Aleziya

Aleziya — qadimgi gallar shahar-qal’asi (hozirgi Dijon yaqinida, Fransiya). Miloddan avvalgi 52-yilda gallar qoʻzgʻoloni paytida Yuliy Sezar qamal qilgan. Gallar Versingetorig rahbarligida Aleziyani mardona himoya qilganlar, ammo rimliklarning harbiy kuchi, texnikasining ustun-ligi tufayli, shuningdek oziq-ovqat yetishmovchiligi natijasida taslim boʻlganlar. Shu bilan Galliyani zabt etish yakunlangan. Arxeologik qazishmalar (1860-yildan) natijasida Sezar bunyod etgan qamal inshootlari va xandaqlar ochilgan. Jang maydonidan Rim va gallar qurol-yarogʻlari, tangalar (miloddan avvalgi 52-yil) topilgan. Shahar Rim davrida ham mavjud boʻlgan: Rim teatri, ibodatxona va boshqa ochilgan. Oʻrta asrlarda shahar huvillab, boʻshab qolgan. Hozir Aleziya oʻrnida Aliz shahri harobasi va Aliz-Sent-Ren qishlogʻi joylashgan.

Adabiyotlar

• OʻzME. Birinchi jild. Toshkent, 2000-yil