Alkiviad
Biografiyasi
Alkiviad-miloddan avvalgi taxminan 451-yilda tug'ilgan.Uning otasi Kliny Artemisiya yaqinidagi dengiz jangida trieraga qo'mondonlik qilib shuhrat qozongan, miloddan avvalgi 447-yilda esa Koroneya jangida beotiyaliklar bilan bo'lgan jangda halok bo'lgan. Bolaning vasiylaridan biri Perikl bo'lgan, uning xarakteriga esa Suqrot bilan do'stligi katta ta'sir ko'rsatgan.[1]
Alkiviad- hali o'smirlik davridayoq Suqrot bilan birga harbiy yurishlarda qatnashgan va janglarda do'stlar bir-birining hayotini saqlab qolganlar. Ammo Alkiviadning notinch xarakterining eng yorqin jihatlari - shuhratparastligi va har doimbirinchi bo'lishga intilishi - uni ko'pincha yaxshi bo'lmagan ishlarni qilishga undagan. Hatto Suqrotning ijobiy namunasi ham bunga to'sqinlik qila olmagan.[2]
U dabdabali hayot kechirgan, isrofgarchilik va qulaylikka bo'lgan muhabbati bilan ajralib turgan.Hatto trierada ham kemaning palubasining bir qismini kesib tashlashni buyurgan,boshqalar kabi taxtalarda emas ,balki tasmalardan yasalgan to'shakda uxlasin.
Harbiy yurushlari
Peloponnes urushi (miloddan avvalgi 431-404-yillar) davrida Alkiviad Potideyaga qarshi harbiy harakatlarda (miloddan avvalgi 432-430-yillar) va Deliya jangida (miloddan avvalgi 424-yil) qatnashgan.Jasurligi va aql-zakovati bilan ajralib turgan Alkiviad miloddan avvalgi 421-yildan boshlab bir necha marta strateg lavozimiga saylangan.[3]
Alkiviadning kelib chqiishi,boyligi,ko'plab do'stlari va qarindoshlari hamda janglardagi jasorati unga davlat lavozimlariga yo'l ochib berdi. Bundan tashqari, u notiqlik va ishontirish qobiliyatiga ham ega edi.[4]
Shuning uchun yosh Alkiviad siyosiy maydonga chiqqanida, tez orada uning faqat ikki nafar jiddiy raqibi qoldi - Feak, u bilan Alkiviad tez orada kurashib, ustun keldi, va Nikiy.Tajribali strateg bo'lgan Nikiy Sparta bilan tinchlik tarafdori edi. Ko'p jihatdan aynan uning hatti-harakatlari tufayli miloddan avvalgi 421-yilda keyinchalik Nikiy tinchligi deb atalgan shartnoma tuzildi.[5]
Alkiviad Nikiyga hasad qilib, afinaliklarga urushning muqarrarligini isbotlashga harakat qildi.Oxir-oqibat, uning hatti-harakatlari tufayli tinchlik buzildi.[6]
Perikl vafotidan so'ng, Afina shahri Sitsiliyaga harbiy otryadlar yubora boshladi. Ular Sirakuz aholisi tomonidan adolatsiz munosabatga uchragan va keyinchalik Afinaning raqiblariga aylangan shaharlarga yordam berish yuborilgan edi.[7]
Miloddan avvalgi 420-yilda Alkiviad xalq yig'inini Sitsiliyaga yakuniy g'alabaga erishish uchun katta flot yuborish zarurligiga ishontirdi.U Sitsiliyaga uyushtiriladigan.ekspeditsiya katta istilolarning boshlanishi bo'lishi mumkinligini,jumladan Karfagen, Italiya va Peloponnesni bosib olish mumkinligini ta'kidladi.[8]
Mulohazali va ehtiyotkor Nikiy esa xalqni bu fikrdan qaytarishga harakat qildi.U Sirakuzni bo'sundirish juda qiyin ish deb hisoblagan.Ammo uning maslahatlariga quloq solishmadi.Shuningdek, qizg'in va harakatchan kishilar bo'lgan Alkiviad va Lisimax bilan birga Nikiy ham strateg lavozimiga saylandi.[9]
Ekspeditsiya yo'lga chiqishidan oldin kimdir germanlarning - xudo Germes tasvirlangan haykallarning - tashqariga chiqib turgan qismlarini sindirib tashladi.Dushmanlar bu voqeani, shuningdek boshqa diniy haqorat va muqaddas narsalarni tahqirlash holatlarini ham Alkiviadga nisbat berdilar.[10]
Biroq unga ayblovlarni rad etish uchun Afinada qolishga imkon berishmadi.[11]
- ↑ 100 великих адмиралов-Николай Скрицкий.Стр-19.
- ↑ 100 Великих адмиралов
- ↑ 100 веоикий адмиралов-Николай Скрицкий.Стр-19.
- ↑ 100 веоикий адмиралов-Николай Скрицкий.Стр-19.
- ↑ 100 веоикий адмиралов-Николай Скрицкий.Стр-19.
- ↑ 100 веоикий адмиралов-Николай Скрицкий.Стр-19.
- ↑ 100 веоикий адмиралов-Николай Скрицкий.Стр-19.
- ↑ 100 веоикий адмиралов-Николай Скрицкий.Стр-19.
- ↑ 100 веоикий адмиралов-Николай Скрицкий.Стр-19.
- ↑ 100 веоикий адмиралов-Николай Скрицкий.Стр-19.
- ↑ 100 веоикий адмиралов-Николай Скрицкий.Стр-19.