Aleksandr Volkov (harbiy)

Aleksandr Volkov
Tavalludi	12-sentyabr 1903-yil; Samarqand, Samarqand viloyati (Rossiya imperiyasi)
Vafoti	21-fevral 1975-yil; (71 yoshda); Moskva, RSFSR, SSSR
Fuqaroligi	SSSR
Kasbi	Harbiy amaldor
Unvoni	Polkovnik
Mukofotlari

Aleksandr Matveyevich Volkov (1903-yil 30-avgust Samarqand, Samarqand viloyati, Turkiston general-gubernatorligi, Rossiya imperiyasi – 1975-yil 21-fevral Moskva, RSFSR, SSSR) – sovet harbiy va davlat arbobi. Birinchi chaqiriq Ukraina SSR Oliy Radasi deputati (1938—1947). KP(b)U MK aʼzosi (1938—1940). Polkovnik (1940)^[1].

Biografiyasi

1903-yil 30-avgustda Samarqand shahrida (hozirgi Samarqand viloyati, Oʻzbekiston), temiryoʻlchi oilasida tugʻilgan. Gimnaziyaning beshta sinfini va temir yoʻl maktabini tamomlagan. 1918-yildan Samarqanddagi temir yoʻlda taʼmirchi boʻlib ishlagan. 1918-yilda u temir yoʻlchilarning Qizil gvardiya batalyonida xizmat qilgan.

1919-yilda komsomoliga ishga oʻtgan, 1921-yilgacha Samarqand okrug komiteti kotibi, Toshkent shahar Turkiston komsomol komiteti siyosiy maʼrifat boʻlimi mudiri lavozimlarida ishlagan.

1921-yil noyabrda VCHK organlariga ishga yuborilgan, 1925-yilgacha Samarqand, Buxoro, Ashxobod, Andijon, Qoʻqon shaharlarida Oʻrta Osiyo temir yoʻli transport boʻlimida ishlagan^[2].

1925-yilda harbiy xizmatga chaqirilib, Oʻrta Osiyoda SSSRning Afgʻoniston bilan chegarasini qoʻriqlash uchun joʻnatilgan va chegarada 1937-yilgacha komendant yordamchisi, komendant, chegara otryadi komandiri lavozimlarida xizmat qilgan. 1927–1929-yillarda Moskvadagi Oliy chegara maktabida oʻqigan. 1934—1937-yillarda M.Frunze nomidagi Qizil Armiya Harbiy Akademiyasida tahsil olgan.

1937—1939-yillarda u 23-Qizil bayroqli Kamianets-Podilskiy chegara otryadining boshligʻi lavozimida ishlagan.

1938-yil 26-iyunda u Kamianets-Podilskiy viloyatining 5-sonli Chemerovets saylov okrugida birinchi chaqiriq Ukraina SSR Oliy Radasi deputati etib saylangan. BP(b)U MK aʼzosi (1938—1940), KP(b)U Kamianets-Podilskiy viloyat qoʻmitasi byurosi aʼzosi (1938—1939) boʻlib faoliyat yuritgan.

1939-yil avgustdan 1944-yil maygacha SSSR NKVDning Uralsdagi Usollag boshqarmasi boshligʻi boʻlgan. 1944-yil may-dekabr oylarida Aleksandr 1-Belorussiya frontining 18-Qizil bayroqli chegara otryadi boshligʻi boʻlgan. 1944-yil dekabrdan u NKVD qoʻshinlari 1-Belorussiya frontining qoʻriqlash shtab boshligʻi boʻlgan.

U 21-fevral kuni Moskvada vafot etgan.

Harbiy unvonlari

kapitan (1936-yil 29-avgust)
mayor
polkovnik (1940-yil 31-avgust)

Mukofotlari

Qizil Bayroq ordeni (1945-yil 6-aprel).
2-darajali Suvorov ordeni (1945-yil 16-sentyabr).
1-darajali Vatan urushi ordeni.
Qizil Yulduz ordeni

Manbalar

↑ „https://nkvd.memo.ru/index.php/%D0%92%D0%BE%D0%BB%D0%BA%D0%BE%D0%B2,_%D0%90%D0%BB%D0%B5%D0%BA%D1%81%D0%B0%D0%BD%D0%B4%D1%80_%D0%9C%D0%B0%D1%82%D0%B2%D0%B5%D0%B5%D0%B2%D0%B8%D1%87“. 2021-yil 24-noyabrda asl nusxadan arxivlangan. Qaraldi: 2023-yil 17-sentyabr.
↑ „https://knigogid.ru/authors/61323-volkov-aleksandr-matveevich“.

[1] „https://nkvd.memo.ru/index.php/%D0%92%D0%BE%D0%BB%D0%BA%D0%BE%D0%B2,_%D0%90%D0%BB%D0%B5%D0%BA%D1%81%D0%B0%D0%BD%D0%B4%D1%80_%D0%9C%D0%B0%D1%82%D0%B2%D0%B5%D0%B5%D0%B2%D0%B8%D1%87“. 2021-yil 24-noyabrda asl nusxadan arxivlangan. Qaraldi: 2023-yil 17-sentyabr.

[2] „https://knigogid.ru/authors/61323-volkov-aleksandr-matveevich“.

[1]

[2]