3 oy |
| 7 | Nur | Soʻm | 18% | 45 kun / 3 oy / 6 oy / 9 oy / 12 oy |
2010-yil 1-yanvar holatiga koʻra, bank aktivlari 118,6 mlrd soʻmni, toʻlangan ustav kapitali 10 mlrd soʻmni, jamlanma kapitali 15,9 mlrd soʻmni, yuridik va jismoniy mijozlari soni 155 mingni, jami xodimlari soni taxminan 480 nafarni tashkil qilgan[5][4].
2009-moliya yilida bank soliq toʻlagandan keyin 5,9 mlrd soʻm sof foyda olgan[4].
Bank Toshkent shahridan tashqari, Toshkent, Qashqadaryo, Namangan hamda Samarqand viloyatlarida faoliyat yuritgan. Bankning 5 ta filiali, 19 ta mini-banki (shundan 11 tasi poytaxtda), 48 ta xalqaro pul oʻtkazmalari punkti, 15 ta maxsus kassasi hamda 19 ta valyuta ayirboshlash punkti boʻlgan. Vakillik munosabati oʻrnatgan banklari soni 11 ta[4].
VISA International toʻlov tizimining assotsiatsiyalashgan aʼzosi sifatida Alp Jamol bank 2005-yildan beri VISA International plastik kartalarini chiqargan. 2006-yildan beri bank VISA GOLD kredit kartalarini mijozlarga taklif qilgan. 2009-yilda bankka VISA International assotsiatsiyasining prinsipal aʼzosi maqomi berilgan[4].
Jinoyat ishi
Bankning asosiy aksiyadori, Kuzatuv kengashi raisi Muhiddin Asomiddinov bank tugatilishidan oldin Oʻzbekistonni tark etgan. Unga nisbatan Jinoyat kodeksining 167-, 184- va boshqa moddalari bilan jinoyat ishi qoʻzgʻatilgan va keyinchalik uning qidiruvda boʻlganligi sababli toʻxtatilgan. 2019-yil yanvarda M. Asomiddinovning oʻz ixtiyori bilan qaytib, tergovga jalb qilinganligi sababli qayta tiklangan[5].
Manbalar
- ↑ „Итоги торгов на Республиканской Фондовой Бирже «Ташкент» с 28 сентября по 2 октября“ (ruscha). Bank.uz (2009-yil 5-oktyabr). Qaraldi: 14-iyul 2026-yil.
- ↑ „"Alp Jamol bank" Samarqandda filial ochmoqda“. Bank.uz (2009-yil 30-noyabr). Qaraldi: 14-iyul 2026-yil.
- ↑ „“Alp Jamol bank” litsenziyalari qaytarib olindi“. Bank.uz (2010-yil 17-mart). Qaraldi: 14-iyul 2026-yil.
- ↑ 4,0 4,1 4,2 4,3 4,4 „Банк «Алп Жамол» лишился лицензии“ (ruscha). Toshkent: gazeta.uz. Gazeta News (2010-yil 16-mart). Qaraldi: 2026-yil 14-iyul.
- ↑ 5,0 5,1 5,2 „«Alp Jamol bank» egasi O‘zbekistonga qaytdi“. Kun.uz. Web Expert (2019-yil 16-yanvar). Qaraldi: 14-iyul 2026-yil.
- ↑ „Новые процентные ставки по срочным депозитам для юридических лиц от ЧОАКБ «Алп Жамол Банк»“. Bank.uz (2009-yil 16-dekabr). Qaraldi: 14-iyul 2026-yil.
Havolalar
- https://www.gazeta.uz/ru/2010/03/16/ajb/
- https://www.gazeta.uz/oz/2019/01/16/ajb/
- https://www.ozodlik.org/a/29711712.html
