Ali posho tepelena
Ali posho tepelena, Ali Posho Yanina (tahminan 1744-yil — 1822-yil 2-may) — Tepelena (janubiy Albaniya)dan chiqqan alban mulkdori. Bolqon yarim orolning katta qismiga hokimlik qilgan. Usmonli turk saltanatida markaziy hokimiyatning zaiflashganidan foydalanib, 1787-yil Yanina shahrini (Shimoliy Gresiyada) egallagan, soʻng Albaniya va Gretsiyaning 1,5 million kishi yashaydigan katta qismini ham oʻziga tobe etgan (1812-yil). Oʻzining shaxsiy qoʻshini va floti boʻlib, xorijiy davlatlar bilan oʻzaro aloqalar oʻrnatgan. Ali posho tepelena mulklarida oʻzaro nizolar barham topgan, savdo yoʻllari bexavotir boʻlgan. 1820-yil iyulda Turkiya sultoni Mahmud II Ali posho tepelenaga qarshi urush ochgan va ushbu urush jarayonida Ali posho tepelena magʻlubiyatga uchrab, halok boʻlgan.
Adabiyotlar
- OʻzME. Birinchi jild. Toshkent, 2000-yil
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |