Ali ibn Kama

Ali ibn Kama – Buvayhiy hukmdor Rukn ud-Davlaning, shuningdek, uning aka-ukalari Muizz ud-Davla va Imod ud-Davlaning jiyani, Buvayhiylar davlatining Jibal mintaqasida yetakchi shaxsga aylangan harbiy amaldor. Oʻzining daylamiy qarindoshlari orasida katta hurmat-eʼtiborga sazovor boʻlgan. 949-yilda Imod ud-Davla vafot etgach, Rukn ud-Davla Ali ibn Kamani Ray noibi etib tayinlagan. Oʻzi esa oʻgʻli Adud ud-Davlaning hokimiyatini mustahkamlash uchun Sherozga yoʻl olgan. Shu orada Somoniylar vaziyatdan foydalanib, Rukn ud-Davla tasarrufidagi hududlarga bostirib kirdilar va Ali ibn Kamani Jibaldan qochishga majbur etganlar. Taxminan 959-yilda Ali ibn Kama bilan Ziyoriylar shahzodasi Bisotun oʻrtasida jang boʻlib oʻtgan. Jang Buvayhiylar gʻalabasi bilan yakunlangan. 966-yilda esa Ali ibn Kama va Rukn ud-Davla Xurosondan kelgan katta miqdordagi gʻoziylar qoʻshinini tor-mor etganlar. Rukn ud-Davla 976-yilda vafot etgach, uning oʻrnini oʻgʻli Faxr ud-Davla egallagan. U esa Ali ibn Kamani qatl ettirgan.

Adabiyotlar

• Kennedy, Hugh N.. The Prophet and the Age of the Caliphates: The Islamic Near East from the 6th to the 11th Century, Second, Harlow, UK: Pearson Education Ltd., 2004. ISBN 0-582-40525-4. 
• The Eclipse of the 'Abbasid Caliphate. Original Chronicles of the Fourth Islamic Century, Vol. V: The concluding portion of The Experiences of Nations by Miskawaihi, Vol. II: Reigns of Muttaqi, Mustakfi, Muti and Ta'i. Oxford: Basil Blackwell, 1921.